NUMERI 26 - BIVHILI KHETHWA Mafhungo Madifha

U vhaliwa ha vhathu ha vhuvhili

¹ Musi dwadze ḽo no fhira, Muṋe washu a amba na Mushe na Eliasara ṅwana wa tshifhe Aroni a ri,

² “Vhalani vhathu zwi tshi ya nga miṱa ya vhathu vhoṱhe vha Israele, ni vhale vhanna vhoṱhe u bva kha miṅwaha ya 20 vho teaho u bva pfumo.”

^3-4 Mushe na Eliasara vha ita zwe Muṋe washu a amba, vha kuvhanganya vhanna vhoṱhe vha miṅwaha yeneyo. Vha kuvhangana magovhani a Muaba tsini ha mulambo wa Jorodani ho livhanaho na Jerikho. Vhaisraele vho pfuluwaho Egipita ngevhano:

⁵ Vha tsinde ḽa Rubeni tanzhe ḽa Jakopo ndi: mitupo ya Hanokho na Phalu

⁶ na Esromu na Kharami.

⁷ Vhanna vha mitupo heyo vho vha vhe 43 730.

⁸ Vha lutsinga lwa Phalu vho vha vhe Eliaba

⁹ na vhana vhawe Nemuele na Dathani na Abiramu: (Havho ndi Dathani na Abiramu vhaḽa vhe vha khethwa nga vhathu, vha nyadza Mushe na Aroni, vha ḓibaḓekanya na vho imaho na Kora zwiḽa vha tshi shandukela Muṋe washu,

¹⁰ mavu a vulea a vha mila, vha fa na Kora na vhane vha ima nae zwiḽa mulilo u tshi fhisa vhanna vha 250 vha fhela, vha vha tshiga tsha u kaidza vhathu.

¹¹ Hone vhana vha Kora vha si swe.)

¹² Vha tsinde ḽa Simioni ndi: mitupo ya Nemuele na Jamini na Jakhini

¹³ na Zera na Saulo.

¹⁴ Vhanna vha mitupo heyo vho vha vhe 22 200.

¹⁵ Vha tsinde ḽa Gadi ndi: mitupo ya Tsefoni na Hagai na Shuni

¹⁶ na Ozini na Eri

¹⁷ na Arodi na Areli.

¹⁸ Vhanna vha mitupo heyo vho vha vhe 40 500.

^19-21 Vha tsinde ḽa Juda ndi: mitupo ya Shela na Pheretse na Zera na Esromu na Hamuli. (Vhaṅwe vhana vhavhili vha Juda, Eri na Onani, vho fela shangoni ḽa Kanana.)

²² Vhanna vha mitupo heyo vho vha vhe 76 500.

²³ Vha tsinde ḽa Isakhara ndi: mitupo ya Thola na Phua

²⁴ na Jashubu na Shimironi.

²⁵ Vhanna vha mitupo heyo vho vha vhe 64 300.

²⁶ Vha tsinde ḽa Zebuloni ndi: mitupo ya Serede na Eloni na Jahaliele.

²⁷ Vhanna vha mitupo heyo vho vha vhe 60 500.

²⁸ Josefa o vha e na vhana vhavhili vha vhatuka, ndi Manase na Efraimi.

²⁹ Vha tsinde ḽa Manase ngevhano: Makhiri ṅwana wa Manase o vha e khotsi a Giliadi.

³⁰ Vhana vha Giliadi ndi vha mitupo ya Iezere na Heleke

³¹ na Asriele na Shikheme

³² na Shemida na Hefere.

³³ Tselofihadi ṅwana wa Hefere o vha a si na ṅwana wa mutuka, o vha e na vhananyana fhedzi, vho vha vha tshi pfi Mahala na Nua na Hogola na Milikha na Thiritsa.

³⁴ Vhanna vha mitupo heyo vho vha vhe 52 700.

³⁵ Vha tsinde ḽa Efraimi ndi: mitupo ya Shuthela na Bekhere na Thahani.

³⁶ Mutupo wa Erani ndi vha lutsinga lwa Shuthela.

³⁷ Vhanna vha mitupo heyo ndi 32 500. Havho ndi vhone vha mitupo ya lutsinga lwa Josefa.

³⁸ Vha tsinde ḽa Benyamini ndi: mitupo ya Bela na Ashibele na Ahiramu

³⁹ na Shefufamu na Hufamu.

⁴⁰ Mitupo ya Aridi na Naamani ndi vha lutsinga lwa Bela.

⁴¹ Vhanna vha mitupo heyo vho vha vhe 45 600.

⁴² Vhanna vha tsinde ḽa Dani ndi mutupo wa Shuhamu,

⁴³ vhe 64 400.

⁴⁴ Vha tsinde ḽa Ashere ndi: mitupo ya Jimina na Jishivi na Beria.

⁴⁵ Mitupo ya Hebere na Malakhiele ndi vha lutsinga lwa Beria.

⁴⁶ Ashere o vha e na ṅwananyana we a vha a tshi pfi Sera.

⁴⁷ Vhanna vha mitupo heyo vho vha vhe 53 400.

⁴⁸ Vha tsinde ḽa Nafuthali ndi: mitupo ya Jahatsiele na Guni,

⁴⁹ na Jetsere na Shileme.

⁵⁰ Vhanna vha mitupo heyo vho vha vhe 45 400.

⁵¹ Vhanna vhoṱhe vha Vhaisraele vho ṱangana vho vha vhe 601 730.

⁵² Muṋe washu a amba na Mushe a ri,

⁵³ “Vha kovhele shango ḽi vhe ḽavho zwi tshi ya nga tshivhalo tshavho.

^54-56 U kovhekanye shango nga u ita madeṅwa, tsinde ḽine ḽa vha na vhathu vhanzhi ḽi wane shango ḽihulwane, tsinde ḽine ḽa vha na vhathu vha si gathi ḽi wane shango ḽiṱuku.”

⁵⁷ Vha tsinde ḽa Livi vho vha vhe mitupo ya Gerisoni na Kehathi na Mirari.

⁵⁸ Vha lutsinga lwavho vho vha vha tshi angaredza na mitupo ya Libini na Hebroni na Mahali na Mushi na Kora. Kehathi o vha e khotsi a Amuramu,

⁵⁹ we a vha o dzea Jokhebede muḓuhulu wa Livi, we a bebwa Egipita. Jokhebede a bebela Amuramu vhatukana vhavhili, Aroni na Mushe, na khaladzi avho Miriamu.

⁶⁰ Aroni o vha e na vhana vhaṋa vha vhatuka, ndi Nadaba na Abihu na Eliasara na Ithamara.

⁶¹ Nadaba na Abihu vho fa musi vha tshi ṋekedza Muṋe washu mulilo u si mukhethwa.

⁶² Vhalivi vha tshinnani vhe vha vha vhe na ṅwedzi muthihi na u fhira afho vho vha vhe 23 000. Vhone vho ṅwalelwa thungo, a vho ngo ṱanganywa na vhaṅwe Vhaisraele, nge vha vha vha songo wana mukovhe kha ḽa Israele.

⁶³ Vha mitupo yoṱhe heyo vho ṅwalwa nga Mushe na Eliasara musi vha tshi vhala vhathu magovhani a Muaba tsini ha mulambo wa Jorodani u livhana na Jerikho.

⁶⁴ Ho vha hu si tshee na munna na muthihi we a vha a tshi kha ḓi tshila kha vhe vha ṅwalwa nga Mushe na Aroni musi vha tshi vhala vhathu lwa u thoma phangani ya Sinai.

⁶⁵ Muṋe washu o vha o amba uri vhoṱhe vha ḓo fela phangani, ha sala Khalebe ṅwana wa Jefune, na Joshua ṅwana wa Nunu fhedzi.