1 Nyaha 27 - Emakhuwa Bible

Okawanyeya wa anakhotto

¹ Masina anttharelana ti a aYixrayeli ari mapwattapwattha a imusi, asitokweene a anakhotto macira muloko, asitokweene a anakhotto ncira vamoha ni asitokweenaaya yaamurumeela mwene moowehawehani mukuttula wa anakhotto. Khula mukuttula waarino asilopwana 24 000 mwa yaawo yaarumeela mweeri mmoha wa khula eyaakha.

² Namawehaweha a mukuttula woopacera wa anakhotto 24 000, mwa yoowo aapacenre owehaweha vamweerini woopacera, aari ti Yaxobeyami, mwaana mulopwana a Zabediyeli.

³ Owo aari a ekhapira ya Perezi ni mutokweenexa a asitokweene ootheene a anakhotto wa mweeri woopacera.

⁴ Namawehaweha a mukuttula wa mweeri wanaaveeli, aari ti Dodayi, ngwAhohi. Aawehaweha mukuttulaawe aari ti Mikelote. Mukuttulaawe waarino asilopwana 24 000.

⁵ Mutokweene a anakhotto anaararu wa mweeri wanaararu aari ti Benaya, mwaana mulopwana a musaserdoti* Yehoyada. Owo aari mutokweene a mukuttula wa anakhotto 24 000.

⁶ Benaiya owo aari nakhotto mutokweene a anakhottweene yaale Miloko Miraru. Aawehaweha mukuttulaawe aari ti mwaniye mulopwana Amizabade.

⁷ Anaaxexe wa mweeri wanaaxexe aari ti Asaheli munneiye Yowabe; mwaniye mulopwana Zebadiya ti aamurandenle. Mukuttulaawe waarino anakhotto 24 000.

⁸ Anaathanu wa mweeri wanaathanu aari ti ngwIzerahi Xamehute. Mukuttulaawe waarino anakhotto 24 000.

⁹ Anaathannamosa wa mweeri wanaathannamosa aari ti Ira, mwaana mulopwana a muTekowa Ikexi. Mukuttulaawe waarino anakhotto 24 000.

¹⁰ Anaathanneeli wa mweeri wanaathannamiili, aari ti mPeloni Helezi, a ekhapira ya Efrayimi. Mukuttulaawe waarino anakhotto 24 000.

¹¹ Anaathannaararu wa mweeri wanaathannamiraru, aari ti muHuxati Sibekayi, a emusi ya Zera. Mukuttulaawe waarino anakhotto 24 000.

¹² Anaathannaaxexe wa mweeri wanaathannaaxexe, aari ti ngwAnatote Abiyezeri, a epuumba ya Benyamini. Mukuttulaawe waarino anakhotto 24 000.

¹³ Anaamuloko wa mweeri wanaamuloko, aari ti muNetofati Maharayi, a emusi ya Zera. Mukuttulaawe waarino anakhotto 24 000.

¹⁴ Anaamuloko nimmoha wa mweeri wanaamuloko nimmoha aari ti mPiratoni Benaya, a ekhapira ya Efrayimi. Mukuttulaawe waarino anakhotto 24 000.

¹⁵ Anaamuloko neeli wa mweeri wanaamuloko ni miili, aari ti muNetofati Heldayi, a emusi ya Oteniyeli. Mukuttulaawe waarino anakhotto 24 000.

Ahooleli a ipuumba

¹⁶ Ahooleli a ipuumba sa aYixrayeli, yaari ti ala: epuumba ya Rubeni: Eliyezeri, mwaana mulopwana a Zikeri; epuumba ya Simeyoni: Xefatiya, mwaana mulopwana a Maaka;

¹⁷ epuumba ya Leevi: Haxabiya, mwaana mulopwana a Kemuweli; epuumba ya Aharoni: Zadoki;

¹⁸ epuumba ya Yuda: Elihu, munneiye Davide; a epuumba ya Isakari: Omeri, mwaana mulopwana a Mikayeli;

¹⁹ epuumba ya Zebuloni: Ixmaya, mwaana mulopwana a Obadiya; epuumba ya Nafitali: Yeremoti, mwaana mulopwana a Azeriyeli;

²⁰ epuumba ya Efrayimi: Hoxeya, mwaana mulopwana a Azaziya; eriyari ya epuumba ya Manaxe: Yoweli, mwaana mulopwana a Pedaya;

²¹ mpatta mukinoowo wa epuumba ya Manaxe, oGileyade: Ido, mwaana mulopwana a Zakariya; epuumba ya Benyamini: Yaasiyeli, mwaana mulopwana a Abeneri;

²² epuumba ya Dani: Azareli, mwaana mulopwana a Yerohami. Ti yaala yaari ahooleli a ipuumba sa oYixrayeli.

²³ Davide khaawaalikenle asilopwana oohikwaniha iyaakha miloko miili, niwoko Yave aaroromeliha weera aangwaattiha aYixrayeli ntoko ithenyeeri sa wiirimu.

²⁴ Yowabe, mwaana mulopwana a Zeruha, aapacera owaalikela atthu, mene khaawenre waamaliha. Isara sa Muluku saahaamorela aYixrayeli mwaha wa namalepela ole, tivawo waalikeliwawaya ohitakanseriwaaya munamalepelani a nyaha sa mwene Davide.

Sootthuneya sikina

²⁵ Azemaveti, mwaana mulopwana a Adiyeli, ti aawehaweha mihakhu sa empa ya emwene. Yonatani, mwaana mulopwana a Uziya, ti aawehaweha moosungamo mwa mwene mmittettheni sitokweene soorakamela, musidadeni, mmilokoni ni mutooreni* sa anamalipelela.

²⁶ Ezeri, mwaana mulopwana a Kelube, ti aawehaweha anamalima a mmamattani mwa yaawo yaalima.

²⁷ Ximeyi, muRamati, ti aawehaweha imatta sa iwuuva*. muXifemi Zabedi, ti aawehaweha eviinyu yaathokororiwa mukhalini.

²⁸ muGederi Bahali-Hanani ti aawehaweha nyiri sa sooliveira* ni sa ifiigu sa ilapo sa vathi vathi wa nyaako. Yowaxi ti aawehaweha mavaheriwo a makhura a sooliveira*.

²⁹ muXaroni Xiterai, ti aawehaweha mihuwo saacihiwa oXaroni. Xafate, mwaana mulopwana a Adelai, ti awehaweha mihuwo mureyareyani.

³⁰ muYixmayeli Obili, ti aawehaweha ikamelu*. mMeronoti Yehedeya, ti aawehaweha abuuru.

³¹ muHageri Yazizi ti aawehaweha mihuwo. Ootheene awo ti yaawehaweha ittima sa Davide.

³² Yonatani, atatawe Davide, aari namalaka, mulopwana a miruku nitho aari namalepa. Yehiyeli, mwaana mulopwana a Hakemoni, aakosoopa anamwane a mwene.

³³ Ahitofeli aari namalaka a mwene. ngwArki Husayi aari nthamwene a mwene.

³⁴ Ahitofeli aarandeliwe ni Yehoyada, mwaana mulopwana a Benaya, anarandeliwatho ni Abiyatari. Yowabe aari mutokweene a anakhotto a emwene.