2 Mamwene 8 - Emakhuwa Bible

Ohokoloxerwia wa ematta ya muXunami

¹ Vano Elixa aamweerela muthiyana mwa yoowo aamvenyererihenlaawe mwaniye mulopwana: “Mvenye nno ni emusaanyuweene muroweke muntthunaanyu, niwoko Yave oorumiha etala mweelaponimu ni eyo enoopwaherera wa iyaakha ithannapiili.”

² Muthiyana ole aapaka yeeyo mulopwana a Muluku aamulamulenlaawe. Owo ni emusaawe aavenya, anakhala mweelaponi ya aFilisti wa iyaakha ithannapiili.

³ Simanleene iyaakha ithannapiili iye, aahokolowa mulaponi mwa aFilisti, anarowa omvekela mwene omuhokoloxera vaatevawe ni emattaawe.

⁴ Mwene aamutthekulana Gehazi, murumeiyi a mulopwana a Muluku, amweerelaka: “Okithalihere sa itthu sootikiniheya sootheene Elixa ompakaawe.”

⁵ Gehazi amuthaliheraka mwene moota Elixa aamvenyererihalaawe mwaana, amayawe mwaana ole yaarwaaya weera yoonihere yoovekaaya wa mwene yeerelaka ohokoleela vaatevaya ni itthusaya. Gehazi aamweerela: “Amwene pwiiyaaka, muthiyana ni mwaniyeene ti yoola, mwa yoowo aamvenyererihalaawe Elixa.”

⁶ Mwene aamukohakoha sa seiye ni muthiyana aahaakhulela. Vano mwene aamuthanla murumeiyi weera amukhavihere muthiyana, anamulamulela: “Omuhokoloxere sootheene saari sawawe ni soohephasene okhuma owo aavennyaawe mweelaponi mpaka olelo.”

Okhwa wa Beni-Hadadi

⁷ Elixa aarowa oDamasku ni Beni-Hadadi, mwene a awArami, aamvoreiwa. Mwene aaleeliwa: “Mulopwana a Muluku ori musidade,”

⁸ owo aamulamulela Hazayeli: “Wakumaneno mulopwana a Muluku ni omukuxere yoovaha. Wakikoherele Yave kaariki kilame eretta ela?”

⁹ Hazayeli aarowa wa Elixa akuxaleene sooreerela sikina sikina sa oDamasku saakuxiwe ni ikamelu* miloko mixexe. Aavolowa, aneemela ohoolowawe, anamweerela: “Mwaninyu, Beni-Hadadi, mwene a awArami, ookirumiha wookohani: ‘Kinoolama eretta ela?’”

¹⁰ Elixa aamwaakhula: “Mwamuleele: ‘Vekhaikhai munoolama,’ mene Yave ookoonihera weera vekhaikhai onimookhwa.”

¹¹ Elixa aangwehexexa Hazayeli ahimuhuluwaka mpaka Hazayeli wuuliwa muru. Vano mulopwana a Muluku aapacera wiinla.

¹² Hazayeli aamukoha: “Pwiiyaaka muniinlelani?” Elixa aamwaakhula: “Niwoko koosuwela itthu soowoopiha muneeraanyu mwaapakele aYixrayeli. Munoohisa mapurowaaya oolipihiwa, ngwiivaka amirawaaya ni ekatana, mwaanyakattaka anamwanaaya ni munimwaaphulakasa oorupala.”

¹³ Hazayeli aamukoha: “Moota heeni murumeiyaanyu aneeraawe awere seiyo eenre ahittittimiheya?” Elixa aamwaakhula: “Yave ookoonihera weera munoothatuwa mwene a awArami.”

¹⁴ Vano Hazayeli aavenyawo, anahokoleela wa pwiiyaawe. Beni-Hadadi aamukoha: “Elixa ohimale hai?” Hazayeli aamwaakhula: “Ookileela weera vekhaikhai munoolama.”

¹⁵ Vaheera oxaawaya aakuxa ekuwo, anaruweya, anamukhuneelano owiittho mwene moota wooweera owo aahookhwa. Vanonto Hazayeli aamurandela.

Yehorami onlamula oYuda

¹⁶ Yehorami, mwaana mulopwana a Yehoxafati, mwene a oYuda, aapacenre olamula oYuda vayaakhani yanaathanu moolamulani mwa Yorami, mwaana mulopwana a Ahabi, mwene a oYixrayeli.

¹⁷ Yehorami, apaceraka olamula aarino iyaakha miloko miraru ni piili sa oyariwawawe, analamula oYerusaleemu iyaakha ithannatthaaru.

¹⁸ Aatthara iphiro sa mamwene a oYixrayeli, ntoko omwene wa Ahabi waapankaaya, niwoko aamuthela mwaana muthiyana a Ahabi. Aapaka yoonanara vamaithoni wa Yave.

¹⁹ Wa soothesene, Yave khaatthunne ophwata oYuda niwoko na omusivelawawe Davide. Aaroromeliha opwahereriha ekhapira ya Davide vahiceni ya emwene.

²⁰ Mweehuhuni yeele ya Yehorami, awEdomi yaavaanya omwene wa oYuda emvaraka mwenaaya.

²¹ Tivawo Yehorami aarongwaawe oZayiri ni ikaarosawe sa ikavalu* sootheene. awEdomi yaamurica yoowo vamoha ni asitokweenaawe a ikaaro sootheene sa ekhotto, mene aavenya, anaphutula moohiyuni. Anakhottwaawe yaatthawelasa mmawannyaya.

²² Mpaka olelo awEdomi annavaanya oYuda. Ehuhuweene yeele amaki a oLibina yaavaanyatho.

²³ Vano, mwaha wa sookhumelela sikina sa olamula wa Yehorami – sootheene aapankaawe– silempwale mulivuruni ya nyaha sa mamwene a oYuda.

²⁴ Yehorami aahookhwa, anavithiwa ni makholowaawe musidadeni ya Davide. Mwanawe mulopwana aHaziya ti aamurandenle.

Ahaziya onlamula oYuda

²⁵ Ahaziya, mwaana mulopwana a Yehorami, mwene a oYuda aapacenre olamula vayaakhani yanaamuloko ni piili moolamulani wa Yorami, mwaana mulopwana a Ahabi, mwene a oYixrayeli.

²⁶ Ahaziya, apaceraka olamula aarino iyaakha miloko miili ni piili sa oyariwawawe, analamula oYerusaleemu eyaakha emoha. Nsina na amayawe naari Ataliya, osuulu wa Omeri, mwene a oYixrayeli.

²⁷ Aatthara iphiro sa Ahabi, apakaka yoonanara vamaithoni wa Yave, ntoko omwene wa Ahabi waapankaaya, eenre amuthela mwaana a emusi ya Ahabi.

²⁸ Ahaziya aahiiraanano Yorami, mwaana mulopwana a Ahabi weera engwaneno Hazayeli, mwene a awArami oRamoti-Giliyadi. awArami yaamvulaliha Yorami,

²⁹ tivawo mwene Yorami aahokoleenlaawe oYizereyeli weera avolihe makhwatta aavulalihingwaawe oRamoti angwananaka Hazayeli, mwene a awArami. Vano Ahaziya, mwaana mulopwana a Yehorami, mwene a oYuda aarowa oYizereyeli omuxekura Yorami, mwaana mulopwana a Ahabi, mwene a oYixrayeli, aavolihaawewo makhwatta.