1 aKorinto 4 - Emakhuwa Bible

Arummwa a Kristu

¹ Vanonto, atthu yuupuweleke weera nri arumeiyi a Kristu ni noovahereriwa matikhinelo a Muluku.

² Ontthuneya weera ootheene oovahereriwa ohoolela ekhale oororomeleya.

³ Nkimpwattha othorihiwa ni nyuwo, hoye hoye ni akhalaru a alipa oowuuluma milattu. Mwa yeeyo, hata miyo nkiniithoriha mwaneenaakaru.

⁴ Hata soowuupuwelasakatho khasinkoothera naari etthu, nkiniixeerela oowaakhuleliwa ni Muluku, niwoko Yoowo onkithoriha ti Muluku.

⁵ Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku.

⁶ Axunnaka, ti niwoko na nyuwo miyo kooleenlaakani yeeyo mwaha wa miyo ni Apolo, weera nyuwo muxuttere wa hiyo yoolempwa ela: “Muhipwahe yeeyo elempwale.” Hiiho khamunrowa omunnuwiha mutthu mmoha ni omuramusa mukina.

⁷ Vano, taani ongweerelani weera nyuwo moovirikana ni akina? Eheeni muraanyuno muhaakhenlaanyu? Ni mwaakhenleene, heeni muniixooniheraanyu ntoko khamwaakhenle?

⁸ Nyuwo mookhalano sootheene muntthunaanyu! Mooreela! Moovariwa omwene nihikhanle hiyo. Keenre miyo katthuna weera mwaakhanle mamwene a ekhaikhai, weera hiyo nilamuletho ni nyuwo!

⁹ Vano, kinoona ntoko Muluku oniiyaathiye hiyo arummwa nipuro nookisera ntoko oothoriheliwa okhwa, niwoko nooniheriwe wa elapo ya vathi yootheene, hiiho wa ndyelo, hiihotho wa atthu.

¹⁰ Hiyo anaanepa niwoko na Kristu, vaheera nyuwo muri asuweli mwa Kristu! Hiyo nri oohilipa, vaheera nyuwo oolipa. Nyuwo muri oottittimihiwa, vaheera nri ooramusiwa.

¹¹ Mpaka vaanaano vaava ninnahaawa ni etala, ntthona ni soowara. Ninnihasuliwa, khaninono nipuro nookilaathi, ni

¹² nimvara muteko woovihaxa ni matataahu. Akina yaanilaphaka, hiyo ninnaareeliha. Naattharatthariwaka, ninnavilela.

¹³ Naapiwaka, ninnaakhula ni masu ooreera. Mpaka vaanaano va ninooniwa ntoko nimpheeru, aani, ntoko ikokhola sa elapo ya vathi.

¹⁴ Nkineerera owuulihihani muru kaalepaka itthu iya, mene kinoolakani ntoko anamwanaaka oosiveleya.

¹⁵ Mwaari mweeraru mukhalanneene ahusiha macira macireene muloko mwa Kristu, khamunonotho asitiithi ancipale, niwoko miyo kooyanreni mwa Yeesu Kristu ni masu ooreeraxa.

¹⁶ Tivawo kinoodyoonttelelaakani weera mukitakiheke.

¹⁷ Niwoko nenenenna kinoorumihelani Timootheyo, mwanaka oosiveleya ni oororomeleya mwa Apwiya. Owo anaawuupuxereni mweettelowaaka mwa Kristu, ntoko miyo kinxuttihaaka wa ilapo ni ikerexa sootheene.

¹⁸ Akina a nyuwo aathatuwa oowiixoona, ntoko miyo kihooxekurenitho.

¹⁹ Vano, nkirowe woowaakuveya, Apwiya yakitthunihera. Ehuhuweene yeeyo, nkisuwele khoohiyono paahi yeeyo anuulumaaya anamwiixoona ale, menetho ikurusaya,

²⁰ niwoko omwene wa Muluku khoohiyono wa masu, mene wa ikuru.

²¹ Muntthuna eheeni? Miyo kiroweke wa nyuwo ni ekwamba, hoye hoye ni osivela ni munepa woomaala?