2 Mamwene 16 - Emakhuwa Bible

Ahazi onlamula oYuda

¹ Ahazi, mwaana mulopwana a Yotami, aavariwa omwene wa oYuda vayaakhani yanaamuloko niithannapiili ya olamula wa Peka, mwaana mulopwana a Remaliya.

² Ahazi, apaceraka olamula aarino iyaakha miloko miili, analamula oYerusaleemu iyaakha muloko niithannamosa. Ahiyanyihaka sa nikholonawe Davide khaapanke yeeyo eri yooreera vamaithoni wa Yave, Mulukwaawe.

³ Aatthara iphiro sa mamwene a oYixrayeli, mpaka aamuhisa mwanawe mulopwana ntoko yooveleela atakihaka hiiho ikhovelelo sa mwiikho sa miloko sikina mwa seiye Yave oomonlaawe ohoolo wa aYixrayeli.

⁴ Aapaka sooveleela ni aahisa erubani* mmanttumuxani ootteeliheriwa miluku sikina ni vathi wa nyiri soohiyanahiyana.

⁵ Vano Resini, mwene a awArami ni Peka, mwaana mulopwana a Remaliya, yaarowa weera ewaneno oYerusaleemu, enarica. Vaheera khayaawenre ongwina.

⁶ Ehuhuweene yeele Resini, mwene a awArami aakuxa wElati aweerelaka awArami awoomolaka asilopwana a oYuda. Vahoolowaya awEdomi yaavolowamo enakhalamo mpaka olelo.

⁷ Ahazi aamurumihela anamitthenga Tigelati-Pileseri, mwene a wAsiriya amweerelaka: “Miyo murumeiyaanyu ni mpatta wa omwenaanyu. Ngweeke ni mukoopole mmatatani mwa mwene a awArami ni mwene a oYixrayeli ankiwanano.”

⁸ Ahazi aakuxa eyuuma yoorikaxa ni eparatha* yaari Mpaani mwa Muluku ni ikwartu sa mihakhu sa empa ya emwene, anamurumihela mwene a wAsiriya ntoko yoovaha.

⁹ Mwene a wAsiriya aahaakhulela yooveka ela anawanano oDamasku, anakuxa. Aawoomolela amakaaya oKiri amwiivaka Rezini.

¹⁰ Vano mwene Ahazi aarowa oDamasku weera amukumaneno Tigelati-Pileseri, mwene a wAsiriya. Aawoonawo altaari*, anamurumihela musaserdoti* Uriya ecaambulo ya altaareene* yaale vamoha ni miringosaya sootheene sintthuneya otekela.

¹¹ Vano musaserdoti* Uriya aahaateka altaari* attharihaka ecaambulo mwene Ahazi aamurumihenlaawe oDamasku, anamaliha mwene ahinaaye ohokolowa.

¹² Mwene ahokolowakaru oDamasku, aawoona altaari*, anawaattamela, anapakawo sooveleela.

¹³ Aapaka sooveleelasaya sa etrigu ni sa ohisa, ahelaka sooveleelasawe sa owura ni aattikitthela ephome ya murettele valtaarini*.

¹⁴ Altaari* a ebronze* yaari vamaithoni wa Yave eriyari ya altaari* anyowani ni Empa ya Yave, yaaceendyiwa ni Ahazi awiikaathiki mpatta wa ottuttuwani wa altaari* anyowani.

¹⁵ Vano mwene Ahazi aamulamulela musaserdoti* Uriya: “Valtaarini* atokweene mpake sooveleela sa oxeexelo; soohisa ni sooveleela sa oxekuwa sa etrigu; sooveleela sa mwene soohisa ni sa etrigu, nitho sooveleela soohisa sa atthu ootheene mweelaponi, vamoha ni sooveleelasaya sa etrigu ni soowura. Mwamwaraxele valtaarini* ephome yootheene ya sooveleela soohisa. Altaari* a ebronze* eneera ekileelihere.”

¹⁶ Vano musaserdoti* Uriya aapaka yeeyo mwene Ahaziya aamulamulenlaawe.

¹⁷ Mwene Ahaziya aavenxa itthaabwa saalipihera altaari* ni ibasiyasaya sa itthabwasene seiye. Aavenxatho ebasiya etokotoko yiitthaniwa Ephareiya yaari mmuru wa imombe ilopwana sa ebronze*, aniikaathi mmathipeloni a maluku.

¹⁸ Aavenxa mulako mukhaani wa eSaabadu waatekiwe Mpaani mwa Yave nitho waavoleeliwa wa emwene vaate wa Empa ya Yave niwoko na otthuna wa mwene a wAsiriya.

¹⁹ Vano, mwaha wa sookhumelela sikina sa olamula wa Ahazi – sootheene aapankaawe – oolempwale mulivuruni ya nyaha sa mamwene a oYuda.

²⁰ Ahazi aahookhwa, anavithiwa ni makholowaawe musidadeni ya Davide. Mwanawe mulopwana Hizekiya, ti aamurandenle.