NEHEMIA 7 - BIVHILI KHETHWA Mafhungo Madifha

¹ Zwino mutsheṱo wo vha wo no vuswa, gethe dzo no kwewa, vhalindi vha thembele na vhaimbi na Vhalivi vho vha vho no vhewa mushumoni wavho.

² Nṋe nda vhea vhanna vhavhili uri vha lange muḓi wa Jerusalema: ndi murathu wanga Hanani, na Hanania mulangi wa mutsheṱo wa dzhavhelo. Hanania o vha a tshi fulufhedzea, a tshi ofha Mudzimu u fhira vhanna vhanzhi.

³ Nda vha vhudza nda ri vha songo vula khoro dza Jerusalema nga matsheloni, vha dzi vule ḽo no ṱavha, nahone dzi valiwe ḓuvha ḽi tshi kovhela dzi longwe khoṋo vhalindakhoro vha tshi kha ḓi vha mushumoni. Nda dovha nda vha vhudza uri vha vhee vhadzulapo vha Jerusalema vha vhe vhalindi, vhaṅwe vha linde he vha telwa hone, vhaṅwe vha linde tsini ha nnḓu dzavho.

Mutevhe wa vho vhuyaho vha tshi bva vhuthubwani

⁴ Jerusalema wo vha u muḓi muhulu, hone ho vha hu si na vhathu vhanzhi vha no dzula ngomu hawo nahone ho vha hu sa athu fhaṱwa nnḓu nnzhi.

⁵ Mudzimu a mbo ḓi zwi dzhenisa mbiluni yanga uri ndi kuvhanganye vharangaphanḓa na vhakoma na vhathu zwavho uri vhathu vha re miṱani vha ṅwaliswe. Nda wana he ha ṅwalwa vhaḽa vhe vha ranga u vhuya vhuthubwani zwi tshi ya nga lutsinga lwavho. Nda wana ho ṅwalwa hezwino:

⁶ Mathubwa manzhi vho ṱuwa Babele vha vhuelela Jerusalema na Juda, muṅwe na muṅwe a vhuelela muḓini wa hawe. Vhuthubwani vho vha vha tshi khou dzula Babele u bva tshee khosi Nebukhadnetsara a vha thubela hone.

⁷ Vharangaphanḓa vhavho vho vha vhe Zerubabele na Joshua na Nehemia na Azaria na Raamia na Nahamani na Maradokai na Bilishani na Misipherethe na Bigivai na Nehumi na Baana. Mutevhe wa mitupo ya Israele ngoyu, na mbalo ya mutupo muṅwe na muṅwe zwa vhe vha vhuya vha tshi bva vhuthubwani:

⁸ Pharoshi – 2 172

⁹ Shefatia – 372

¹⁰ Ara – 652

¹¹ Phahathi Muaba (vhaḓuhulu vha Jeshua na Juaba) – 2 818

¹² Elamu – 1 254

¹³ Zathu – 845

¹⁴ Zakhai – 760

¹⁵ Binui – 648

¹⁶ Bebai – 628

¹⁷ Asigadi – 2 322

¹⁸ Adonikamu – 667

¹⁹ Bigivai – 2 067

²⁰ Adini – 655

²¹ Atere (ḽiṅwe u pfi Hiskia) – 98

²² Hashumi – 328

²³ Betsai – 324

²⁴ Harifi – 112

²⁵ Gibioni – 95 Vhathu vhe vhomakhulukuku wavho vha vha vha tshi dzula miḓini heino i tevhelaho na vhone vho vhuya:

²⁶ Betlehema na Netofa – 188

²⁷ Anathotho – 128

²⁸ Bethe Asimavethe – 42

²⁹ Kiriathi Jiarimu na Khefira na Bierotho – 743

³⁰ Rama na Geba – 621

³¹ Mikhimashi – 122

³² Bethele na Ai – 123

³³ Muṅwe Nebo – 52

³⁴ Muṅwe Elamu – 1 254

³⁵ Harimu – 320

³⁶ Jerikho – 345

³⁷ Lodo na Hadidi na Ono – 721

³⁸ Senaa – 3 930

³⁹ Mutevhe wa mitupo ya vhotshifhe vho vhuyaho vhuthubwani ngoyu: Jedaya (vhaḓuhulu vha Jeshua) – 973

⁴⁰ Imere – 1 052

⁴¹ Phashuru – 1 247

⁴² Harimu – 1 017

⁴³ Vha mitupo ya Vhalivi vho vhuyaho vhuthubwani: Jeshua na Kadamiele (vhaḓuhulu vha Hodavia) – 74

⁴⁴ Vhaimbi (vhaḓuhulu vha Asafu) – 148

⁴⁵ Vhalindathembele (vhaḓuhulu vha Shalumu na Atere na Talamoni na Akubu na Hatita na Shobai) – 138

⁴⁶ Mitupo ya vhanna vha no shuma thembeleni: Tsiha na Hasupha na Tabaotho,

⁴⁷ Kerosi na Sia na Phadoni,

⁴⁸ Lebana na Hagaba na Shalamai,

⁴⁹ Hanani na Gidele na Gahara,

⁵⁰ Reaya na Retsini na Nekoda,

⁵¹ Gazamu na Uza na Phasea,

⁵² Besai na Vhameuni na Vhanefusi,

⁵³ Bakabuku na Hakufa na Harahuru,

⁵⁴ Batsalithi na Mehida na Harasha,

⁵⁵ Barakosi na Sisera na Thema,

⁵⁶ Netsia na Hatifa.

⁵⁷ Mitupo ya vhashumi vha Solomoni vho vhuyaho vhuthubwani: Sotai na Soferethe na Pherida,

⁵⁸ Jaala na Darakoni na Gidele,

⁵⁹ Shefatia na Hatili na Phokherethe Hatsebaimi na Amoni.

⁶⁰ Vhashumi vha thembele na vhaḓuhulu vha vhashumi vha Solomoni vho vhuyaho vha tshi bva vhuthubwani vho vha vhe 392.

^61-62 Ho vha hu na vha 642 vha mitupo ya Delaya na Tobia na Nekoda vhe vha vhuya vha tshi bva miḓini ya Thele Mela na Thele Harasha na Kherubi na Adoni na Imere, hone vho vha vha sa koni u sumbedza uri ndi vhaḓuhulu vha Vhaisraele.

^63-64 Vha mitupo ya vhotshifhe vhe vha vha vha sa koni u wana vhuṱanzi ho ṅwalwaho vhu no sumbedza vhubvo havho ngevha: ndi Hobaya na Hakotsi na Barasilai. (Makhulukuku wa mutupo wa vhotshifhe wa Barasilai o vha o vhinga musadzi a no bva kha mutupo wa Barasilai wa Giliadi, a vhidzwa nga dzina ḽa mutupo wa khotsi a musadzi wawe.) Vhunga vho vha vha sa koni u sumbedza uri vhomakhulukuku wavho ndi vhonnyi, a vho ngo tendelwa uri vha vhe vhotshifhe.

⁶⁵ Muvhusi wa Majuda o vha vhudza uri vha nga si kone u ḽa zwiḽiwa zwo ṋekedzwaho Mudzimu hu sa athu vha na tshifhe ane a vhonisa nga madeṅwa makhethwa.

^66-68 Mathubwa oṱhe o vhuyaho ndi 42 360. Vhashumi vhavho vha vhanna na vha vhasadzi ndi 7 337. Vhaimbi vha vhanna na vha vhasadzi ndi 245. Gamela ndi 435. Donngi ndi 6 720.

^69-72 Vhathu vhanzhi vho bvisa zwine vha vha nazwo hu tshi vuswa thembele: Muvhusi o bvisa: khilogiramu dza 8 dza musuku, ndilo dza 50, phuraphura dza vhotshifhe dza 530. Ṱhoho dza mitupo vha bvisa: khilogiramu dza 168 dza musuku, khilogiramu dza 1 250 dza siliva. Vhathu vhaṅwe vha bvisa: khilogiramu dza 168 dza musuku, khilogiramu dza 140 dza siliva, phuraphura dza vhotshifhe dza 67.

⁷³ Vhotshifhe na Vhalivi na vhalindi vha thembele na vhaimbi na vhunzhi ha vhathu zwavho na vhanna vha shumaho thembeleni, vhathu vhoṱhe vha Israele, vha dzula na miḓini na miḓanani ya Juda.