aRooma 6 - Emakhuwa Bible

Ookhwa wa yoottheka, akumi mwa Kristu

¹ Nneereke hai? Hiyo nnipwaherere ottheka weera mahala yaandyeerereye?

² Hata vakhaani! Hiyo ninkhwela yoottheka, nnipwaherere hai okhala mwa yeeyo?

³ Apaale khamusuwenle weera hiyo ootheene nipatisiwe mwa Kristu Yeesu, nipatisiwe mwa okhwawawe?

⁴ Tivawo, nivithiwe ni Yoowo mookhwaani niwoko na opatiso, weera hiyo nikhale ni okumi onyowani, hiiho ntoko Kristu ovenyererihiwaawe mookhwaani niwoko na ovuwa wa Atiithi.

⁵ Waari weera hiyo nithukumanyihiwe mooteene yoowo ni Yeesu mookhwaanimwawe, vekhaikhai nnithukumanyihiwetho ni Yoowo moovenyereranimwawe.

⁶ Vano, noosuwela weera mutthwaahu a khalayi oothomeiwa ni Yoowo, weera erutthu ya yoottheka ephwatiwe, ni weera nihikhaletho ipottha sa yoottheka,

⁷ niwoko yoowo okhwiiye, oovuluwa mwa yoottheka.

⁸ Moone, hiyo naakhwaaka ni Kristu, nnoororomela weera nnikhaletho ni Yoowo.

⁹ Vano, noosuwela weera avenyererihiweene mookhwaani, Kristu khangwera okhwatho. Okhwa khoongwera omulamulatho.

¹⁰ Ni okhwawawe, Kristu okhwenle yoottheka khuluwi, ni okumi onyowani onkhalaawe, onimukhalela Muluku.

¹¹ Mooteene yoowo, mwiixuupuwelele weera mukhwiiyeene wa yoottheka, mene munoomukhalela Muluku mwa Kristu Yeesu.

¹² Tivawo, muhihiye yoottheka elamulaka irutthusanyu sinkhwa, mwiiwelelaka soohaawelasaya.

¹³ Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

¹⁴ Yoottheka kheerwa yoolamulani, niwoko khamukhanle vathi wa nlamulo, mene wa mahala.

Ipottha sa ekhaikhai

¹⁵ Vano, nnittheke niwoko khanikhanle vathi wa nlamulo, mene wa mahala? Hata vakhaani!

¹⁶ Khamusuwenle weera nyuwo mwiivahereraka wa mukina weera mmwiiwelele ntoko ipottha, nyuwo munkhala ipottha sa yoowo mumwiiwelelaanyu – hata sikhale ipottha sa yoottheka, enooronghani wa okhwa, hata sikhale ipottha sa wiiwelela, onooronghani wa waakhuleliwa ni Muluku?

¹⁷ Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu.

¹⁸ Nyuwo moovuluxiwa mwa yoottheka, ni mookhala ipottha sa ekhaikhai.

¹⁹ Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho.

²⁰ Mwaaraanyu ipottha sa yoottheka, khamwaakhanle vathi wa ekhaikhai.

²¹ Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa!

²² Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala.

²³ Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.