1 aKorinto 11 - Emakhuwa Bible

¹ Muthatuwe anamatakihaaka ntoko miyo kinimutakihaaka Kristu.

Mahusiho a olapa

² Miyo kinoottottopelani niwoko na okuupuwela miyo mwa soothesene, nitho niwoko munnavarexexa nihusiho nnenesene ntoko miyo kooxuttihalaakani.

³ Vano, kintthuna musuwele weera Kristu ti muru wa mutthu ootheene, ni mulopwana ti muru wa muthiyana, nitho muru wa Kristu ti Muluku.

⁴ Khula mulopwana omvekela, hoye hoye onthaliha otthuna wa Muluku akhuneenleene muruwaawe, khanttittimiha muruwaawe.

⁵ Khula muthiyana omvekela, hoye hoye onthaliha otthuna wa Muluku ahikhuneenle muruwaawe, khanttittimiha muruwaawe, niwoko onkhala ntoko oomettha.

⁶ Muthiyana aahikhuneela muruwaawe, amettheke mayihi. Wakhala weera ti woowuuliha muru wa muthiyana omettha, naari ohama mayihi, akhuneeleke muruwaawe.

⁷ Mulopwana khantthuneya okhuneela muru, niwoko ori ekhalelo ni ovuwa wa Muluku, mene muthiyana ori ovuwa wa mulopwana.

⁸ Vano, mulopwana khaakhumale wa muthiyana, mene muthiyana wa mulopwana.

⁹ Mooteene yoowo mulopwana khaapattuxeriwe muthiyana, mene muthiyana niwoko na mulopwana.

¹⁰ Tivawo, ni niwoko na andyelo, ontthuneya weera ekhale eneneero ya ikuru mmurumwawe muthiyana.

¹¹ Wa soothesene, mwa Apwiya, muthiyana khankhala ahikhanlewo mulopwana, hata mulopwana ahikhanlewo muthiyana.

¹² Vano, ntoko muthiyana okhumelenle wa mulopwana, hiihotho mulopwana ongyariwa wa muthiyana. Sootheenetho sinrweela wa Muluku.

¹³ Muthorihe: onootthuneya wa muthiyana omvekela Muluku ni muru woohikhuneeliwa?

¹⁴ Ikhovelelo sa itthu khasinoohusihani weera akhalano mulopwana mayihi oorakama, nno khanihiyono nttittimiho,

¹⁵ mene akhalano muthiyana mayihi oorakama, iwo ti ovuwawawe? Vano mayihi oorakama ovahiwe weera akhuneelekeno muruwaawe.

¹⁶ Akhala mukina ontthuna ovaanya mwaha wa yeeyo, hata hiyo, hata ikerexa sa Muluku khasinono ekhovelelo ekina.

Yooca ya Apwiya

¹⁷ Vano, yeeyo kineeraaka kooleeleni, nkingwera woottottopelani, niwoko moothukumananimwanyu sineereiya itthu soonanara opwaha sooreera.

¹⁸ Woopacera kiniiwa weera, mwaathukumanaka ntoko ekerexa, wookhala ohiiwanana variyariwanyu, ni vano miyo kinroromela yeeyo vakhaani.

¹⁹ Ontthuneya weera okhale ohiiwanana variyariwanyu, weera esuweliwe taani a nyuwo ari oowaakhuleleya.

²⁰ Nyuwo mwaathukumanaka, khoohiyono weera muce yooca ya Apwiya,

²¹ niwoko khula mutthu onca yoocaawe muneenaawe ahaawehereraka akina. Hiiho, mukina onoovoliwa etala ni mukina onoohapaliwa.

²² Weeraka nyuwo khamunono empa weiwo mungweraanyu oca ni owura? Hoye hoye munramusa ekerexa ya Muluku ni mungwuulihiha muru yaawo ahikhanle ni etthu? Nkooleeleni eheeni? Miyo nkoottottopeleni mwa yeeyo? Vekhaikhai hoye!

²³ Vano, kohaakhela wa Apwiya yeeyo koovanghaakanitho: Apwiya Yeesu, ohiyu yaavarihiwaaya, yaakuxa epaawu,

²⁴ ni emalihaka omuxukuru Muluku, yaameyanya ni yaaheera: “Ela ti erutthwaaka emvahiwa mwaha wa nyuwo; mpakeke yeeyo mukuupuwelelaka Miyo.

²⁵ Mooteene yoowo, emalihaka oca, yaakuxa ekoomixi ni yaaheera: “Ekoomixi ela ti wiiraana onyowani mwa ephomaaka. Mpakeke yeeyo, mahuku ootheene muneeraanyu muwureke, mukuupuwelelaka Miyo.

²⁶ Vano, mahuku ootheene muneeraanyu muceeke epaawu ela ni muwureke ekoomixi ela, munlaleiya okhwa wa Apwiya mpaka eneeraaya ewe.

²⁷ Tivawo, khula mutthu onca epaawu ni ongwura ekoomixi ya Apwiya moota woohiphwanela, anaakhalane nthowa na otthekela erutthu ni ephome ya Apwiya.

²⁸ Ontthuneya wiiwehaweha toko khula mutthu ahinaaye oca epaawu, hoye hoye owura ekoomixi,

²⁹ niwoko yoole onca ni ongwura ahittittimihaka erutthu ya Apwiya, onca ni ongwura nttaruxonawe muneenaawe.

³⁰ Tivawo, variyariwanyu aakhala oohilipa ni aretta ancipale, ni akinatho ahookhwa.

³¹ Vano, hiyo nahiithoriha, khanaathorihiwe.

³² Hiyo ninthorihiwaahu ni Apwiya, ninttaruxiwa weera nihithorihiwe vamoha ni amalapo.

³³ Tivawo axunnaka, mwaathukumanaka weera muce, muwehereraneke.

³⁴ Mukina avoliwa etala, aceeke owaani weera mwaathukumanaka, eyo kheemmalela nthorihelo. Wa itthu sikina, kaaphiyakaru, kinooreherera.