2 Nyaha 9 - Emakhuwa Bible

Oxekura wa pwiyamwene a oXeba

¹ Pwiyamwene a oXeba, asuwelaka epili ya Salomoni, aarowa oYerusaleemu weera amoote murima ni sookoha soorika. Aphiyakaruwo, ahooliweene ni anakhotto ancipale, ni ahaaci ekuxaleene soosivasiva, eyuuma yoorikaxa yincipale, ni maluku oowaaraxa, aarowa wa Salomoni, anamukohakoha sootheene uupuwelaawe.

² Vano Salomoni aahaakhula sootheene; khayaariworu yaamurikenle ahaawenraawe waakhula.

³ Owo oonaka miruku sa Salomoni, mpakatho empa ya emwene aatenkaawe,

⁴ yooca aarumeeliwaawe, nipuro na asitokweenaawe, arumeiyaawe ni yaawo yaarumeela woocaani ootheene awo ewarenleene soolikana, ni sooveleela soohisa owo aapakaawe Mpaani mwa Yave, pwiyamwene ole waamuuma owanoni.

⁵ Vano, pwiyamwene aamweerela mwene: “Sootheene kiiwalaaka mulaponimwaka mwaha wa soopakasanyu ni mirukusanyu yaari ekhaikhai.

⁶ Vaheera miyo nkaakhulela yeeyo yaahimaaya, mpaka koonnaaka ni maithwaaka. Vekhaikhai, khaakithalihenre naari eriyari ya wunnuwa wa mirukusanyu; nyuwo moopwahaxa yeeyo kiiwalaaka.

⁷ Oohakalala ti asilopwanaanyu ampwaherera okhala ohoolowanyu ni aniiwa mirukusanyu.

⁸ Attottopeliwe Yave, Mulukwaanyu, owoonihenreni osivela otokotoko ni ookilaathihaleni vahiceni ya emwenaawe weera mulamule mwa Yave, Mulukwaanyu. Mulukwaanyu onaasivelaxa aYixarayeli ni onghaawela owuurela wa mahuku ootheene. Tivawo Owo ookhalinghaaweni mwene weera mpwahererihe ekhaikhai ni wookoleleya.”

⁹ Owo aamvaha mwene ikiilu* 4 200 sa eyuuma yoorikaxa ni itthu sooreerela sincipale ni maluku oowaaraxa. Khasinooniweru soosivasiva sooreeraxa ntoko pwiyamwene a oXeba aamvanghaawe mwene Salomoni.

¹⁰ Anamweettiha a makula matokotoko a Hirami ni a Salomoni yaaruuha eyuuma yoorikaxa ya wOfiri, mpakatho itthaabwa sa nyiri siitthaniwa yuniperu* ni maluku oowaaraxa.

¹¹ Mwene aavarela muteko itthaabwa weera apakele makweelelo Empa ya Yave ni empa ya emwene, mpakatho epakiweno amakita ni atthakare a anamwiipa. Kheenooniweru etthu siiyeele oYuda.

¹² Mwene Salomoni aamvaha pwiyamwene a oXeba sootheene aahaawelaawe ni aavekenlaawe; opwaha iye aamuruuhenlaawe. Vano owo ni arumeiyaawe aahokoleela elapwaawe.

¹³ Olemela wa eyuuma yoorikaxa Salomoni aakhelaawe vayaakhani waari ikiilu* 23 000,

¹⁴ ohiya seiyo anamirindi ni ananakoso yaaruuhaaya. Mpakatho mamwene ootheene a wArabiya ni maguvernadori a elapo yaamuruuhela Salomoni eyuuma yoorikaxa ni eparatha*.

¹⁵ Mwene Salomoni aapaka ixikudu* sitokotoko macira meeli sa eyuuma yoorikaxa yoohaniwa; khula eyuuma sivareliwaka muteko ikiilu* ithannapiili sa eyuuma yoorikaxa.

¹⁶ Aapakatho ixikudu* sikhaani macira mararu sa eyuuma yoorikaxa yoohaniwa, khula eyuuma ikiilu* tthaaru, aniikaathi empa ya emwene ya othako wa oLebanoni.

¹⁷ Mwene aalamulela opakiwatho ehice etokotoko ya emwene yoophwanelihiwa ni maino a etthepo, ehuruweliweene eyuuma yoorikaxa yooreera.

¹⁸ Ehice ele yaarino malipa mathannamosa, ni yoonyikalela elipiheriweeneno eyuuma yoorikaxa. Mmipattani miili sa ehice saakhalamo nyoono, khula moono oreeneno mwatto mmoha mukerekheremwaya.

¹⁹ Mmalipani mathannamosa, yaakhalamo amwatto muloko neeli, khula mpatta wa khula nlipa aakhala mwatto mmoha. Khawaariworu omwene waatonko opakiwa etthu siiyeele.

²⁰ Ikoomixi sootheene sa mwene Salomoni saari sa eyuuma yoorikaxa, ni ikarumasene sa empa ya emwene ya othako wa oLebanoni. Khayaariworu etthu ya eparatha*, niwoko eparatha* khayooneleyamo mmahukuni a Salomoni.

²¹ Mwene aakhalano nakupa a makula matokotoko yeettihiwa ni anamweettiha a makula matokotoko a Hirami. Khula iyaakha tthaaru, makula matokotoko ti yaahokolowaaya ekuxaleene eyuuma yoorikaxa, eparatha*, maino a etthepo, akhole ni ilupa.

²² Mwene Salomoni aari thadyirixa ni namirukuxa waapwaha mamwene ootheene a mulaponi.

²³ Mamwene ootheene a mulaponi yannarowa wa Salomoni weera yiiwe miruku aavahiwaawe ni Muluku.

²⁴ Khula eyaakha, ootheene yaarowa wa Salomoni yannaruuha yoovaha: Ikaruma sa eparatha* ni sa eyuuma yoorikaxa, mikaandyo, ikapwitthi ni soosivasiva, ikavalu* ni abuuru.

²⁵ Salomoni aakhalano makhoola macira miloko mixexe a ikavalu* ni ikaaro, mpakatho ikavalu* macira muloko ni piili mwa seiyo aavukulanyenraawe mwaalipeleliwa wa isidade sikina sikina, ni mpatta mukina oYerusaleemu vakhiviruwawe.

²⁶ Owo aalamula mamwene ootheene, okhuma wEfratesi mpaka elapo ya aFilisti ophiyeraka muxerexere mwiinano wa wExipitu.

²⁷ Mwene aahaattiha eparatha* moota wooweera yaasarasara oYerusaleemu ntoko maluku, ni nyiri sa esedari* saahaattaxa ntoko nyiri sa ifiigu sa ntuphini vathi vathi vamwaako wa oYuda.

²⁸ Ikavalu* sa Salomoni saaruuhiwa wExipitu ni ilapo sikina sootheene.

Okhwa wa Salomoni

²⁹ Sookhumelela sikina iyo sa olamula wa Salomoni, okhuma ompacereroni mpaka ommaleloni, silempwale mulivuruni sa nyaha sa mprofeeti Natani, moolaleiyani wa muXiloni Ahiya, ni mmooneloni wa namoonihera* Ido mwaha wa Yerobowami, mwaana mulopwana a Nebate.

³⁰ Salomoni aahaalamula aYixrayeli ootheene iyaakha miloko mixexe oYerusaleemu.

³¹ Vahoolowaya aahookhwa, anavithiwa vamoha ni makholowaawe, musidadeni ya atithawe Davide. Mwaniye mulopwana Rehobowami, ti aamurandenle.