aKolosi 3 - Emakhuwa Bible

Mweettelo wa ootteela

¹ Tivawo, woonaka weera nyuwo moovenyerera vamoha ni Kristu, mwaasaase itthu seiyo siri wiirimu, weiwo Kristu okilaathiyaawe moono mulopwana wa Muluku.

² Mutthokelele itthu sa wiirimu ohiya sa vathi.

³ Nyuwo mohookhwa, ni vano okumaanyu woovithiwa ni Kristu mwa Muluku.

⁴ Kristu ori okumaanyu ooniheriwaka, vano nyuwotho mmooniheriwe ni Yoowo moovuwani.

⁵ Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.

⁶ Ti niwoko na itthusene seiyo sineeraaya saarweele isara sa Muluku yaale ankhala ni ohiiwelela.

⁷ Mwaakhovelela otthara itthusene seiyo mookuminimwanyu wa khalayi.

⁸ Vanonto, muhiye itthu sootheene iya: isara, onyoonyiwa, otakhala, waapa, masu oonanara ni wuulumawanyu.

⁹ Muhootherane mukina ni mukhwaawe, mweenre nyuwo murulaka mukhalelo wa khalayi ni mitekosaya,

¹⁰ ni moowara onyowani onrehereriwa woohihiyerereya moosuwelani, ntoko ekhalelo ya Mpattuxaanyu.

¹¹ Mwa Yoowo khawowo muGrego, naari muYuda; oowiineliwa, naari oohiineliwa; mmalapo, naari muXitha*; epottha, naari neethi, mene Kristu ti sootheene ni ori mwa ootheene.

¹² Tivawo, ntoko muloko woothanliwa ni Muluku, wootteela ni woosiveleya, mwiiwarihe murima wa ikhararixa, murima wooreera, wiiyeviha, murima woomaala ni moopixani murima.

¹³ Muvilelaneke mukina ni mukhwaawe ni mulevelele milattu araayano akina ni akhwaaya. Mulevelele ntoko Apwiya yoolevelenlaayani.

¹⁴ Opwaha soothesene, mwiiwarihe osivela ori yookumanela enkhaliha omoha wookwanela.

¹⁵ Murettele wa Kristu okhale mphuki mmirimanimwanyu, woonaka weera nyuwo mwiitthaniwe weera mukhale mmuretteleni ntoko mipatta sa erutthu emoha paahi. Ni mutthapeliwe.

¹⁶ Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu.

¹⁷ Sootheene mumpakaanyu, hata mmasuni, naari mmutekoni, mupake yeeyo mwa Nsina na Apwiya Yeesu, muntthapelaka Muluku Atiithi mwa Yaawo.

Sootthuneya sa vaate

¹⁸ Axaara, ngwiiweleleke asiiyinyu, ntoko ontthuneyaaya mwa Apwiya.

¹⁹ Axiiya, mwaasivele axaarinyu ni muhiwuumele murima yaawo.

²⁰ Anamwane, ngwiiweleleke asinaangolowaanyu, niwoko eyo enaasiveliha Apwiya.

²¹ Asitiithi, muhaatannyeke anamwaniinyu weera awo ehiporore.

²² Ipottha, ngwiiweleleke asineene a vathi mwa sootheene, khoohiyono paahi weera mwaasivelihe, naari awo yoowehexexakani, mene ni murima wa ekhaikhai ngwoovaka Apwiya.

²³ Sootheene mumpakaanyu, mupakeke ni murima wootheene ntoko wa Apwiya, ohikhanle wa atthu,

²⁴ musuwelaka weera mmwaakhele wa Apwiya ntthuvelo na yoohiyeriwa*. Ti Kristu Apwiya nyuwo munimurumeelaanyu.

²⁵ Yoowo ompaka sootakhala anaakheletho sootakhala, ni mwa yeeyo khaniwowo nthalu.