aRooma 11 - Emakhuwa Bible

Muhoolo wa aYixrayeli

¹ Vano kinookoha: Apaale Muluku ookhootta mulokwaawe? Hata vakhaani! Miyo mwaneenaaka ti muYixrayeli, ekhapira ya Abrahaamu, epuumba ya Benyamini.

² Muluku khaakhoontte mulokwaawe Owo khalayi aasuwenlaawe. Apaale nyuwo khamusuwenle moota Eliya omukhuwelenlaawe Muluku niwoko na Yixrayeli ntoko Yoolempwa yeenraaya:

³ “Apwiya, yaawiiva maprofeetaanyu, aaphwata mapurowaanyu a olapa. Kihanle miyo paahi, ni anaasaasa okiiva.”

⁴ Vano, yaari yoowaakhula heeni ya wiirimu? “Kohiisungera atthu macira miloko mathannameeli ahimulampe Bahali*.”

⁵ Hiihotho, olelo anghala aYixrayeli vakhaani, oothanliwa ni mahala.

⁶ Waari ni mahala paahi, khoohiyonotho ni miteko. Waari ni miteko, mahala khayaakhalatho mahala.

⁷ Nneereke hai? aYixrayeli khayaawenre yeeyo yaasaasaaya vancipale, mene oothanliwa yaawera. Akina ancipale yaatatuxiwa oowuuma murima,

⁸ ntoko elempwalaaya: “Muluku ohaavaha munepa wa wooseela, maitho weera ehoone ni maaru weera ehiiwe, mpaka olelo vaava.”

⁹ Ni Davide eenre: “Weera meesaaya ethatuwe ntthavi ni muraakho, nluku nookwattula ni noottaruxa.

¹⁰ Maithwaaya eriipiwe weera ehoone, ni ittulisaya sikhoromane mahuku ootheene.”

Ovuluxiwa wa amalapo

¹¹ Kinookoha veeli: Apaale akwattuliwe weera yuuwe? Hata vakhaani! Ohiyanawaya, niwoko na wuuwawaya wohoorwa ovuluwa wa amalapo weera ekhale ehace mwa aYixrayeli.

¹² Vano, waari weera wuuwa wa aYixrayeli ontaphulela oreela wa elapo ya vathi, ni oyeleelawaya ontaphulela mihakhu wa amalapo, wootepaxa onuutaphulele waattawaya!

¹³ Kinuuluma ni nyuwo amalapo. Keenre kikhalaka murummwa wa amalapo, kookhalano nttittimiho nincipale mmutekonimwaka,

¹⁴ munroromeloni weera ni moota mukina kiwere otannya ehace mmulokonimwakeene yoowo weera naari mano akina a yaawo evuluxiwe.

¹⁵ Vano, okhoottawaya waawenre wiiraanyiha wa elapo ya vathi, eniikhumelele eheeni awo yaakhuleliwa veeli? Onuutaphulele okumi wa yaawo akhwiiye.

¹⁶ Soowiima soopacera soovahiwa saari sootteela, soowiima sootheene sinookhalatho sootteela. Waari weera mukwankhwaari ori wootteela, vano hiihotho iphandisaya.

¹⁷ Iphandi sikina soothikiliwa, mene nyuwo, mureene ya oliveira ya ntuphini, moolumbaanyiwa ni iphandi sikina ni vano nyuwo mungwura ebwanyaasi enrweela munkwankhwaarini wa sooliveira* sa ekhaikhai.

¹⁸ Tivawo, muhiixunnuwihe ni iphandi soothikiliwa. Nyuwo mwapaka yeeyo, musuwele nnene weera khamuhiyono nyuwo mumvaha okumi wa mukwankhwaari, mene owo wa nyuwo.

¹⁹ Nyuwo mmweere: “Iphandi soothikiliwa weera miyo kilumbaanyiwe.”

²⁰ Ti ekhaikhai. Wa soothesene, iyo soothikiliwa niwoko na ohiroromela, ni nyuwo munkhala munroromeloni. Muhiixunnuwihe, mene moove,

²¹ niwoko Muluku ahuurenle iphandi sa ekhaikhai, khaawuurelanitho nyuwo.

²² Tivawo, mutthokelele oreera murima ni ottaruxa wa Muluku: ottaruxiwa wa yaale yuuwale, mene oreera murima wa nyuwo, mwapwaherera mooreerani murimaawe. Mwaahipwaherera, mmwithikiliwetho.

²³ Vano, mwaha wa yaawo, yaahipwaherera moohiroromelani, eniilumbaanyiwetho, niwoko Muluku onoowera waalumbaanyiha veeli.

²⁴ Ohiya toko yeeyo, nyuwo mwaathikiliwe wa sooliveira* sa ntuphini, ni yaavirikana ni ekhalelowaaya, mwaalumbaanyiwa ni sooliveira* sa ekhaikhai, wootepaxa nsilumbaanyiwe iphandi sa ekhaikhai ni yooliveireene yeeyo ya ekhaikhai?

aYixrayeli ootheene eniivuluxiwe

²⁵ Axunnaka, kintthuna weera musuwele nnenesene ntikhinelo nna weera muhiixoone: Wookhumelela wuuma murima wa akina a aYixrayeli mpaka okwanela waatta wa amalapo.

²⁶ Ni hiihaawo aYixrayeli ootheene eniivuluxiwe, ntoko elempwalaaya: “Anaarweele oSiyoni Mvuluxa anaasusihe soonanara sa ekhapira ya Yakobe.

²⁷ Ni wu onuukhale owiiraananawaka yaawo, kaavenxaka sootthekasaya.”

²⁸ Wa masu ooreeraxa, awo ari amwiittana niwoko na nyuwo, mene wa ethanlelo, awo ari oosiveleya niwoko na asitokweenaaya oopacera.

²⁹ Samahala ni wiitthana wa Muluku ti woohivirikanyiheya.

³⁰ Hiiho ntoko nyuwo khalayi mwahaamwiiwelela Muluku, vano moomoreliwa ikharari niwoko na ohiiwelelawaya aYixrayeli,

³¹ hiihotho awo aakhala oohiiwelela weera yaakheletho ikharari niwoko na woomorelani ikharari Muluku.

³² Muluku oowiiyaathi atthu ootheene vathi wa ettiyamaaru weera aamorele ikharari atthu ootheene.

Ecipo ya omvuwiha Muluku

³³ Ii! Wiixera wa mihakhu ni miruku ni esuwelo ya Muluku! Taani ongwera ophima soothorihasawe ni wiiwexexa iphirosawe?

³⁴ Taani onsuwela soowuupuwela sa Apwiya, naari taani ori namalakaaya?

³⁵ Taani aamuvanghe toko etthu Muluku, weera vahoolowaya Muluku amutthuvele?

³⁶ Vano, sootheene sinrweela wa Muluku, sinkhala niwoko na Yoowo ni sinimukhalela Yoowo. Wa Yoowo okhale ovuwa wa mahuku ootheene! Ame*.