NEHEMIA 12 - BIVHILI KHETHWA Mafhungo Madifha

Mutevhe wa vhotshifhe na Vhalivi

¹ Mutevhe wa vhotshifhe na Vhalivi vho vhuyaho vha tshi bva vhuthubwani vhe na Zerubabele ṅwana wa Salathiele na tshifhe muhulu Joshua ndi: Vhotshifhe: Seraya na Jeremia na Esra

² na Amaria na Malukhu na Hatushi

³ na Shekhania na Rehumi na Miremotho

⁴ na Ido na Ginethoi na Abia

⁵ na Miyamini na Maadia na Biliga

⁶ na Shemaya na Joyaribi na Jedaya

⁷ na Salu na Amoko na Hilikia na Jedaya. Havho vhanna vho vha vhe vhone vharangaphanḓa vha vhotshifhe, na vhashumisani navho misi ya Joshua.

⁸ Vhalivi: Vhe vha vha vha tshi sima nyimbo dza ndivhuho ndi: Jeshua na Binui na Kadamiele na Sherebia na Juda na Mathania.

⁹ Vhe vha vhumba tshigwada tsha vhaimbi vhane vha imba dzimvumiso: Bakabuku na Uni na Vhalivi vha havho.

Vha lutsinga lwa tshifhe muhulu Joshua

¹⁰ Joshua o vha khotsi a Joyakimu, Joyakimu a vha khotsi a Eliashibi, Eliashibi a vha khotsi a Joyada,

¹¹ Joyada a vha khotsi a Jonathani, Jonathani a vha khotsi a Jadua.

Ṱhoho dza mitupo ya vhotshifhe

¹² Musi Joyakimu e tshifhe muhulu, vhotshifhe vhe vha vha vhe ṱhoho dza mitupo ya vhotshifhe ndi: Mutupo Tshifhe Seraya Meraya Jeremia Hanania

Mutupo Tshifhe

¹³ Esra Mishulamu Amaria Jehohanani

¹⁴ Malukhi Jonathani Shebania Josefa

¹⁵ Harimu Adina Miremotho Helekai

¹⁶ Ido Zakaria Ginethoni Mishulamu

¹⁷ Abia Zikhiri Miniamini na Muadia Philatai

¹⁸ Biliga Shamua Shemaya Jehonathani

¹⁹ Joyaribi Mathenai Jedaya Uzi

²⁰ Salu Kalai Amoko Ebere

²¹ Hilikia Hashabia Jedaya Nathaniele

Vhuṱanzi ho ṅwalwaho ha miṱa ya vhotshifhe na Vhalivi

²² Misi ya vhotshifhe vhahulu Eliashibi na Joyada na Jonathani na Jadua ho ṅwalwa mutevhe wa ṱhoho dza miṱa ya Vhalivi, misi ya Dariosi khosi ya Pheresia ha ṅwalwa mutevhe wa ṱhoho dza miṱa ya vhotshifhe.

²³ Hone ṱhoho dza miṱa ya Vhalivi dzo vha dzo ṅwalwa kha maṅwalo a muvhuso u swika fhedzi nga tshifhinga tsha Jonathani muḓuhulu wa Eliashibi.

U kovhelwa mishumo thembeleni

²⁴ Vhalivi vho vha vho vhekanywa nga zwigwada vha tshi langiwa nga Hashabia na Sherebia na Jeshua na Binui na Kadamiele. Ho vha hu na zwigwada zwivhili zwe zwa renda Mudzimu nga tshifhinga tshithihi zwi tshi bvumelana, vha tshi mu livhuha, vha tshi tevhedza ndayo i no bva ha khosi Dafita muḓinḓa wa Mudzimu.

²⁵ Vhe vha bvumelana na avho ndi Mathania na Bakabukia na Obadia. Vhalindi vha thembele vhe vha vha vha tshi linda nnḓu dza u vhulungela thundu dzi re tsini ha khoro dza thembele ndi: Mishulamu na Talamoni na Akubu.

²⁶ Vhathu avho ndi vha misi ya Joyakimu, ṅwana wa Joshua, ṅwana wa Jotsadaka, na ya muvhusi Nehemia, na ya tshifhe Esra muḓivhi wa Mulayo.

Nehemia a tshi kumedza Mudzimu mutsheṱo wa muḓi

²⁷ Musi mutsheṱo wa muḓi wa Jerusalema u tshi kumedzwa Mudzimu, Vhalivi vha rambiwa vha tshi bva mahayani avho, uri na vhone vha vhe hone vhuṱamboni honoho vha imbe nyimbo dza u livhuha vha lidze mirumba na haripa na mbila.

²⁸ Ha kuvhangana vhaimbi vha Vhalivi vha tshi bva mahayani avho u mona na Jerusalema na miḓanani u mona na Netofa,

²⁹ na Bethe Giligala na Geba na Asimavethe.

³⁰ Vhotshifhe na Vhalivi vha ḓikumulula vha kumulula na lushaka na dzikhoro na mutsheṱo wa muḓi.

³¹ Nṋe nda kuvhanganya vharangaphanḓa vha Juda nṱha ha mutsheṱo, nda ri vha lange zwigwada zwivhili zwihulu uri zwi mone na muḓi, zwi tshi khou livhuha Mudzimu. Tshigwada tsha u ranga tsha livha thungo ya tshauḽa nṱha ha mutsheṱo u ela Khoroni ya Vhutoko.

³² Murahu ha vhaimbi ha tshimbila Hoshaya, a tevhelwa nga hafu ya vharangaphanḓa vha Juda.

³³ Vhotshifhe vhe vha vha vha tshi khou tevhela vhenevho vha tshi khou lidza dziphalaphala ndi Azaria na Esra na Mishulamu

³⁴ na Juda na Benyamini na Shemaya na Jeremia.

³⁵ Ha tevhela Zakaria, ṅwana wa Jonathani, ṅwana wa Shemaya. (Vhomakhulukuku wawe vho vha vha tshi angaredza na Mathania na Mikaya na Zakhuru, wa mutupo wa Asafu.)

³⁶ Ene a tevhelwa nga vhaṅwe vha mutupo wa hawe, ndi Shemaya na Azariele na Milalai na Gilalai na Maai na Nathaniele na Juda na Hanani, vhoṱhe vhó fara zwilidzo zwi no fana na zwe zwa vha zwi tshi lidzwa nga khosi Dafita muḓinḓa wa Mudzimu. Esra muḓivhi wa Mulayo, ene a ranga vhathu avho phanḓa vha rwa muduba vha tshimbila.

³⁷ Vha tshi swika Khoroni ya Tshisima vha gonya zwiṱepisi zwi no livha Muḓini wa Dafita zwi tshi fhira pfamo ya Dafita zwa humela mutsheṱoni Khoroni ya Maḓi, thungo ya vhubvaḓuvha ha muḓi.

³⁸ Tshiṅwe tshigwada tsha vharendi tsha livha thungo ya tshamonde tsha tshimbila nṱha ha mutsheṱo, nṋe nda tevhela ndi na hafu ya vhathu. Ra tshimbila ra fhira Thawara ya Dziṋanḓo ra livha Mutsheṱoni Mudenya,

³⁹ u bva henefho ra tshimbila ra fhira Khoro ya Efraimi na Khoro ya Jeshana na Khoro ya Khovhe na Thawara ya Hananele na Thawara ya Vhaḓana ra livha Khoroni ya Nngu. Lwendo lwashu lwa guma tsini ha khoro ya thembele.

⁴⁰ Vhuvhili ha zwigwada zwe zwa vha zwi tshi khou renda Mudzimu zwa swika thembeleni. Kha avho vharangaphanḓa vhe vha vha vhe na nṋe,

⁴¹ tshigwada tshanga tsho vha tshi na vhotshifhe vhe vha vha vha tshi khou lidza dziphalaphala. Ndi Eliakimu na Maaseya na Miniamini na Mikaya na Elihwenai na Zakaria na Hanania;

⁴² vhone vha tevhelwa nga Maaseya na Shemaya na Eliasara na Uzi na Johanani na Malikhiya na Elamu na Ezere. Vhaimbi vha rangwa phanḓa nga Jeserahia, vha tou imbela nṱha.

⁴³ Musi wonoyo ho ṋekedzwa zwiṱhavhelo zwinzhi, vhathu vhó takala zwihulu nge Mudzimu a vha takadza. Vhasadzi na vhana na vhone vho vha vhe hone afho vhuṱamboni, mukosi we vha u ṱavha wa pfala kule-kule.

U ḓisa zwa nduvho thembeleni

⁴⁴ Tshifhinga tshenetsho ha vhewa vhanna uri vha linde nnḓu dza mbulungelo, he ha vha hu tshi vhewa zwo bviselwaho thembele, khathihi na tshafumi na mavhele a u ranga na mitshelo ine ya vhibva ṅwaha nga ṅwaha. Havho vhanna vho vha vha tshi kuvhanganya zwo liṅwaho tsini ha miḓi yo fhambanaho zwi bviselwaho vhotshifhe na Vhalivi zwo ṅwalwaho Mulayoni. Vhathu vhoṱhe vha Juda vho vha vha tshi takalela vhotshifhe na Vhalivi,

⁴⁵ nge vha vha vha tshi tevhedza maitele a u kumulula vhathu na maṅwe maitele e Mudzimu a laya. Vhaimbi vha thembeleni na vhalindathembele na vhone vha shuma vha tshi tevhedza ndayo dzo vhewaho nga khosi Dafita na ṅwana wawe Solomoni.

⁴⁶ U bva misi ya khosi Dafita na muimbi Asafu kale-kale, vhaimbi vho vha vha tshi ḓi imba nyimbo dza u livhuha Mudzimu.

⁴⁷ Misi ya Zerubabele na misi ya Nehemia vhathu vhoṱhe vha Israele vho vha vha tshi bvisa dzimpho misi yoṱhe dza u tikedza vhaimbi vha thembeleni na vhalindathembele. Vhathu vho vha vha tshi ṋea Vhalivi nduvho khethwa, Vhalivi vhone vha tshi ḓi ṋea na vhotshifhe mukovhe wavho.