1 Samuweli 8 - Emakhuwa Bible

Muloko wa aYixrayeli onimvekela mwene

¹ Samuweli uuluvanlaawe, aahaakhaliha anamwanaawe ntoko ahooleli a aYixrayeli.

² Nsina na ntthaaranawe naari Yoweli ni anaaveeli iitthaniwa Abiya. Awosa yaari ahooleli a oBerxeba.

³ Wa soothesene, anamwanaawe khayaattharinghe ephiro ya Samuweli. Awosa yaatholela nihootthanaya; yaakhulelaka makhwankwa ni evaanyaka ekhaikhai.

⁴ Tivawo asitokweene ootheene a aYixrayeli yaathukumannaaya, enamwaattamela Samuweli oRama.

⁵ Yaamweerela: “Nyuwo mohuuluvala ni anamwaniinyu khaantthara ephirowaanyu. Vano mumvare mwene weera anihoolele, ntoko miloko sootheene sikina siraayano.”

⁶ Vanonto, awosa yeerakaru: “Munivarele mwene weera anihoolele,” Samuweli khaahakalanle ni owo aamvekela Yave.

⁷ Yave aamwaakhula: “Mwaakhulele sootheene muloko wa atthu woovekenlaayani. Khayookhoontteni nyuwo; akikhoontte Miyo weera kihikhale Mwenaaya.

⁸ Hiiho ntoko yaakipakelaaya okhuma nihuku nenenenne kaakhuminghaaka wExipitu mpaka olelo ekikhoottaka Miyo ni elapaka miluku sikina, anoopakelanitho nyuwo.

⁹ Vano mpake yeeyo avekenlaaya, mene ngwooperere nnenesene ni mwaasuwelihe moota mwene aneeraawe aalamule.”

¹⁰ Samuweli aahaathalihera masu ootheene a Yave yaale yaamvekenle mwene.

¹¹ Aaweerela: “Mwene anoolamulaseni anoosuweliheni yoophwanelaawe ela: Owo anaakuxe anamwaniinyu asilopwana weera erumeele ikaarosawe sa ekhotto ni sa ikavalusawe* ni awo eniitthimake ohoolo wa ikaarosene seiyo.

¹² Owo anaakhalihe akina ntoko asitokweene a macira muloko ni akinatho a miloko mithanu. Akina anoolima ni anoohepha mmattamwawe ni akinatho anoopaka ikapwitthi sa ekhotto ni ikaruma sa ikaarosawe sa ikavalu*.

¹³ Anoolamula weera anamwaniinyu asithiyana ekhale anamweeka a makhura oowunkhela, anamatterekha ni anamooxa a ipaawu.

¹⁴ Anaawaakheeni imattasanyu sooreerela ni imattasanyu sa iwuuva* ni sa sooliveira* aavahaka arumeiyaawe.

¹⁵ Anaawaakheeni mpatta wanaamuloko wa irorosanyu ni wa soohepha sa iwuuva* aavahaka asitokweenaawe ni arumeiyaawe.

¹⁶ Anaawaakheenitho ipotthasanyu ilopwana ni ithiyana weera emvarelase mutekwaawe, nitho sooreerela sa imombesanyu ni abuurwaanyu.

¹⁷ Anaawaakheeni mpatta wanaamuloko wa mihuwosanyu ni nyeenyuweenesa munoothatuwa ipotthasawe.

¹⁸ Nihuku nno nyuwo munoomukhuwelela Yave niwoko na mwene mwaamuthanlalaanyu asineenaanyu, mene Yave kharwa awiiwaani.”

¹⁹ Wa soothesene, muloko khawaatthuna omwiiwa Samuweli. Waaheera: “Hoye! Nintthuna okhalano mwene.

²⁰ Vano, nnookhala ntoko miloko sikina sootheene nilamuliwaka ni mwene anihoolelaka mukhottonimwahu.”

²¹ Samuweli iiwaka sootheene muloko waahimmaaya, aaphitela maswaaya oholo wa Yave.

²² Yave aamwaakhula: “Ngwaakhulele ni mwaavahe mwene.” Vano Samuweli aaweerela aYixrayeli: “Khula mutthu ahokoleeleke esidadaawe.”