aRooma 9 - Emakhuwa Bible

Muluku onaathanla yaawo onaatthunaawe.

¹ Kinghima ekhaikhai mwa Kristu, nkinootha. Soosuwelasaka sinkikhalela onamoona mwa Munepa Wootteela:

² Koothananaxa, ni kookhalano murima woolemela woohihiyerera.

³ Vano miyo koolikana, mpaka kaahaawela weera kilaphiwe ni kimwalanyihiwe ni Kristu niwoko na osivela wa axunnaka, yaawo a mulokwaaka,

⁴ muloko wa oYixrayeli. Waakhuleliwa ntoko anamwane ti wawaya; ovuwa wa wiirimu ti wawaya. Soowiiraanyiha, waakhuleliwa wa nlamulo, olapa Mpaani mwa Muluku, ni soororomelihiwa – sootheene siri sawaya.

⁵ Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

⁶ Nihuupuwele weera masu a Muluku yaakusanyiheya. Khaahiyono anamwane ootheene a oYixrayeli weera ti vekhaikhai muloko wa oYixrayeli.

⁷ Hata khoohiyono weera ekhapira yootheene ya Abrahaamu eri anamwanaaya a ekhaikhai. Ohiyanawaya: “Ti niwoko na Isaaki ekhapiraanyu eneeraaya yaalikeliwe.”

⁸ Eyo tiyo: khaahiyono anamwane a erutthu ari anamwane a Muluku, mene ti anamwane a yoororomelihiwa ari oowaalikeliwa ntoko ekhapira ya ekhaikhai ya Abrahaamu.

⁹ Vano ti hiihaawo yoororomelihiwa epakiwaaya: “Ehuhu yootthuneya nkirwe veeli, ni Sara anaakhale ni mwaana.”

¹⁰ Ni eyo khayeereiye paahi ni Sara, menetho ni Rebeka, aarino maphapo yaakhalano atithaya amoharu, atithihu Isaaki.

⁰ Ni nlelotho, ehinaaye oyariwa maphapo, awo ehinaaye opaka yooreera, hata yoonanara, Muluku aamweerela Rebeka: “Mutokweene anaamurumeele mukhaani,” ntoko elempwalaaya: “Koomusivela Yakobe, mene koomuthanya Esawu.” Hiihaawo, Muluku oniixoonihera weera ethanlelo eri ya Yoowo oniitthana, ehikhanle ya miteko sa omutthu.

¹⁴ Vano, nneereke hai? Apaale Muluku khankhala ni ekhaikhai? Hata vakhaani!

¹⁵ Owo aamweerela Moisesi: “Kinoommorela ikharari yoowo kintthunaaka ommorela ikharari, ni nkimoonele ehaaya yoowo kintthunaaka omoonela ehaaya.”

¹⁶ Tivawo eyo kheehiyono ya ohaawela, naari ya miteko sa omutthu, mene ya ikharari sa Muluku.

¹⁷ Vano Yoolempwa* eneera sa Farawu*: “Miyo kooweemexa niwoko na nthowa nna paahi: weera kiwoonihere mwa weyo ikurusaka, ni weera Nsinanaka nilaleiwe elapo yootheene.”

¹⁸ Tivawo Muluku onimmorenlaawe ikharari yoowo onimutthunaawe ni ommuumihera murima yoowo onimutthunaawe.

¹⁹ Apaale mukina a nyuwo anaakeerele: “Waari hiiho, vano niwoko heeni Muluku nlelo onihimahimmaawe hiyo: Taani ongwera okhootta otthunawawe?”

²⁰ Mutthu, weyo taani oomukohakoha Muluku? Apaale yeeyo epakiwe enoowera omweerela yoowo opanke: “Heeni mukipankaanyu hiiha?”

²¹ Namoopa a nyaapu khanono ikuru soopaka wa olokweene yoowo mwaapu mmoha wa soovarela soottittimiheyaxa, ni mwaapu mukina wa soovarela sa khula nihuku?

²² Nnihime eheeni hiyo, Muluku atthuna woonihera isarasawe ni asuweliha ikurusawe? Owo oovilela ni oweherera otokotoko nyaapu sa isarasawe sipakeliwe ophwata.

²³ Nihimeke eheeni Owo aapankaawe yeeyo weera sisuweliwe mihakhu sa ovuwawawe wa nyaapu sa ikhararisawe Owo orehererenlaawe khalayi ovuwa?

²⁴ Vano hiyo nri a nyaapu iya, hiyo Muluku oniitthannaawe, ohikhanle paahi wa aYuda, menetho wa amalapo.

²⁵ Ntoko mprofeeti Hoxeya eenraawe: “Nkiitthane mulokwaaka yoowo wahaakhanle, ni oosiveleya yoowo ahaakhanle.”

²⁶ Ni: “Nipuro naahimmwalaaya: ‘Nyuwo khamuhiyono mulokwaaka,’ vaavaawo nyuwo mmwiitthaniwe ‘anamwane a Muluku mukumi.’”

²⁷ Mprofeeti Yesayatho onghima mwaha wa aYixrayeli: “Naamwi aYixrayeli yaantteene ntoko ehaava ya mphareiya, eniivuluxiwe atthu vakhaani paahi,

²⁸ niwoko Apwiya eniikwanihere nthorihelo vathi moota woowaakuveya ni wookwanela.”

²⁹ Ntoko Yesaya eenraawetho khalayi: “Apwiya a anakhotto yahaanikhalinghe ekhapira, naamuthatuwa ntoko oSodoma, ni naamulikanyihiwa ni oGomora.”

Ohiroromela wa aYixrayeli

³⁰ Vano, nneereke hai? Amalapo yahaasaanse waakhuleliwa ni Muluku, yaaphwanya iwo – waakhuleliwa onrweela niwoko na nroromelo.

³¹ aYixrayelitho yaasaasa nlamulo weera yaakhuleliwe ni Muluku, khayaawenre.

³² Heeni yahaawenraaya? Niwoko khayaasaasa ni nroromelo, mene ni miteko. Awo yaakwattuliwa ni nluku nookwattula.

³³ Ntoko elempwalaaya: “Moone, Miyo kohiiyaathi oSiyoni nluku nookwattula ni noowuuwiha, mene yoowo onroromela, nenno kharwa uuliwa muru.”