Ahooleli 6 - Emakhuwa Bible

Ohaawa niwoko na aMidiyani

¹ Emaara ekinatho aYixrayeli yaapaka soonanara vamaithoni wa Yave ni wookwana iyaakha ithannapiili Owo aawinnyerera mmatatani mwa aMidiyani.

² Vano aMidiyani yaahaapororiha aYixrayeli, tivawo aYixrayeli yiitekenlaaya mootthawelamo mmanyaakoni, mmakhukuni ni moolipamo.

³ Imaara sootheene aYixrayeli yaalaaya, aMidiyani, awAmeleki ni miloko sikina sa mpatta ninkhuma nsuwa sannaaphutuwela.

⁴ Yannakonela mweelaponi ephwataka sooca elapo yootheene mpaka oGaza. Khayaahiyarumo etthu oYixrayeli – hata ikhondoolo, naari imombe hoye hoye abuuru.

⁵ Awosa yaarwa eruuhaka mihuwosaya ni iheemasaya erwaaka ntoko nasope. Khayaalikeleya atthwaaya ni ikamelusaya. Khayaawereya owaalikela alopwana ni ikamelusaya. Yannakwanela elapo yootheene weera ehuhule.

⁶ aYixrayeli waahaarweela osiwa niwoko na aMidiyani moota wooweera yaamukhuwelela Yave weera aakhavihere.

⁷ aYixrayeli emukhuwelelakaru Yave niwoko na aMidiyani,

⁸ Owo aahaarumihela mprofeeti eenre: “Yave Muluku a aYixrayeli oneera ha: Kohookhumihasani wExipitu, elapo ya okaporo.

⁹ Miyo kohootapuxasani mwaalamuliwaanyu wExipitu ni mmatatani mwa ananihasu ootheene. Koowoomolasa kinoovahasani elapwaaya.

¹⁰ Kooweerelasanitho: ‘Miyo ti Yave Mulukwaanyu; muhilape miluku sa awAmori a elapweene yeela munkhalaanyu. Wa soothesene, khamukiiwale.’”

Wiitthaniwa wa Gidiyoni

¹¹ Ndyelo a Yave ahoorwa, anakilaathi vathi wa mwiri wa ekarivalyu* wOfera waari wa Yowaxi, ngwAbiyezeri. Vano mwanawe Gidiyoni eera eepetthaka etrigu munttankhini saamiwa iwuuva* weera awiipithihe aMidiyani.

¹² Ndyelo a Yave iixooniheraka wa Gidiyoni, aamweerela: “Yave ori ni nyuwo nakhotto ooweraxa!”

¹³ Gidiyoni aamwaakhula: “Ii! Apwiiya, waari weera Yave ori ni hiyo, heeni itthu sootheene iya sinnikhumelelaaya? Siri woowi sootikhinihasawe sootheene mwa seiye asitithihu yaanithalihenraaya yeeraka: ‘Ti Yave onikhumihale wExipitu?’ Vano Yave oonihiya aninnyereraka mmatatani mwa aMidiyani.”

¹⁴ Yave aamurukunuwela eeraka: “Murowe ni ikuru murinaanyu ni mwaatapuxe aYixrayeli mmatatani mwa aMidiyani. Ti Miyo kinoorumihani.”

¹⁵ Gidiyoni aamukoha: “Ii! Yave, nkaatapuxe hai aYixrayeli? Nihimonaka ti nikhaanene opwaha mahimo makina a aManaxe ni miyo kiri ooyevaxa mweemusinimwaka.”

¹⁶ Yave aamwaakhula: Miyo kinookhala ni nyuwo ni munimwaawina anakhotto a aMidiyani ootheene.”

¹⁷ Gidiyoni aamweerela: “Mwatthuna okoonihera oreerawanyu, mukivahe eneneero enoonihera weera ti Nyuwo muneenaanyu munuuluma ni miyo.

¹⁸ Dyoontte, muhipwahe mpaka ohokolowawaka kiruuhaka sooveleelasaka weera kikilaathiki ohoolowanyu.” Vano Yave aamweerela: “Miyo kinimoowehererani mpaka ohokolowawanyu.”

¹⁹ Gidiyoni aarowa owaani, anareherera epuri exaana ni, avarelaka muteko muringo wa efa* ya ephepa, aapaka ipaawu soohikhalano eferementu. Aahela enama mumpaparani ni muhusi musupuriyani, anakhumihera vaate, anamveleelela vathi wa mwiri wa ekarivalyu*.

²⁰ Ndyelo a Muluku aamweerela: “Mukuxe enama ni ipaawu soohikhalano eferementu, mwiikaathi vamwala va, ni mmiinelemo muhusi.” Ni Gidiyoni aapaka hiiho.

²¹ Ndyelo a Yave aatava enama ni ipaawu soohikhalano eferementu ni ekopo yaari mmatatanimwawe. Mooro waakhuma vamwala ohisaka enama ni epaawu. Vahoolowaya ndyelo a Yave aalakaseya.

²² Gidiyoni asuwelaka weera aari ndyelo a Yave, aakhuwela: “Ii! Adonai Yave! Koomoona ndyelo a Yave ttunda ttunda!”

²³ Wa soothesene, Yave aamweerela: “Murettele okhale ni nyuwo! Muhoove, nyuwo khamukhwa.”

²⁴ Hiiho Gidiyoni aampakelawo Yave altaari*, anaatteha YAVE TI MURETTELE. Mpaka olelo ankhala wOfera elapo ya awAbiyezeri.

²⁵ Ohiyuweene yoole Yave aamweerela: “Mmwalamwaxe emombe elopwana ya muhuwo wa atithinyu, yeele erino iyaakha ithannapiili, mwaaphwate altaari* a Bahali* ari a atithinyu ni mwathikile nrimbu nootteeliheriwa Axera nri mukhwipi mwa altaari*.

²⁶ Vahoolowaya muntekele Yave Mulukwaanyu altaari* vasulu wa ettuttuwa eyo. Vanonto, mveleele emombe elopwana yeele muhiseraka ni nrimbu nootteeliheriwa muneeraanyu mwathikile.”

²⁷ Gidiyoni aawiitthanasa muloko a arumeiyaawe, anapaka yeeyo Yave aamuleenlaawe. Wa soothesene, awoovaka amusaawe ni atthu a musidade, sootheene iyo khaapanke othana, mene aani ohiyu.

Gidiyoni onaaphwata altaari* a Bahali

²⁸ Oxaawaya oxeexelo, atthu a musidade evenyakaru, yaawoona altaari* a Bahali* ephwatiweene ni nrimbunayanene nithikiliweene nitho emombe yanaaveeli eveleeliweenewo valtaarini* anyowani!

²⁹ Awosa yaakohana: “Taani opanke yeela?” Vano ekohakohanneene, yaaleeliwa: “Ti Gidiyoni, mwaana mulopwana a Yowaxi opanke ela.”

³⁰ Asilopwana a esidade yaamunyesereriha Yowaxi: “Munkhumihere vaate mwaninyu. Ontthuneya weera akhwe, niwoko ohaaphwata altaari* a Bahali*, anathikila nrimbu na Axera naari mukhwipimwaya.”

³¹ Wa soothesene, Yowaxi aamwaakhula nakupa aanyoonyiwe: “Nyuwosa munimwaakiha nthowa na Bahali*? Muneerera omutapuxa Bahali*? Yoole ongwana mpattaawe iiviwe oxeexelo. Vekhaikhai Bahali* aari muluku, aamwiixaakiha yaaphwatiwaaya altaaraawe.”

³² Tivawo okhuma nihuku nne yaamuttenghaaya Gidiyoni “Yeru-Bahali” yeeraka: “Bahali* angwaneno Gidiyoni’ niwoko ohaaphwata altaaraawe.”

³³ Ehuhuweene yeele, aMidiyani, awAmaleki ni miloko sikina sa mpatta ninkhuma nsuwa sootheene saahaathukumanya anakhottwaaya, enamulapuwa Yordanu, enakonela nreyareya na oYizereyeli.

³⁴ Vanonto, Munepa wa Yave waamukhuruwela Gidiyoni, aniipa nipalapatta awiitthanaka awAbiyezeri weera emutthare.

³⁵ Aahaarumihela anamitthenga oManaxe awiitthanelaka owana. Aahaarumihelatho wAxeri, oNafitali ni oZebuloni moota wooweera awosa yaamukumanano.

Eneneero ya exapala ya ekhondoolo

³⁶ Gidiyoni aamweerela Muluku: “Kintthuna osuwela Nyuwo mwaariki mwaatapuxe aYixrayeli mwa miyo.

³⁷ Moone nkiikaathi exapala ya ekhondoolo vanipuroni nimveeriwa* etrigu. Vano, yiimeliwa nikame exapala paahi, etthaya yootheene enakhala yoowuumeene, kinoosuwela weera Nyuwo mmwaatapuxe aYixrayeli mwa miyo ntoko muroromelihalaanyu.”

³⁸ Ni hiiho waaheereya. Oxaawaya, oxeexelo, Gidiyoni aapehera, anaama exapala anasariha maahi a nikame mutixelani!

³⁹ Vahoolowaya Gidiyoni aamweerela Muluku: “Muhikinyoonyeriwe, mukitthunihere ovekelatho etthu emoha. Mukitthunihere woota murima omohamoharu ni exapala ela. Emaara eyo exapala ekhaleke yoowuumeene ni etthaya yiimeliweke nikame.”

⁴⁰ Ohiyuweene yoole Muluku aapaka hiiho. Yuumale paahi exapala; etthaya yootheene yiimelaxiwe nikame.