Deuteronomiyo 27 - Emakhuwa Bible

Maluku ni altaari* vamwaako Ebali

¹ Moisesi ni asitokweene a aYixrayeli aalamulela muloko: “Mwiiwelele malamulo ootheene kinoolamulelasaakani olelo:

² Mwaamulapuwaka Yordanu weera mwavolowe mweelaponi Yave Mulukwaanyu onoovahaaweni, mweemexe maluku matokotoko ni mwattikitthele yootteela.

³ Mwalepemo masu ootheene a Nlamulo nna munlapungweene mooloko weera mwavolowe mweelaponi Yave Mulukwaanyu onoovahaaweni, elapo yoosareya mukaka ni oravo, ntoko oororomelinghaaweni Yave Muluku a makholowaanyu.

⁴ Munlapungweene Yordanu, mweemexe maluku awo vamwaako Ebali ntoko kinoolamulelaakani olelo ni mwattikitthele yootteela.

⁵ Mwamutekelewo Yave Mulukwaanyu altaari* a maluku oohiratteliwa.

⁶ Mwaateke altaari* a Yave Mulukwaanyu ni maluku mapurukuma ni vasuluwaya mwampakele sooveleela soohisa Yave Mulukwaanyu.

⁷ Mwapakewotho sooveleelela murettele mucaaka ni muhakalalaka vamaithoni wa Yave Mulukwaanyu.

⁸ Mwalepemo woohitikinsa mmalukuni awo masu ootheene a Nlamulo nna.”

⁹ Vano Moisesi ni asaserdoti* ari aLeevi aaweerela aYixrayeli ootheene: “Ii! aYixrayeli, mmaale ni mwiiwe! Nyuwosa moothatuwa vano muloko wa Yave Mulukwaanyu.

¹⁰ Mmwiiwelele Yave Mulukwaanyu ni mutthareke malamulowaawe ni ikanosawe kinoovahaakani olelo.”

¹¹ Nihuku nenenenne Moisesi aalamulela muloko:

¹² “Munlapungweene Yordanu, ipuumba sineera sakhale vamwaako Gerizimi weera sireelihe muloko ti iya: Simeyoni, Leevi, Yuda, Isakari, Yoseefe ni Benyamini.

¹³ Ipuumba sineera sakhale vamwaako Ebali weera sihime malapho ti iya: Rubeni, Gadi, Axeri, Zebuluni, Dani ni Nafitali.

Malapho muloko ni meeli

¹⁴ aLeevi yaleeleke muloko wootheene wa aYixrayeli ekhuwelaxaka:

¹⁵ “Oolaphiwa ti yoowo anaapake ecaambulo hoye hoye muluku oolokottha iipithihaka -– etthu yoopakiwa ni aratti. Ti sa mwiikho vamaithoni wa Yave.” Vano muloko wootheene weereke: “Ame!*”

¹⁶ “Oolaphiwa ti yoowo anaaveihe atithawe ni amayawe.” Vano muloko wootheene weereke: “Ame!*”

¹⁷ “Oolaphiwa ti yoowo anaaceendye ikanyero sa mwiinano wa mukhwaawe.” Vano muloko wootheene weereke: “Ame!*”

¹⁸ “Oolaphiwe ti yoowo anaamuhapuxe oohoona.” Vano muloko wootheene weereke: “Ame!*”

¹⁹ “Oolaphiwa ti yoowo anaamukhoottele ekhaikhai namarwa, mukwaasuni hoye hoye naamukhweli.” Vano muloko wootheene weereke: “Ame!*”

²⁰ “Oolaphiwa ti yoowo anaakoneno amwaaraya atithawe, niwoko omveiha ekaama ya atithawe.” Vano muloko wootheene weereke: “Ame!*”

²¹ “Oolaphiwa ti yoowo anaamuraruxe akhalaru mwaamunama.” Vano muloko wootheene weereke: “Ame!*”

²² “Oolaphiwa ti yoowo anaamukoneno murokoriye a wuutiithini hoye hoye a wuumaayini.” Vano muloko wootheene weereke: “Ame!*”

²³ “Oolaphiwa ti yoowo anaakoneno apwiyamwaanaawe.” Vano muloko wootheene weereke: “Ame!*”

²⁴ “Oolaphiwa ti yoowo anaamwiive mukhwaawe wiiphiini.” Vano muloko wootheene weereke: “Ame!*”

²⁵ “Oolaphiwa ti yoowo anaakhulele oliviwa wa wiiviwa oohinthowa.” Vano muloko wootheene weereke: “Ame!*”

²⁶ “Oolaphiwa ti yoowo anaaheettele masu a Nlamulo nna.” Vano muloko wootheene weereke: “Ame!*”