YESAYA 12 - BIVHILI KHETHWA Mafhungo Madifha

Thendo

¹ Musi wonoyo ni ḓo ri, “Muṋe washu, ndi a u renda! Wo vha wo ntsinyutshela, hone zwino mbiti dzau dzo fhela, wo mphumudza.

² Vhukumakuma Mudzimu ndi Mutshidzi wanga; a thi tsha ḓo ofha, ndi fulufhela Ene. Yahavee Muṋe washu ndi Ene nungo dzanga, ndi imba Ene, ndi Mutshidzi wanga.

³ Ni ḓo pembela na ka maḓi zwisimani zwi ṋeaho vhutshilo.”

⁴ Musi wonoyo ni ḓo ri, “Livhuhani Muṋe washu, mu vhidzeni a ni farise, ḓivhadzani dzitshakha mishumo yawe mihulu, vha sumbedzeni vhuhulu hawe.

⁵ Imbelani Muṋe washu, o ita zwithu zwihulu; shango ḽoṱhe nga ḽi zwi ḓivhe hezwo.

⁶ Inwi vhathu vha Tsioni, ṱavhani mukosi ni fhululedze! Edzonu vhona uri Mukhethwa wa Israele a re vhukati haṋu o hula hani!”