MUFUNZI 11 - BIVHILI KHETHWA Mafhungo Madifha

Zwa matshelo a zwi ḓihwi

¹ Posa vhuswa hau nṱha ha maḓi, ho no fhela maḓuvha manzhi u ḓo dovha wa vhu wana.

² Vhulunga tshelede yau fhethu huṱanunahuvhili kana huṱanunahuraru; khombo ine ya nga wela shango a u i ḓivhi.

³ Arali makole o fura mvula, a i shululela shangoni; arali muri wa wela tshipembe kana devhula, u lala henefho he wa wela hone.

⁴ Wa lindela muya u nga si zwale; wa ṱwa wo ṱalela makole u nga si kaṋe.

⁵ A u ṱalukanyi kuvhudzulele kwa muya; a u ḓivhi uri ṅwana u vhumbwa hani muvhilini wa mme awe; sa zwenezwo u nga si kone u ṱalukanya mishumo ya Mudzimu, Ene Musiki wa zwoṱhe.

⁶ Zwala mbeu nga matsheloni, u dovhe nga madekwana; a u ḓivhi i no ḓo mela, ino kana iḽa, kana arali dzoṱhe dzi tshi ḓo mela zwavhuḓi.

Ḓiphiṋe nga vhutshilo u tshee nga hau!

⁷ U kona u vhona tshedza zwi a takadza; maṱo a takadzwa nga ḓuvha.

⁸ Arali muthu a tshi tshila miṅwaha minzhi, kha a i takalele yoṱhe, hone a songo hangwa uri u ḓo fa a fhedza tshifhinga tshilapfu e swiswini; zwoṱhe zwa matshelo ndi mahandana fhedzi.

⁹ Inwi vhane na kha ḓi vha nga haṋu, diphiṋeni ni tshi kha ḓi vha vhaṱuku; takalani nga u vha vhaswa; itani zwine na tama u ita; itani zwine mbilu yaṋu ya funa; hone ni songo hangwa uri Mudzimu u ḓo ni haṱula a tshi tevhedza zwoṱhe zwine na ita.

¹⁰ Ni songo dinwa nga tshithu kana tsha ni pfisa vhuṱungu; hana na vhuṱuku a zwi yi thambo.