1 Samuweli 5 - Emakhuwa Bible

aFilisti ni Arka*

¹ aFilisti yaakuxaleene Arka* a Muluku, yaahaavenxa wEbenezeri yaaronghaka wAxidoti.

² Vahoolowa yaawiikaathi Arka* mpaani mwa muluku Dagoni mukerekhere mwa ecaambulo ya Dagoni.

³ Oxaawaya, amaki a wAxidoti evenyakaru, yaamphwanya Dagoni amonreene ni apopheyeiyeene ohoolo wa Arka* a Yave. Yaamweemexa Dagoni, enamwiikaathi vanipuroniwawe.

⁴ Vaheera oxaawaya epeherenreene ovenya, yaamphwanya Dagoni amonreene ohoolo wa Arka* a Yave! Murwaawe ni nyoonosawe saaposowasa sinamwareela vamulako – eyiitikilaawe paahi ti yaahanle.

⁵ Tivawo mpaka olelo asaserdoti* a Dagoni ni anamalapaawe ootheene a wAxidoti yaavolowaka mpaani mwa Dagoni ahinnyikalaaya vamulako.

⁶ Yave aahaahooxa amaki a wAxidoti ni a mukhwipimwaya, anaamwaraxa yaawo aaruuhelaka anantthweenye.

⁷ Asilopwana a wAxidoti yoonaka yeeyo yeereiye, yaaheera: “Arka* a Muluku a aYixrayeli ehikhaleketho wenno niwoko Owo onnihasula hiyo ni mulukwaahu Dagoni.”

⁸ Hiiho yaawiitthana asitokweene ootheene a aFilisti, enaakoha: “Niweeriheke hai Arka* a Muluku a aYixrayeli?” Awosa yaahaakhula: “Mwaaronghe Arka* a Muluku a aYixrayeli oGati.” Hiiho yaahaakuxa Arka* a Muluku a aYixrayeli.

⁹ Vaheera, Arka* ephiyakaru, Yave annaahasula amaki a esidadeene yeele, aarukureerihaka nyuru. Owo aahasula muloko wa esidade ele okhuma amiravo ni asitokweene ni ikwerere sa anantthweenye.

¹⁰ Hiiho yaahaarumihela Arka* a Muluku wEkeroni. Vano Arka* a Muluku evolowakaru wEkeroni, amakaaya yaakhuwela: “Awosa Yaaruuhenle nno Arka* a Muluku a aYixrayeli weera enniive hiyo ni mulokwaahuweene.

¹¹ Vanonto yaawiitthana asitokweene ootheene a aFilisti, enaweerela: “Mwaahokoloxe Arka* a Muluku a aYixrayeli yakhale yaaraaya. Mwaaheera hiiho awo anooniiva hiyo ni mulokwaahuweene. Yeerenle yeeyo niwoko waakhala orukureereya nyuru woowiiva esidade yootheene; Muluku annaahooxa amaki a weiwo.

¹² Yaale yahaakhwiiye yaahaawa ni anantthweenye ni wiikhupanyera wa esidade waahiiwanyeya wiirimu.