aRooma 13 - Emakhuwa Bible

Owiiwelela atthu anlamula

¹ Atthu ootheene ewiiwelele yaawo anlamula, niwoko khasiwowo ikuru sikina, sihikhanle iya sinrweela wa Muluku. Vano ikuru sootheene sinkhala, sookhalihiwa ni Muluku.

² Tivawo yoowo ohiniiwelela ikuru iyo, khaniiwelela yeeyo Muluku okhalinghaawe. Yaale ampwaherera hiiho, aniiruuhela nthorihelo asineenaaya.

³ Khoontthuneya weera atthu a ikuru yooviweke, ohikhanle ni yaale ampaka yoonanara. Muntthuna okhala muhiwoovaka atthu a ikuru? Mpakeke yooreera, ni nyuwo mmwittottopeliwe ni yaawo.

⁴ Atthu a ikuru ari arumeiyi a Muluku wa mpuhaanyu. Mwapakatho yoonanara, ngwoove, niwoko awo khaankuxa ekatana woohikhala nthowa. Ari arumeiyi a Muluku, atthu ankwanihera nttaruxo weera emuttaruxe yoowo ompaka yoonanara.

⁵ Tivawo, ontthuneya niwiiwelele atthu anlamula, ohikhanle paahi noovaka nttaruxo, menetho niwoko na murima.

⁶ Ti niwoko na yeeyotho nyuwo munlivaanyu musoko, niwoko ari arumeiyi a Muluku, evaraka ni nthiti ehuhu yootheene muteko ola.

⁷ Mumvahe khula mutthu yeeyo entthuneya. Wakhala musoko, muliveke, nakhala ntthuvelo, mutthuveke, wakhala woova, mooveke, ni nakhala nttittimiho, muttittimiheke.

Omusivela mukhwiinyu ni ommaleloni wa ihuhu

⁸ Muhimukopele mutthu naari etthu emoha, ohikhanle osivelana mukina ni mukhwaawe, niwoko yoowo onimusivela mukhwaawe, ookwanihera nlamulo.

⁹ Vano, malamulo ala: “muhiraruwe, muhiive, muhiiye, muhiinlele itthu sa mukhwiinyu” ni malamulo ootheene makina, athukumanyiwe munlamuloni mu: “mmusivele mukhwiinyu ntoko muniisivelaanyu mwaneenaanyu.”

¹⁰ Osivela khoompakiha yoonanara ni mukhwiinyu. Tivawo, osivela ti ekwanihero ya nlamulo.

¹¹ Mupakeke yeeyo mwiiwexexaka ehuhu hiyo ninkhalaahu. Yoophiya ehuhu weera muvenyeke mukhovenimwanyu niwoko vano ovuluwawahu ori vakhiviru opwaha ehuhuweene yeele hiyo naapacenraahu ororomela.

¹² Ohiyu ohanle vakhaani omala, othana woonikhuveela. Tivawo, nihiye miteko sa mpiphini, ni niiwariheke ikuwo soowiixaakiha sa waara.

¹³ Neetteleke mukhalelo wa nnene, ntoko atthu aneettela waara wa othana, ohikhanle ngwiipeliwani, moohapaliwani, naari mooraruwani ni moohuureyani, hata moonyakulihanani, hoye hoye munrimani.

¹⁴ Ohiyanawaya, mwiiwarihe Apwiya Yeesu Kristu, ni muhuupuwele moota heeni woomaaliha soohaawela sa erutthu.