2 Samuweli 5 - Emakhuwa Bible

Davide omvariwa omwene wa oYixrayeli wootheene

¹ Ipuumba sootheene sa aYixrayeli saamwaattamela Davide oHeberoni, sinamweerela: “Hiyo emusaanyu xaxaxa.

² Khalayi, Sawuli areene nlelo mwenaahu, ti nyuwo mwaahoolela anakhotto a aYixrayeli mukhottonimwaya. Yave aaweerelani: ‘Nyuwo mmwaahoolele aYixrayeli mulokwaaka ni munookhala mutokweenaaya.’”

³ Asitokweene ootheene a aYixrayeli yaarowasa omukumanano mwene Davide oHeberoni. Mwene owo aawiiraanano oHeberoni vamaithoni wa Yave ni awosa yaamuttikitthela Davide ntoko mwene a aYixrayeli.

⁴ Davide aapacenre olamula areeneno iyaakha miloko miraru sa oyariwawawe, analamula iyaakha miloko mixexe.

⁵ oHeberoni aalamula oYuda iyaakha iithannapiili ni nyeeri mithannamosa ni oYerusaleemu aahaalamula aYixrayeli ootheene iyaakha miloko miraru ni tthaaru.

Yerusaleemu oothanliwa ntoko esidade etokweene ya omwene wootheene

⁶ Mwene ni asilopwanaawe yaahaattamela oYerusaleemu weera yaawaneno aYebusi yaamankewo. aYebusi yaamweerela: “Khamungwera ovolowamo. Mpaka oorakala ni oohoona anoowera owoomolani.” Awosa yuupuwela: “Davide khangwera ovolowamo.”

⁷ Hata hiiho, Davide aawina esidade yoolipihiwaxa ya oSiyoni, enathatuwa esidade ya Davide.

⁸ Nihuku nne Davide aaheera: “Mukina atthuna waawina aYebusi, avireke mmaahini mmaahini weera aphiye wa oohoona ni oorakala ari amwiittana a Davide. Tivawo yeeriwaaya: ‘Atthu oorakala ni oohoona ehivolowe empa ya mwene.’”

⁹ Vano Davide aahiitekiha esidade yoolipihiwaxa ele, anatteha Esidade ya Davide. Aateka exiri okhuma oMilo* mpaka empa ya mwene.

¹⁰ Owera wa Davide wannapwaherera, niwoko Yave Muluku a ikuru sootheene aari ni yoowo.

¹¹ Vano Hirami, mwene a oTiro, aamurumihela anamitthenga Davide vamoha ni itthaabwa sa esedari*, makalipinteiru ni anamateka a impa. Awosa yaamutekela Davide empa ya mwene.

¹² Davide aasuwela weera Yave aamwaakhulela ntoko mwene a aYixrayeli ni annamweettihera nnene omwenaawe eerelaka muloko wa aYixrayeli.

¹³ Athaamiyeene oHeberoni arowaka oYerusaleemu, Davide aakuxa ikuxo sikina ni axaara akina, anaayaratho anamwane asilopwana ni asithiyana.

¹⁴ Yaayareliwe oYerusaleemu, masinaaya ti ala: Xamuwa, Xobabi, Natani, Salomoni,

¹⁵ Ibehari, Elixuwa, Nefeki, Yafiya,

¹⁶ Elixama, Eliyada ni Elifeleti.

Davide onaawina aFilisti

¹⁷ aFilisti yiiwakaru weera Davide oovariwa omwene wa aYixrayeli, anakhottwaaya ootheene yaarowasa omwaasa, mene Davide aahiiwa yeeyo, anarowa woolipawo.

¹⁸ Vano aFilisti emwareelasiyeene munreyareyani na oRefayimi;

¹⁹ ni Davide aamukoha Yave: “Kaawananeke aFilisti? Nyuwo munoowinnyerera mmatatanimwaka?” Yave aamwaakhula: “Murowe, niwoko Miyo kinoowinnyerera mmatatanimwanyu.”

²⁰ Vanonto Davide aarowa oBahali-Perazimi, anawinawo. Aaheera: “Yave ohaaphwata amwiittanaaka ohoolowaka ntoko mirupi soowoopihaxa.” Tivawo aattenghaawe nipuro nne Bahali-Perazimi.

²¹ aFilisti yaahiyaawo milukusaya soolokottha ni Davide vamoha ni asilopwanaawe yaakuxa iye.

²² Emaara ekina aFilisti yaaheettatho enamwareela mureyareyani na oRefayimi.

²³ Tivawo Davide aamukonghaawe Yave ni Owo aamwaakhula: “Mwaawananaka, muhiluluwaneno, mene mwaarukureere ottuliwaya ni mwaawaneno ohoolo wa nyiri sa balsamu*.

²⁴ Mwiiwaru oruma wa mikhitto osulu wa nyiri sa balsamu*, mwaakuveke niwoko eyo eniikhale eneneero weera Yave oorowa ohoolowaanyu owiiva anakhotto a aFilisti.”

²⁵ Vano Davide aapaka yeeyo Yave aamulamulenlaawe, anaawiiva aFilisti okhuma oGibiyoni mpaka oGezeri.