1 Nyaha 24 - Emakhuwa Bible

Okawanyeya wa asaserdoti*

¹ Anamwane asilopwana a Aharoni yaakawanyihiwe moota ola: Anamwanaawe asilopwana yaari Nadabe, Abihu, Eleyazari ni Itamari.

² Nadabe ni Abihu, ti yaapacenre okhwa ehinaaye atithaya, ni khayaayanreru; tivawo Eleyazeri ni Itamari paahi yaarumeelaaya ntoko asaserdoti*.

³ Davide aahaakawanyiha mikuttula mikuttula, akhaviheriwaka ni Zadoki, a ekhapira ya Eleyazari, ni Ahimeleki, a ekhapira ya Itamari, weera ekwaniherase sootthuneyasaya.

⁴ Eriyari ya ikhapira sa Eleyazari, yaakhala mapwattapwattha oowaattaxa opwaha eriyari ya ikhapira sa Itamari, tivawo awosa yaakawanyihiwaaya moota ola: Eriyari ya ikhapira sa Eleyazari, yaari mapwattapwattha a imusi muloko naathannamosa, ni ithannatthaaru eriyari ya ikhapira sa Itamari.

⁵ Awosa yaakawanyihiwe moota woororomeleya ottharihiwaka mooreereliwani, niwoko yaakhala ahooleli erumeelaka vaNipuroni Nootteela*, ni ahooleli akina emurumeelakawo Muluku, ekhalaka a ekhapira ya Eleyazari nitho ya Itamari.

⁶ Namalepa Xemaiya, mwaana mulopwana a muLeevi Netaneli, aalepa masinaaya vamaithoni wa mwene, ahooleli, musaserdoti* Zadoki ni Ahimeleki, mwaana mulopwana a Abiyatari, ni mapwattapwattha a imusi sa asaserdoti* ni sa aLeevi. Imusi sa Eleyazari ni sa Itamari saareereliwe moota woottharana.

⁷ Aapacenre oreereliwa aari Yehoyaribe, anaaveeli Yedaya,

⁸ anaararu Harimi, anaaxexe Seworimi,

⁹ anaathanu Malekiya, anaathannamosa Miyamini,

¹⁰ anaathanneeli Hakozi, anaathannaararu Abiya,

¹¹ anaathannaaxexe Yexuwa, anaamuloko Xekaniya,

¹² anaamuloko nimmoha Eliyaxibe, anaamuloko neeli Yakimi,

¹³ anaamuloko naararu Hupa, anaamuloko naaxexe Yexebeyabi,

¹⁴ anaamuloko naathanu Bilega, anaamuloko ni athannamosa Imeri,

¹⁵ anaamuloko ni athanneeli Heziri, anaamuloko ni athannaararu Hapizezi,

¹⁶ anaamuloko ni athannaaxexe Petahiya, anaamiloko miili Yehezikeli,

¹⁷ anaamiloko miili nimmoha Yakini, anaamiloko miili neeli Gamuli,

¹⁸ anaamiloko miili naararu Delaiya, ni anaamiloko miili naaxexe Maaziya.

¹⁹ Nna nlamulo na orumeelano awosa waatthuneyaaya otthara yaavolowaka Mpaani mwa Yave, ettharihiwaka malepeliwo yaahiiwale ni nikholonaya Aharoni, ntoko Yave, Muluku a oYixrayeli aamulamulenlaawe.

aLeevi akina

²⁰ Mapwattapwattha a aLeevi akina, yaari ti ala: a anamwane asilopwana a Amrami: Xubayeli; a anamwane asilopwana a Xubayeli: Yekhedeya.

²¹ Wa Reyabiya, Isehiya ti aari pwattapwattha a anamwanaawe.

²² Ikhapira sa Izehari: Xelomote; a anamwane asilopwana a Xelomote: Yahate.

²³ A anamwane asilopwana a Heberoni: Yeriya aari a ntthaara, anaaveeli Amariya, anaararu Yahaziyeli ni anaaxexe Yekameyami.

²⁴ A anamwane asilopwana a Uziyeli: Mika; a anamwane asilopwana a Mika: Xamiri.

²⁵ A anamwane asilopwana a Isexiya, munneiye Mika: Zakariya.

²⁶ A anamwane asilopwana a Merari: Maheli ni Muxi. A anamwane asilopwana a Yaaziya: Beno.

²⁷ A anamwane asilopwana a Merari, mwa Yaaziya: Beno, Xohami, Zakuri ni Iberi.

²⁸ A Maheli: Eleyazari, mwa yoowo ahaayannyeru.

²⁹ A Kixi: Yerakmeeli.

³⁰ Vano anamwane asilopwana a Musi: Maheli, Ederi ni Yeremote. Ala yaari aLeevi, sittharihiwaka imusisaya.

³¹ Awosatho yaampaka mwaathanle vamaithoni wa mwene Davide, Zadoki, Ahimeleki ni mapwattapwattha a imusi sa asaserdoti* ni sa aLeevi, mooteene yoole yaapankaaya axunnaya, a ekhapira ya Aharoni. Imusi sa axunnaya a ntthaara saapakeliwe mooteene yoole saapakeliwaaya imusi sa axunna asikhaani.