LIVITIKO 15 - BIVHILI KHETHWA Mafhungo Madifha

Dzitshika dzi bvaho muvhilini

¹ Muṋe washu o ṋea Mushe na Aroni ndayo hedzino

² dza Vhaisraele: Arali munna e na phophela, uho vhulwa a ho ngo kuna.

³ Na ene muṋe o kumala, kana vhu nga tou ela ha ima, kana vhu sa imi.

⁴ Na mmbete une a lala khawo kana tshidulo tshine a dzula khatsho tsho kumala.

⁵ Ane a kwama mmbete wa uyo muthu

⁶ kana a dzula kha tshe uyo munna a dzula khatsho o fanela u kuvha zwiambaro zwawe, a ṱamba muvhili nahone u ḓo vha o kumala ḽa vhuya ḽa kovhela.

⁷ Muthu ane a kwama uyo munna a no rothisa vhulwa o fanela u kuvha zwiambaro zwawe a ṱambe muvhili, nahone u ḓo vha o kumala ḽa vhuya ḽa kovhela.

⁸ Arali uyo munna a no khou rothisa vhulwa a pfela muthu o kunaho mare, uyo muthu o fanela u kuvha zwiambaro zwawe, a ṱambe muvhili, nahone u ḓo vha o kumala ḽa vhuya ḽa kovhela.

⁹ Sala ine muthu a no rothisa vhulwa a dzula khayo yo kumala.

¹⁰ Muthu ane a kwama tshithu tshe uyo munna a vha o dzula khatsho u ḓo vha o kumala ḽa vhuya ḽa kovhela. Muthu ane a hwala tshithu tshe uyo munna a vha o dzula khatsho nga a ṱanzwe zwiambaro zwawe a ṱambe muvhili, nahone u ḓo vha o kumala ḽa vhuya ḽa kovhela.

¹¹ Arali munna ane a khou rothisa vhulwa a kwama muṅwe muthu a sa athu ṱamba zwanḓa zwawe, uyo muthu nga a ṱanzwe zwiambaro zwawe, a ṱambe muvhili nahone u ḓo vha o kumala ḽa vhuya ḽa kovhela.

¹² Khali iṅwe na iṅwe ine uyo munna a i kwama yo fanela u pwashiwa, mudzio muṅwe na muṅwe wa thanda une a u kwama wo fanela u ṱanzwiwa.

¹³ Arali uyo munna o no fhodzwa iyo phophela, nga a range a fhedze maḓuvha maṱanu na ḽithihi a konou kuvha zwiambaro zwawe, a ṱambe muvhili nga maḓi a tshisima, ndi hone a tshi ḓo vha o kumuluwa.

¹⁴ Nga ḓuvha ḽa vhuṱanu na vhuraru nga a dzhie maivha mavhili a ye nao ha Muṋe washu muṋangoni wa dennde ya u ṱangana na Mudzimu a a ṋee tshifhe.

¹⁵ Tshifhe u ḓo dzhia ḽiṅwe a ḽi ṋekedza ya vha nduvho ya tshipfumelo, ḽiṅwe ḽa vha nduvho i fhiswaho. Ngauralo u ḓo vha o pfumelela uyo munna ha Muṋe washu nge a lwala vhulwadze ha phophela.

¹⁶ Arali munna o rothisa vhunna, o fanela u ṱamba muvhili wawe woṱhe nahone u ḓo vha o kumala ḽa vhuya ḽa kovhela.

¹⁷ Tshithu tsho itwaho nga sila kana mukumba tshe vhunna ha rothela khatsho tsho fanela u ṱanzwiwa nahone tshi ḓo vha tsho kumala ḽa vhuya ḽa kovhela.

¹⁸ Munna na musadzi vha tshi fhedza u dzhenisana nḓuni vhoṱhe vhuvhili havho vho fanela u ṱamba muvhili nahone vha ḓo vha vho kumala ḽa vhuya ḽa kovhela.

¹⁹ Arali musadzi a tshi khou vhona ṅwedzi u dzula o kumala maḓuvha maṱanu na mavhili. Ane a mu kwama o kumala ḽa vhuya ḽa kovhela.

²⁰ Tshithu tshine a dzula khatsho kana a lala khatsho musi a tshi khou vhona ṅwedzi tsho kumala.

²¹ Muthu ane a kwama mmbete wawe o fanela u kuvha zwiambaro zwawe, a ṱambe muvhili nahone u ḓo vha o kumala ḽa vhuya ḽa kovhela.

²² Muthu ane a kwama tshe uyo musadzi a dzula khatsho o fanela u kuvha zwiambaro zwawe, a ṱambe muvhili nahone u ḓo vha o kumala ḽa vhuya ḽa kovhela.

²³ Arali muthu a kwama mmbete kana tshithu tshe a vha o dzula khatsho, u ḓo vha o kumala ḽa vhuya ḽa kovhela.

²⁴ Arali munna a dzhenisa uyo musadzi nḓuni a tshi khou vhona ṅwedzi, o shatwa tshika dza uyo musadzi nahone u ḓo vha o kumala maḓuvha maṱanu na mavhili, nahone mmbete une uyo munna a lala khawo u ḓo vha wo kumala.

²⁵ Arali musadzi a tshi bvuḓa malofha a fhedza maḓuvha manzhi tshi si tshifhinga tshawe tsha u vhona ṅwedzi, kana a bvuḓa malofha a fhirisa tshifhinga tshawe, u dzula e na dzitshika tshifhinga tshenetsho tsha musi a tshi khou bvuḓa malofha, u ḓi nga tshifhinga tshawe tsha musi a tshi khou vhona ṅwedzi.

²⁶ Mmbete une uyo musadzi a lala khawo na zwoṱhe zwine a dzula khazwo nga tshifhinga tshenetsho zwo kumala u ḓi nga musi a tshi vhona ṅwedzi.

²⁷ Muthu ane a kwama izwo zwithu o kumala nahone o fanela u kuvha zwiambaro zwawe, a ṱamba muvhili; uyo muthu u ḓo ḓi vha o kumala ḽa vhuya ḽa kovhela.

²⁸ Musi malofha a uyo musadzi o no ima u bvuḓa, o fanela u fhedza maḓuvha maṱanu na mavhili, ndi hone a tshi ḓo vha o ṱamba dzitshika.

²⁹ Nga ḓuvha ḽa vhuṱanu na vhuraru uyo musadzi o fanela u dzhia maivha mavhili a ise ha tshifhe muṋangoni wa dennde ya u ṱangana na Mudzimu.

³⁰ Tshifhe u ḓo ṋekedza ḽiṅwe ḽa vha nduvho ya tshipfumelo, ḽiṅwe ḽa vha nduvho i fhiswaho, ngauralo u ḓo vha o mu pfumelela ha Muṋe washu nge a vha o kumala nga u bvuḓa malofha.

³¹ Muṋe washu o vhudza Mushe uri a kaidze Vhaisraele vha vhe kule na zwithu zwine zwa nga vha kumadza, vha sa ḓo kumadza dennde ya u ṱangana na Mudzimu ye ya vha i vhukati ha mishasha. Arali vha i kumadza vha ḓo fa.

³² Hedzo ndi dzone ndayo dzine dza amba nga munna ane a rothisa vhulwa kana a tevhula vhunna,

³³ na musadzi musi a tshi khou vhona ṅwedzi kana munna ane a dzhenisa musadzi nḓuni musi uyo musadzi o kumala.