2 aTesalonika 3 - Emakhuwa Bible

Nivekelo na ovekela

¹ Woomaliha, axunna, munivekelele hiyo weera masu a Apwiya emwarawareye woowaakuveya ni evuwihiwe, ntoko yaakhumelenlaaya variyariwanyu.

² Muvekeletho weera hiyo nivuluxiwe wa atthu ooriheya ni oonanara, niwoko khaahiyono ootheene anroromela.

³ Apwiyatho ti oororomeleya. Awo anoolipiherani ni anoothokororani mwa namatakhala.

⁴ Nohaaroromela Apwiya weera nyuwo mumpaka ni munoopwaherera opaka yeeyo hiyo noolamulenlaahuni.

⁵ Apwiya yeettiheke mirimasanyu moosivelani wa Muluku ni moovilelani wa Kristu.

Wooperera mwaha wa oreesi

⁶ Axunna, hiyo ningwoopererani mwa Nsina na Apwiyaahu Yeesu Kristu weera mususe wa yoowo munna ootheene onkhala moota wa oreesi, ahittharaka ekhovelelo mwaakhenlaanyu wa hiyo.

⁷ Vano nyuwo asineenaanyu moosuwela moota ontthuneyaaya otthara mweettelowaahu, niwoko khanaakhanle ni oreesi hiyo naaraahu variyariwanyu,

⁸ hata khanaaciiye etthu ya mukina nihilivaka. Ohiyanawaya, nannavara muteko woovihaxa ohiyu ni othana weera ahilemeliwe mukina a nyuwo,

⁹ khoohiyono niwoko khanaakhalanne ikuru soopakano yeeyo, mene niwoko naatthuna okhala ethoonyero yooreera nyuwo owera otthara.

¹⁰ Hiyo naaraahu nlelo ni nyuwo, naahoolamulelani ha: Akhala mukina ohintthuna ovara muteko, ahicetho.

¹¹ Vano, nohiiwa weera variyariwanyu akina ari ooreesi; awo khamvara muteko, mene anoowaanganyera atthu.

¹² Wa yaale nnaalamula ni nnaalipihera mwa Apwiya Yeesu Kristu weera evare muteko nnenesene, ni hiiho eceeke yooca ya asineenaaya.

¹³ Wa nyuwo, axunna, muhikhulumuwe opaka yooreera.

¹⁴ Akhala mukina ohiniiwelela maswaahu a ekaratta ela, munthoonye ni muheette ni yoowo, weera owo uuliwe muru.

¹⁵ Wa soothesene, muhimpake ntoko mwiittana, mene mmooperere ntoko munna.

Isalaama sookisera

¹⁶ Apwiya aneenaaya a murettele yoovaheeni murettele ehuhu yootheene ni moota wootheene. Apwiya ekhale ni nyuwo ootheene.

¹⁷ Miyo, Pawulo, kinlepa esalaama ela ni ntatanaka eri eneneero mwa ikarattasaka sootheene. Ti mooteene yoola kinlepaaka.

¹⁸ Mahala a Apwiyaahu Yeesu Kristu ekhale ni nyuwo ootheene.