1 Samuweli 31 - Emakhuwa Bible

Okhwa wa Sawuli ni anamwanaawe asilopwana

¹ Vano aFilisti yaahaawanano aYixrayeli. aYixrayeli yaahaatthawa ni ancipale yiiviwe vamwaako oGilibowa.

² Afilisti yaamuttharelelasa Sawuli ni anamwanaawe asilopwana, enamwiiva Yonatani, Abinadabi ni Maliki-Xuwa, anamwane a Sawuli.

³ Ekhotto yaakukuma ni aFilisti yaamphwanya Sawuli moota wooweera ananyuupa yaamulatha enamvulalihaxa.

⁴ Sawuli aamweerela mmiravo aamukuxera kapwitthi: “Ohulule ekatanaawo ni okiiveno weera kihuuliwe muru kikhwelaka mmatatani mwa oohiineliwa ale.” Wa soothesene, mmiravo aamukuxera kapwitthi aahookhwa maririmela ahitthunaka opaka. Vano Sawuli aakuxa ekatanaawe, aniihomana.

⁵ Mmiravo aamukuxera kapwitthi oonakaru weera Sawuli ohookhwa, aahiihoma ni ekatanaawe, anakhwa ni Sawuli.

⁶ Hiiho Sawuli, anamwanaawe asilopwana araru, mmiravo aamukuxera kapwitthi ni anakhottwaawe ootheene yaahookhwa nihuku nenenenne.

⁷ Vano aYixrayeli yaamanke vanreyareyani ni yaale a okhopela Yordanu, esuwelakaru weera anakhotto a aYixrayeli yaatthawa ni weera Sawuli ni anamwanaawe asilopwana ahookhwa, yaathaama isidadesaya enatthawa. aFilisti yaarowa enaakamela seiye.

⁸ Oxaawaya, aFilisti yaarongwaaya ohuhula mittembo, yaamphwanya Sawuli ni anamwanaawe asilopwana ekhwenleene vamwaako oGilibowa.

⁹ Yaamuhita Sawuli, enakuxa ikapwitthisawe, enaarumihela anamitthenga mweelaponi yootheene ya aFilisti weera yalaleiye ihaali mmampaani mwa milukusaya ni variyari wa mulokwaaya.

¹⁰ Yaahiikaathi ikapwitthisawe mpaani mwa miluksaya siniitthaniwa Axetoroti, enatthukelela muttembwaawe vaxirini ya oBeti-Xani.

¹¹ Amaki a oYabexi Giliyade yiiwakaru yeeyo aFilisti yaamupankaaya Sawuli,

¹² asilopwana oominya murima a eriyaraaya yaaheetta ohiyuweene yoowo erowaka oBeti-Xani. Yaakuruxa muttembo wa Sawuli ni sa anamwanaawe asilopwana vaxirini ya oBeti-Xani, enarowa oYabexi, mwa weiwo yaahisenraayawo.

¹³ Vahoolowaya yaavithasa makhuvaaya vathi va tamargira* oYabexi, enatthuka wa mahuku mathannameeli.