1 Nyaha 25 - Emakhuwa Bible

Anamwiipa a Empa ya Yave

¹ Davide vamoha ni asitokweene a anakhotto, aahaathanlela anamwanaawe asilopwana akina akina a Asafi, Hemani ni Yedutuni muteko wa othalihera otthuna wa Muluku, moorumani wa amakita, atthakare ni ikengere. Masina a yaawo yaathanleliwe muteko owo, ti ala:

² A anamwane asilopwana a Asafi: Zakuri, Yoseefe, Netaniya ni Asarela. Anamwane asilopwana a Asafi yaawehawehiwa ni yoowo, ni owo aathalihera otthuna wa Muluku awehawehiwaka ni mwene.

³ A anamwane asilopwana a Yedutuni: Gedaliya, Zeri, Yexaya, Ximeyi, Haxabiya ni Matitiya, ootheene awo yaari athannamosa, ewehawehiwaka ni atithaya Yedutuni, yaathalihera otthuna wa Muluku ni oruma wa makita, amutthapeleka ni amvuwihaka Yave.

⁴ A anamwane asilopwana a Hemani: Bukiya, Mataniya, Uziyeli, Xubayeli, Yeremoti, Hananiya, Hanani, Eliyata, Gidalti, Romameti-Ezeri, Yoxebekaxa, Maloti, Hotiri ni Mahaziyoti.

⁵ Ootheene ala yaari anamwane asilopwana a Hemani, namoonihera* a mwene. Awosa yaayariwe ntoko Yave aaroromelinghaawe weera aamuntatuxa ooweraxa. Vano Muluku aamvaha Hemani anamwane asilopwana muloko naaxexe ni asithiyana muloko naararu.

⁶ Asilopwana ootheene ala yaawehawehiwa ni asitithaya mmutekoni mwa icipo Mpaani mwa Yave, ni ikengere, atthakare ni amakita erumeelaka Mpaani mwa Muluku. Asafi, Yedutuni ni Hemani yaawehawehiwa ni mwene.

⁷ Awosa ni emusaaya, oolikaneene ni oowera orumeela mmutekoni woomvuwiha Yave muciponi, yaari 288.

⁸ Vano yaampaka mwaathanle eriyari ya amiravo ni asitokweene; ahusiha ni oohusera weera yaavahe sootthuneyasaya.

⁹ Aapacene oreereliwa ti Yoseefe, mwaana mulopwana a Asafi, vamoha ni anamwanaawe asilopwana ni emusaawe – ootheene awo yaari muloko neeli; anaaveeli oreereliwa ti Gedaliya, vamoha ni anamwanaawe asilopwana ni amusaawe – ootheene awo yaari muloko neeli;

¹⁰ anaararu ti Zakuri, vamoha ni anamwanaawe asilopwana ni emusaawe –muloko neeli;

¹¹ anaaxexe ti Izeri, vamoha ni anamwanaawe asilopwana ni emusaawe – muloko neeli;

¹² anaathanu Netaniya, vamoha ni anamwanaawe asilopwana ni emusaawe – muloko neeli;

¹³ anaathannamosa ti Bukiya, vamoha ni anamwanaawe asilopwana ni emusaawe – muloko neeli;

¹⁴ anaathanneeli ti Yesarela, vamoha ni anamwanaawe asilopwana ni emusaawe – muloko neeli;

¹⁵ anaathannaararu ti Yexaya, vamoha ni anamwanaawe asilopwana ni amusaawe – muloko neeli;

¹⁶ anaathannaaxexe ti Mataniya, vamoha ni anamwanaawe asilopwana ni amusaawe – muloko neeli;

¹⁷ anaamuloko ti Ximeyi, vamoha ni anamwanaawe asilopwana ni amusaawe – muloko neeli;

¹⁸ anaamuloko nimmoha ti Azareli, vamoha ni anamwanaawe asilopwana ni amusaawe – muloko neeli;

¹⁹ anaamuloko neeli ti Haxabiya, vamoha ni anamwanaawe asilopwana ni emusaawe – muloko neeli;

²⁰ anaamuloko naararu ti Xubayeli, vamoha ni anamwanaawe asilopwana ni amusaawe – muloko neeli;

²¹ anaamuloko naaxexe ti Matitiya, vamoha ni anamwanaawe asilopwana ni amusaawe – muloko neeli;

²² anaamuloko naathanu ti Yeremoti, vamoha ni anamwanaawe asilopwana ni amusaawe – muloko neeli;

²³ anaamuloko ni athannamosa ti Hananiya, vamoha ni anamwanaawe asilopwana ni amusaawe – muloko neeli;

²⁴ anaamuloko ni athanneeli ti Yoxebekaxa, vamoha ni anamwanaawe asilopwana ni amusaawe – muloko neeli;

²⁵ anaamuloko ni athannaararu ti Hanani, vamoha ni anamwanaawe asilopwana ni emusaawe – muloko neeli;

²⁶ anaamuloko ni athannaaxexe ti Maloti, vamoha ni anamwanaawe asilopwana ni amusaawe – muloko neeli;

²⁷ anaamiloko miili ti Eliyata, vamoha ni anamwanaawe asilopwana ni amusaawe – muloko neeli;

²⁸ anaamiloko miili nimmoha ti Hotiri, vamoha ni anamwanaawe asilopwana ni amusaawe – muloko neeli;

²⁹ anaamiloko miili neeli ti Gidaliti, vamoha ni anamwanaawe asilopwana ni amusaawe;

³⁰ anaamiloko miili naararu ti Mahaziyoti, vamoha ni anamwanaawe asilopwana ni amusaawe – muloko neeli;

³¹ anaamiloko miili naaxexe ti Romameti-Ezeri, vamoha ni anamwanaawe asilopwana ni amusaawe – muloko neeli.