1 Nyaha 4 - Emakhuwa Bible

Ekhapira ya Yuda

¹ Ekhapira ya Yuda: Perezi, Hezeroni, Karmi, Huri ni Xobali.

² Reyaya, mwaana mulopwana a Xobali, aamuyara Yahate, ni Yahate aamuyara Ahumai ni Lahade. Ala yaari mahimo a aZorati.

³ Anamwane asilopwana a Eta, yaari ti ala: Yezereeli, Ixema ni Idebaxi. Murokorayasa iitthaniwa Hazelelboni.

⁴ Penuweli aari tiithi a Gedori, ni Ezeri, tiithi a Huxa. Alasa yaari a ekhapira ya Huri, mwaana a ntthaara na Efrata ni tiithi a Beteleheemu.

⁵ Axuri, tiithi a Tekowa, aahaatteya: Heela ni Naara.

⁶ Naara aamuyarela Ahuzami, Heferi, Temeni ni Haahaxtari. Alasa yaari anamwane asilopwana a Naara.

⁷ Anamwane asilopwana a Hela: Zerete, Zowari, Etnani

⁸ ni Kozi, amuyanre Anubi ni Hazobeba ni mahimo a Aharheli, mwaana mulopwana a Harumi.

⁹ Yabezi aari mulopwana oottittimiheyaxa veemusinivawe. Amayawe yaamutteha nsinanawe Yabezi, yeeraka: “Kimuyanre mmavihoni.”

¹⁰ Yabezi aamvekela Muluku a oYixrayeli: Ii! Mukireelihe ni mwaandyeerere ittimasaka! Ntatananyu nikhale ni miyo, nikisungaka mwa soonanara ni nikitapuxaka mwa soovoreya.” Hiiho, Muluku aahaakhulela yoovekaawe.

¹¹ Kelube, munneiye Xuwa, aamuyara Mehiri, tiithi a Exetoni.

¹² Exetoni aamuyara Bete-Rafa, Paseya ni Tehina, aari tiithi a Yiri-Nahaxe. Alasa yaari asilopwana a oReka.

¹³ Anamwane asilopwana a Kenazi: Otoniyeli ni Seraya. Anamwane asilopwana a Otoniyeli: Hatate ni Mewonotai.

¹⁴ Mewonotai aamuyara Ofera. Seraya aamuyara Yowabe, tiithi a yaale yaamanke oGe-Haraximi. Vano waatteheriwa nsina nno, niwoko amakaawe yaari anamaratta.

¹⁵ Anamwane asilopwana a Kalebe, mwaana mulopwana a Yefune: Iru, Ela ni Naami. Mwaana mulopwana a Ela aari Kenazi.

¹⁶ Anamwane asilopwana a Yehaleleli: Zifi, Zifa, Tiriya ni Asareyeli.

¹⁷ Anamwane asilopwana a Ezera: Yeteri, Merede, Eferi ni Yaloni. Merede aamuthenle Bitiya, ni aahaayara anamwane ala: Miriyami, Xamai ni Ixeba, aatenke wEstemowa.

¹⁸ Amwaariye yaari muYuda yaamuyara Yerede, tiithi a Gedori, Heberi, tiithi a Soko, ni Yekutiyeli tiithi a Zanowa. Alesa yaari anamwane a mwanawe muthiyana Farawu*, Bitiya, mwa yoowo Merede aamuthenlaawe.

¹⁹ Anamwane asilopwana a mwaariye Hodiya, murokoriye Nahami: Tiithi a Keyila, muGarmi, ni Exetemowa mMaakati.

²⁰ Anamwane asilopwana a Ximoni: Aminoni, Rina, Bene-Hanani ni Tiloni. Anamwane asilopwana a Ixi: Zohete ni Beni-Zohete.

²¹ Anamwane asilopwana a Xela, mwaana mulopwana a Yuda: Eri, tiithi a Leka, Laada tiithi a Marexa. Xela aaritho nikholo na mahimo a yaale yaavara muteko ni eliinyu* oBete-Axebeya,

²² a Yokimi, a atthu a oKozeba, a Yowaxi ni Sarafe, mwa yaawo yaalamula oMowabe ni oYaxube-Lehemi. Namalepela ola ti a ihuhu sa khalayi.

²³ Awosa yaari anamoopa oloko yaamanke oNetayimi ni oGedera; yaakhalawo ni yaamvarela muteko mwene.

²⁴ Anamwane asilopwana a Simeyoni: Nemuweli, Yamini, Yaribe, Zera ni Xawuli.

²⁵ Mwaana mulopwana a Xawuli iitthaniwa Xalumi, tiithi a Mibesame, mwa yoowo aari tiithi a Mixma.

²⁶ Ekhapira ya Mixma: Mwanawe mulopwana iitthaniwa Hamuweli, tiithi a Zakuri, mwa yoowo aari tiithi a Ximeyi.

²⁷ Ximeyi aarino anamwane asilopwana muloko ni athannamosa ni anamwane asithiyana athannamosa, vaheera axunneiye khayaarino anamwane ancipale, tivawo, mahimwaaya ootheene ahinlikanaaya ni waatta wa epuumba ya Yuda.

²⁸ Awosa yaakhala oBerxeba, oMolada, oHazar, oXuwali,

²⁹ oBiliya, wEzemi, oTolade,

³⁰ oBetuweli, oHorema, oZikalagi,

³¹ oBete-Marekabote, oHazare-Susimi, oBete-Biri ni oXaarayimi. Iya saari isidadesaya mpaka olamula wa Davide.

³² Yaakhalanotho isidade ithanu sikina: wEtami, Ayimi, oRimoni, oTokeni ni wAxani,

³³ Vamoha ni mittetthe sootheene saarukureenre seiyo mpaka oBaalate. Musidadeni mmo yaakhala ni yaampwahereriha namalepela a ekhapiraaya.

³⁴ Mexobabe, Yameleke, Yoxa, mwaana mulopwana a Amaziya,

³⁵ Yoweli, Yehu, mwaana mulopwana a Yoxibiya, mwaana mulopwana a Seraya, mwaana mulopwana a Asiyeli,

³⁶ nitho Elunai, Yaakoba, Yexohaya, Asaya, Adiyeli, Yesimiyeli, Benaya

³⁷ ni Ziza, mwaana mulopwana a Xifi, mwaana mulopwana a Aloni, mwaana mulopwana a Yedaya, mwaana mulopwana a Zimeri, mwaana mulopwana a Xemaya.

³⁸ Ala masina a asitokweene a mahimwaaya. Imusisaya saahaandyeerereyaxa

³⁹ tivawo yaarongwaaya mukhwipi wa oGedori, mpatta ninkhuma nsuwa wa nreyareya, yaasaka soociha muhuwaaya.

⁴⁰ Yaaphwanya sooca sooreera, mulaponi yoothanuwa, ya murettele ni yoomaaleleya, mwa weiwo aHami akina yaakhalaayawo khalayi.

⁴¹ Mweehuhuni ya olamula wa Hezekiya, mwene a oYuda, asilopwana alempwale masinaaya ala, yaaphiya, enaawanano aHami ni aMewuni a mulaponi mmwe, enaaphwata woomalela, ntoko onooneyaaya mpaka olelo va. Vahoolowaya, yaahaakamela nipuro na miloko iyo, niwoko waakhalawo woocihamo muhuwaaya.

⁴² Vano, macira mathanu a aSimeyoni awo, yaahooleliwa ni Pelatiya, Neyariya, Refaya ni Uziyeli, anamwane asilopwana a Ixi, yaavoleela elapo ya mattumuxa a oSeyiri.

⁴³ Awosa yaawiivakasa awAmaleki yaawo yoopongwe, ni iwe ankhalawo mpaka olelo va.