2 aKorinto 2 - Emakhuwa Bible

¹ Koolakela weera kihooxekurenitho iwo ohoothananiheni.

² Vano, miyo koothananihani, taani aneera akihakalalihe, muhikhanle nyuwo miyo koothananinghaakani?

³ Miyo koolepa ela weera miyo kaarowaka, kihikhale oothananihiweene ni yaawo yeera ekihakalaliheke. Miyo kaahoororomelani nyuwo weera ohakalalawaka ti wawinyutho.

⁴ Tivawo, kohoolepelani ni othanana vancipale mmurimanimwaka, ni ni maithori mancipale, khoohiyono weera kihoothananiheni, mene weera nyuwo musuwele woosivelaxaniwaka.

Oleveleliwa wa namattheka

⁵ Akhala mukina onthananiha, khakithananinghe miyo paahi, mene moota mukina nyuwo ootheene, hoye hoye weera kihaatepihe, wa akina a nyuwo.

⁶ Vano ottaruxiwa aakhenlaawe wa ancipale a nyuwo ti wookwana.

⁷ Ohiyanawaya, ontthuneya weera nyuwo munlevelele ni mumpepese weera owo ahithananaxe.

⁸ Tivawo miyo kinoolakaakani weera mmwaakhulele omusivelawanyu yoowo.

⁹ Miyo koolepenleni niwoko kaatthuna osuwela mukhalelowaanyu, nyuwo mwiiwelenle mwa sootheene.

¹⁰ Nyuwo mwamulevelela mukina, miyotho kinoomulevelela. Waari weera yaakhala etthu yootthuneya olevelela, koolevelela ohoolo wa Kristu niwoko na woosivelaniwaka,

¹¹ weera Satana ahinihapuxe, niwoko noosuwela nnenesene soovaanelasawe.

Arumeiyi a wiiraana onyowani

¹² Miyo kiphiyakaru oTrowada weera kilaleiyewo masu ooreeraxa a Kristu, ni koonaka weera Apwiya yaakihulela mulako,

¹³ hata hiiho, nkaanono wiitthuuwa mmunepanimwaka niwoko iwe nkaamphwannye munnaka Titu. Tivawo, kaaraxenlaaka ni kaarongwaaka oMasedoniya.

¹⁴ Vano atthapeliwe Muluku, Yoowo onneettiha moowinani mwa Kristu, ni onnivarela muteko hiyo omwaramwaxa wunkhela wa osuwelawawe mmapuroni mootheene.

¹⁵ Wa Muluku, hiyo nri wunkhela wa Kristu variyari wa yaawo amvuluxiwa ni yaawo anriheya.

¹⁶ Wa oopacera, nri wunkhela wa okumi, wa anaaveeli, wunkha wookhwa. Vano, taani owenre yeeyo?

¹⁷ Ovirikanawaya hiyo ni akina ancipale, hiyo khaninthumiha masu a Muluku weera niwine. Hoye! Ohiyanawaya, mwa Kristu hiyo ninlaleiya ni ekhaikhai ohoolo wa Muluku, ntoko asilopwana oorummwa ni Muluku.