2 Nyaha 22 - Emakhuwa Bible

Olamula wa Ahaziya

¹ Muloko wa oYerusaleemu waamvara omwene Ahaziya, mwaana eetthaako ya Yehorami, yeenre anakhotto yaarwiiye vamoha ni awArabiya yawiiva anamwane ootheene akina a Yehorami. Hiiho, aapacera olamula Ahaziya mwaana mulopwana a Yehorami, mwene a oYuda.

² Ahaziya aapaceraawe olamula, aarino iyaakha miloko miili ni piili sa oyariwawawe, analamula oYerusaleemu eyaakha emoha. Amayawe yiitthaniwa Ataliya, osuulu wa Omeri.

³ Owotho aaheettela iphiro sa emusi ya Ahabi, niwoko amayawe yaamuxuttiha miruku soonanara.

⁴ Owo aapaka ohinaakhulelaawe Yave, ntoko saapankaaya imusi sa Ahabi, niwoko ekhwiiyeene atithawe, awosa yaathatuwa anamalakaawe wa oheleyawaya nthala.

⁵ Owo aaheettelatho mirukusaya iiraanannaawe Yorami, mwaana mulopwana a Ahabi, mwene a oYixrayeli, ni aavenyera ongwanano Hazayeli, mwene a wAsiriya, oRamoti-Gileyade. Yorami aavulalihiwa

⁶ anahokoleela oYizereyeli weera avolihe makhwatta aavulalihiwaawe oRamote, aangwananaawe Hazayeli, mwene a wAsiriya. Vahoolowaya, Ahaziya, mwaana mulopwana a Yehorami, mwene a oYuda, aarowa oYizereyeli omuxekura Yorami, mwaana mulopwana a Ahabi, niwoko aavulala.

⁷ Mooxekurani mmwe, Muluku aatannyera omora wa Ahaziya. Aaphiyalaawe, aavenya ni Yorami weera amukumaneno Yehu, mwaana mulopwana a Nimexi, mwa yoowo aamuttikitthenlaawe Yave weera aphwate emusi ya Ahabi.

⁸ Yehu aasaaseraawe okwanihera nthorihelo na emusi ya Ahabi, aahaaphwanya ahooleli a oYuda ni anamwane asilopwana a emusi ya Ahaziya, mwa yaawo yaamurumeela Ahaziya, anawiiva.

⁹ Vano, aavenya amwaasaka Ahaziya, ni anakhottwaawe yaamvara oSamariya iipinthaawewo. Aronghiweene wa Yehu, Ahaziya aahiiviwa. Mene khayaakhoontte omvitha, niwoko yaaheera: “Ola aari osuulu wa Yehoxafati aamwaanse Yave ni murima wootheene.” Hiiho, mweemusini mwa Ahaziya khayaarinotho mukina eera awere okhala mwene.

¹⁰ Ataliya, amayawe Ahaziya, esuwelaka weera ohiiviwa mwanaya, yaalamulela wiiviwa emusi yootheene ya mwene a oYuda.

¹¹ Vaheera Yehoxeba, mwaana muthiyana a mwene Yehorami, aamukuxa Yowaxi, mmoha a anamwane asilopwana a mwene Ahaziya yeera yiivasiweke, anamwiikaathi mukwaartuni vamoha ni murumeiyaawe muthiyana. Hiiho Yehoxeba, mwaana muthiyana a mwene Yehorami, mwaara a musaserdoti* Yehoyada, ni murokoriye Ahaziya, aamwiipithiha Yowaxi mwa Ataliya, moota wooweera owo khaawenre omwiiva.

¹² Saavira iyaakha ithannamosa owo iipithihiweene ni yaawosa Mpaani mwa Muluku, Ataliya alamulaka elapo.