1 aKorinto 13 - Emakhuwa Bible

Osivela

¹ Hata miyo kuulumaka muulumo a atthu ni a andyelo, mene kaahikhalano osivela, nkikhale ntoko eyuuma ennyakula, hoye hoye esiimbi enruma.

² Hata miyo kikhalanaka yamahala yoothaliha otthuna wa Muluku, ni kisuwelaka matikhinelo ni soosuwela sootheene, nitho kikhalanaka nroromelo noowera osusiha nyaako, mene kaahikhalano osivela, nkinkhala etthu.

³ Hata miyo kivahaka sootheene kiraakano, ni kinnyereraka erutthwaaka weera ehisiwe, mene kaahikhalano osivela, sootheene seiyo nsikhale sa siiyo.

⁴ Osivela ongweherera ni ovilela, osivela ti wooreera, khoonono nrima, khooniixoona, khooniixunnuwiha

⁵ khoonghasula, khooniisaasa sawayaru, khoonnyoonyiwa woowaakuveya, khoonuupuwelela yoonanara.

⁶ Osivela khoonghakalalela yootakhala, mene onghakalalela ekhaikhai.

⁷ Osivela onghaawa sootheene, onroromela sootheene, ongweherera sootheene, omvilela sootheene.

⁸ Osivela khoonriheya, mene soothaliha sa otthuna wa Muluku nsimale, muulumo eniimaale, ni osuwela onuumale.

⁹ Vano osuwelawahu khoonkwanela, ni othaliherawahu otthuna wa Muluku khoonkwanelatho.

¹⁰ Wa soothesene, yaarwaaka yeeyo eri yookwanela, yoohikwanela eniimale.

¹¹ Miyo kaaraaka mmiravo, kuuluma ntoko mmiravo, kuupuwela ntoko mmiravo ni kaataphulela itthu ntoko mmiravo. Vano, kithatuwakaru mulopwana, kaahiya ottuli itthu sa enamwane.

¹² Vekhaihai, vaanaano nnoona ntoko muloolani ni mmaxiripuloni, mene ohoolowaya, nnoone ekhove ni ekhove. Vaanaano va kinsuwela vakhaani, mene ohoolowaya nkisuwele nnenesene, ntoko kiraaka oosuweliwa nnenesene.

¹³ Hiiho singhala vaanaano iya tthaaru: nroromelo, oweherera, ni osivela. Vaheera yootthuneyaxa wa itthu seiya, ti osivela.