aRooma 4 - Emakhuwa Bible

Abrahaamu aahaakhuleliwa niwoko na nroromelo

¹ Vanonto, nneere hai sa nikholonahu Abrahaamu? Yaamweereenle eheeni owo?

² Waari weera Abrahaamu aahaakhuleliwa niwoko na miteko, owo aamukhalano etthu yoowiivuwihera, ohikhanletho vamaithoni wa Muluku.

³ Enghima eheeni Yoolempwa*? Abrahaamu aamuroromela Muluku, ni niwoko na yeeyo, owo aahaakhuleliwa.

⁴ Moone, nlivo na namuteko khanooneliwa ntoko yamahala, mene ntoko yoonyesereriwa.

⁵ Wa soothesene, yoole ohimvara muteko, mene anroromelaka Muluku ommwaakhulela namattheka, nroromelonawe ningwera weera owo onaakhuleliwa ni Muluku.

⁶ Davide aahima etthweene yeeyo, uulumaka sa yooreelihiwa ya yoowo Muluku ommwaakhulelaawe, ohikhanle wa miteko:

⁷ “Ooreelihiwa yaawo sootakhalasaya siri sooleveleliwa, sootthekasaya siri sookhuneeliwa.

⁸ Ooreelihiwa mutthu sootthekasawe Apwiya ahinaalikelaaya.”

⁹ Yooreelihiwa eyo eri paahi ya oowiineliwa, hoye hoye ya oohiineliwatho? Noohima weera mwaha wa Abrahaamu aahaakhuleliwa niwoko na nroromelonawe.

¹⁰ Vano, yaakhani aakhuleliwaawe Abrahaamu? Ahinaaye, hoye hoye vahoolo wa wiineliwawawe? Khoohiyono iinelingweene, mene ahinaaye!

¹¹ Hiiho owo aahaakhela wiineliwa ntoko eneneero, ethoonyero weera owo aakhuleliwaawe niwoko na nroromelo, ahinaaye nlelo wiineliwa. Tivawo awo ari atiithi a ootheene yaawo anroromela ehiineliwe, weera awotho ekhale oowaakhuleliwa.

¹² Awo aritho atiithi a oowiineliwa, ehikhanle paahi oowiineliwa, menetho a yaawo aneetta mphironi ya nroromelo yeettaaya atithihu Abrahaamu ehinaaye wiineliwa.

¹³ Abrahaamu ni anamwanaaya yaahaakhela yoororomelihiwa weera awo yaarwa waakhela elapo ya vathi ntoko yoohiyeriwa*. Khayaakhenle yeeyo niwoko na nlamulo, mene niwoko yaahaakhuleliwa mwaha wa nroromelonaya.

¹⁴ Vano, yaawo ankhala munlamuloni yaari anamwaakhela, nroromelo nri na siiyo ni yoororomelihiwa eri yoohivareleya muteko.

¹⁵ Nlamulo ninruwera isara, ni weiwo nihikhanlaayawo nlamulo, khoowowo otakhaliwa.

¹⁶ Tivawo, yoororomelihiwa enrwa niwoko na nroromelo, weera evahiwe mahaleene, ni hiiho ekhale oororomelihiwa wa anamwane ootheene a Abrahaamu, ehikhanle paahi wa yaawo ari vathi wa nlamulo, mene wa yaawotho arino nroromelo nenenenno Abrahaamu aarinaawe. Awo ari atiithi a hiyo ootheene.

¹⁷ Ntoko elempwalaaya: “Miyo koohookhaliha tiithi a miloko sincipale,” aani, vamaithoni wa Muluku mwa Yoowo aamuroromenlaawe, Muluku owo omvaha okumi wa akhwiiye ni onkhaliha itthu sahaakhanle weera sikhale.

¹⁸ Waarookhalaru woorika ororomela, Abrahaamu aaroromela, ni hiiho aakhala atiithi a miloko sincipale, ntoko yaahimmwalaaya mwaha wa yoowo: “Hiiho eniikhale anamwanaanyu.”

¹⁹ Ahikhulumuwaka munroromeloni, owo aahoona weera erutthwaawe yaahuuluvala, niwoko saaphiyera iyaakha wookwanaka ncira, nitho weera niphwanya na Saara khanaawera.

²⁰ Hata hiiho owo khaahovenle ni ohiroromela mwaha wa yoororomelihiwa ya Muluku, mene aalipiheriwa munroromeloni ni aamvuwiha Muluku,

²¹ areene ooviriyeliwa ni murima wootheene weera Muluku aari a ikuru okwanihera yeeyo aaroromelinghaawe.

²² Tivawo Muluku aamwaakhulenlaawe niwoko na nroromelo.

²³ Masweene yaale weera “aahaakhuleliwa ni Muluku” khayaalempwale paahi wa yoowo,

²⁴ menetho wa hiyo Muluku aneeraawe anaakhulele, wa hiyo ninroromela mwa Yoowo omvenyererihale mookhwaani Yeesu, Apwiyaahu.

²⁵ Owo aavahereriwa okhwa niwoko na sootthekasahu, ni aavenyererihiwa weera hiyo naakhuleliwe ni Muluku.