1 Samuweli 23 - Emakhuwa Bible

Davide onoopola esidade ya oKeyila

¹ Aleeliwakaru Davide: “Moone, aFilisti anoowanano oKeyila ehuhulaka mapuro amveeriwa* etrigu,”

² aamvekela Yave: “Kaawananeke aFilisti awo?” Yave aamwaakhula: “Muroweke, mwaawanane aFilisti ni moopole oKeyila.”

³ Wa soothesene, asilopwana a Davide yaamweerela: “Nri oowooveene oYuda nno. Wootepaxa narowa oKeyila waawanano anakhotto a aFilisti!”

⁴ Emaara ekinatho Davide aamvekela Yave, ni Yave aamwaakhula: “Muroweke oKeyila, niwoko kinoowinnyerera aFilisti mmatatanimwanyu.”

⁵ Vano Davide ni asilopwanaawe yaarowa oKeyila, enaawanano aFilisti, enakuxa mihuwosaya. Owo aawiiva aFilisti ancipale awoopolaka amaki a oKeyila.

⁶ Vanonto, Abiyatari, mwaana mulopwana a Ahimeleki, aamukuxa mooxikootti a esaserdoti aatthangwaawe weera iitakansere ni Davide oKeyila.

Sawuli onimuttharatthara Davide

⁷ Sawuli aaleeliwa weera Davide oorowa oKeyila, aneera: “Muluku ookivaha mmatatanimwaka, niwoko Davide ootthukeya avolowaka musidade erino masele ni anampattika.”

⁸ Sawuli aawiitthana anakhottwaawe ootheene weera eroweke oKeyila ongwanano Davide ni asilopwanaawe.

⁹ Iiwakaru Davide weera Sawuli ohiireherera ongwanano, aamweerela musaserdoti*, Abiyatari: “Mukiruuhele mooxikootti a esaseredoti.”

¹⁰ Davide aaheera: “Ii! Yave, Muluku a aYixrayeli, murumeiyaanyu ohiiwa weera vekhaikhai Sawuli omvaanela orowa oKeyila atthunaka ophwata esidade niwoko na miyo.

¹¹ Amaki a oKeyila anookinnyerera mmatatanimwawe? Sawuli onoophiya ntoko murumeiyaanyu iiwenlaawe? Ii! Yave, Muluku a aYixrayeli, mukileele.” Yave aamwaakhula: “Aani. Onimoowa.”

¹² Davide aamukohatho: “Amaki a oKeyila anookinnyerera miyo ni asilopwanaaka mmatatani mwa Sawuli?” Yave aamwaakhula: “Aani.”

¹³ Hiiho Davide ni asilopwanaawe – wookwanaka macira mathannamosa – yaavenya oKeyila yaasaka weetta ehisuwelaka ankelaayawo. Sawuli aleeliwaka weera Davide aatthawa oKeyila, owo aahiya orowa.

¹⁴ Davide annakhala mmapuroni oolipaxa onikareni ni mmanyaakoni a nikare na oZifi. Khula nihuku Sawuli annamwaasa, mene Muluku khamwinnyerenre mmatatanimwawe.

Davide onimutthawelela Sawuli onikareni

¹⁵ Davide areene oHorexi, munikareni na oZifi, aasuwela weera Sawuli aavenya weera amwiive.

¹⁶ Yonatani, mwaana mulopwana a Sawuli, aarowa wa Davide oHorexi amukhaviheraka ophwanya ikuru mwa Muluku.

¹⁷ Owo aamweerela: “Muhoove. Atithaka kheerwa ewiivaani. Nyuwo munookhala mwene a aYixrayeli ni miyo nkikhale anaaveeli moolamulani. Mpaka atithaka Sawuli aasuwela yeeyo.”

¹⁸ Ooweeli yaahiiraana vamaithoni wa Yave. Vahoolowaya Yonatani aarowa owaani, vaheera Davide aahala oHorexi.

¹⁹ Vano aZifi akina yaarowa wa Sawuli oGibeya enamweerela: “Davide iipinthe variyariwahu moolipamo wa oHorexi, vanttumuxani na oHakila, mpatta wa ohitto wa oYeximoni.

²⁰ Vanonto, amwene, mwaatthunaka, murowe ni wa mpattaahu nnoomwinnyerera mmatatanimwanyu.”

²¹ Sawuli aawaakhula: “Yave ooreeliheni niwoko na okipwatthawanyu.

²² Muroweke, mwiirehererasetho. Mwasuwele mapuro Davide oniipithaxaawe ni taani amoonnewo. Kooleeliwa weera owo ti oocendyera.

²³ Mwasuwele mapuro oniipithaawemo ootheene ni muhokoleele nno ni masu a ekhaikhai. Vano miyo kinimoohoolani. Owo akhalawo, kinoomphwanya variyari wa mahimo ootheene a aYuda.”

²⁴ Hiiho yaapwaha, enarowa oZifi, Sawuli ahinaaye. Davide ni asilopwanaawe yaari munikareni na oMawoni, wAraba, mpatta wa ohitto wa oYeximoni.

²⁵ Sawuli ni asilopwanaawe yaattimula enapacera omwaasa ni aleeliwaka Davide, aakhuruwa vamwala, anapwaherera okhala munikareni na oMawoni. Sawuli iiwakaru yeeyo, aavolowa munikareni na oMawoni amwaasaka Davide.

²⁶ Sawuli eera eettaka mpatta mmoha wa mwaako vaheera Davide ni asilopwanaawe mpatta mukina yaakuveyaka weera emutthawe Sawuli. Vanonto, Sawuli ni anakhottwaawe yaamuricaaya Davide ni asilopwanaawe weera emvare,

²⁷ namutthenga mmoha aahoorwa omuleela Sawuli: “Ngweeke woowaakuveya, niwoko aFilisti animwaahuhula va aYixrayeli!”

²⁸ Vano Sawuli aahiya omwaasa Davide, anarowa waawanano aFilisti. Ti niwoko na yeeyo nipuro nne niitthaniwaaya: oSela-Hamakelekoti.

²⁹ Davide aapwahawo, anarowa okhala vanipuroni noolipihiwa na wEni-Gedi.