YESAYA 4 - BIVHILI KHETHWA Mafhungo Madifha

¹ Musi uyo vhasadzi vhaṱanu na vhavhili vha ḓo nambatela munna muthihi vha ri, “Zwiḽiwa ri ḓo ḽa zwashu, ra ḓishavhedza riṋe vhaṋe, tenda ra tou vhidzwa nga dzina ḽavho fhedzi, ri sa ḓo shona.”

Tsalela dzi tshi dovha dza khathutshelwa

² Musi wonoyo Ḓadzwane ḽa Muṋe washu ḽi ḓo simuwa, ḽa vha lunako na vhugala ha tsalela dza Israele, vha takala vha zuwa khaṋo i no ḓo bveledzwa nga shango.

³ Muṅwe na muṅwe ane a ḓo vha o sala Tsioni, we Mudzimu a mu nanga uri a sale Jerusalema a si fe, u ḓo pfi mukhethwa.

⁴ Ndi uri Muṋe wa zwoṱhe u ḓo ṱanzwa vhuaḓa ha vhasadzi vha Tsioni na mulandu wa malofha e a shululwa henefho Jerusalema, a zwi ita nga khaṱhulo na nga mulilo.

⁵ Muṋe washu u ḓo takusa gole masiari, ḽa alama thavha yoṱhe ya Tsioni, na kha tshivhidzo tshaho, vhusiku a ḓisa vhutsi, a vha vhonetshela nga khavhu ya mulilo. Vhugala ha Mudzimu vhu ḓo alama muḓi woṱhe ha u tsireledza,

⁶ ha vha murunzi wawo masiari uri u si swe nga ḓuvha, ha vha vhushavhelo hune vha dzumbama maḓumbu na mvula.