JOSHUA 19 - BIVHILI KHETHWA Mafhungo Madifha

Simioni

¹ Mukovhe wa vhuvhili wo kovhelwa tsinde ḽa Simioni zwi tshi tevhedza miṱa yavho. Shango ḽavho ḽo tangelwa ngomu nga shango ḽo kovhelwaho tsinde ḽa Juda.

² Ho angaredza Bierisheba na Sheba na Mulada

³ na Hatsara Shuala na Bala na Etsemu

⁴ na Elitholadi na Bethuli na Horoma

⁵ na Tsikilaga na Bethe Marikhabotho na Hatsara Susa

⁶ na Bethe Lebaothi na Sharuheni. Ndi miḓi ya 13, khathihi na ḓorobo dzo i tangaho.

⁷ Ha dovha ha vha na Aini na Rimoni na Ethere na Ashani. Ndi miḓi miṋa, khathihi na ḓorobo dzo i tangaho.

⁸ Ha angaredza na ḓorobo dzoṱhe dzo tangaho iyo miḓi u vhuya u swika Baalathi Bieri (ndi Rama) thungo ya tshipembe. Ndi ḽone shango ḽe ḽa kovhelwa tsinde ḽa Simioni uri ḽi vhe ḽavho, zwi tshi tevhedza miṱa yavho.

⁹ Vhunga mukovhe wa Juda wo vha u muhulwane u tshi mu fhira, tshiṅwe tshipiḓa tsha shango ḽavho tsho ṋewa tsinde ḽa Simioni.

Zebuloni

¹⁰ Mukovhe wa vhuraru wo kovhelwa tsinde ḽa Zebuloni zwi tshi tevhedza miṱa yavho. Shango ḽe vha kovhelwa ḽo guma Saridi.

¹¹ U bva henefho masakha o livha vhukovhela a tshi ya Mareala, a kwama Dabeshethe na kudambo ku re vhubvaḓuvha ha Jokoniamu.

¹² Siani ḽiṅwe ḽa Saridi a livha vhubvaḓuvha a tshi ya masakhani a Khisilotho Thaboro, a konou livha Daberatha, a gonya Jafia.

¹³ A fhirela phanḓa a tshi ya vhubvaḓuvha. U bva henefho a livha Gathi Hefere na Ethekatsini, a fhirela Rimoni a konou livha thungo ya Nea.

¹⁴ Thungo ya devhula masakha o livha Hanathoni a guma Govhani ḽa Ifithahele.

¹⁵ A angaredza Kathatha na Nahalala na Shimironi na Idala na Betlehema. Ndi miḓi ya 12, khathihi na ḓorobo dzo i tangaho.

¹⁶ Miḓi heyo na ḓorobo dzayo yo vha shangoni ḽe ḽa kovhelwa tsinde ḽa Zebuloni uri ḽi vhe ḽavho, zwi tshi tevhedza miṱa yavho.

Isakhara

¹⁷ Mukovhe wa vhuṋa wo kovhelwa tsinde ḽa Isakhara, zwi tshi tevhedza miṱa yavho.

¹⁸ Shango ḽavho ḽo angaredza Jesriele na Khesulotho na Shuneme

¹⁹ na Hafaraimi na Shioni na Anaharathi

²⁰ na Rabithi na Kishioni na Ebetse

²¹ na Remethe na Eni Ganimu na Eni Hada na Bethe Phatsetse.

²² Ayo masakha a kwama na Thaboro na Shahatsuma na Bethe Shemeshe a guma Jorodani. O angaredza miḓi ya 16, khathihi na ḓorobo dzo i tangaho.

²³ Miḓi heyo na ḓorobo dzayo yo vha i shangoni ḽo kovhelwaho Isakhara uri ḽi vhe ḽavho.

Ashere

²⁴ Mukovhe wa vhuṱanu wo kovhelwa tsinde ḽa Ashere zwi tshi tevhedza miṱa yavho.

²⁵ Shango ḽavho ḽo angaredza Helikathi na Hali na Betheni na Akhashafu

²⁶ na Alamu Melekhe na Amadi na Mishala. Thungo ya vhukovhela ha kwama Kharamele na Shihoro Libinathi,

²⁷ ha livha vhubvaḓuvha. Masakha a livha Bethe Dagoni a kwama Zebuloni na Govha ḽa Ifithahele thungo ya devhula, nḓilani ya u ya Bethe Emeke na Neiele. A fhirela devhula a livha Khabulu,

²⁸ na Abudoni na Rehobo na Hamoni na Kana, u vhuya u swika shangoni ḽa Sidoni.

²⁹ Masakha zwino a livha Rama, a swika muḓini wa Tiro wo tangwaho nga mitsheṱo, wa konou livha Hosa wa guma Lwanzheni lwa Phandamashango. Wa angaredza Mahalaba na Akhazibi

³⁰ na Uma na Afeke na Rehobo. Ndi miḓi ya 22 na ḓorobo dzo i tangaho.

³¹ Miḓi heyo na ḓorobo dzayo yo vha i shangoni ḽo kovhelwaho tsinde ḽa Ashere uri ḽi vhe ḽavho, zwi tshi tevhedza miṱa yavho.

Nafuthali

³² Mukovhe wa vhuṱanu na vhuthihi wo ṋewa tsinde ḽa Nafuthali zwi tshi tevhedza miṱa yavho.

³³ Masakha awo o thoma Helefu a livha murini muhulu wa Tsaananimu, a fhirela Adami Nekebe, a livha Jabuniele, a vhuya a swika Lakumu, a guma nga Jorodani.

³⁴ Henefho masakha a livha vhukovhela a tshi ya Asinotho Thaboro, u bva henefho a livha Hukoko, a kwama Zebuloni thungo ya tshipembe, na Ashere thungo ya vhukovhela, na Jorodani thungo ya vhubvaḓuvha.

³⁵ Miḓi yo tangwaho nga mitsheṱo yo vha i Tsidimu na Tsere na Hamathi na Rakathi na Khinirethe

³⁶ na Adama na Rama na Hatsoro

³⁷ na Kedeshe na Edrei na Eni Hatsoro

³⁸ na Ironi na Migidalele na Horeme na Bethe Anatha na Bethe Shemeshe. Ndi miḓi ya 19 khathihi na ḓorobo dzo i tangaho.

³⁹ Miḓi heyo na ḓorobo dzayo yo vha i shangoni ḽo kovhelwaho tsinde ḽa Nafuthali uri ḽi vhe ḽavho, zwi tshi tevhedza miṱa yavho.

Dani

⁴⁰ Mukovhe wa vhuṱanu na vhuvhili wo kovhelwa tsinde ḽa Dani zwi tshi tevhedza miṱa yavho.

⁴¹ Shango ḽavho ḽo angaredza Tsora na Eshthaolo na Iri Shemeshe

⁴² na Shaalabimu na Ayaloni na Ithila

⁴³ na Eloni na Thimina na Ekroni

⁴⁴ na Elitheke na Gibithoni na Baalathi

⁴⁵ na Jehudu na Bene Beraka na Gathi Rimoni

⁴⁶ na Meyarikoni na Rakoni, khathihi na shango ḽo tangaho Jopa.

⁴⁷ Musi vhathu vha Dani vha tshi dzhielwa shango ḽavho, vho ṱuwa vha ya Laishi vha u dia. Vho u thuba vha vhulaha vhathu vhawo, vha u dzhia wa vha wavho. Vha dzula henefho, vha ri muḓi uyo a u tsha pfi Laishi u vho pfi Dani, vha tshi u rinela makhulukuku wavho Dani.

⁴⁸ Miḓi heyo na ḓorobo dzayo yo vha i shangoni ḽe ḽa kovhelwa tsinde ḽa Dani uri ḽi vhe ḽavho, zwi tshi tevhedza miṱa yavho.

Mukovhe wa u fhedzisela wa shango

⁴⁹ Musi Vhaisraele vho fhedza u kovhekana shango, vha kovhela Joshua ṅwana wa Nunu tshipiḓa tsha shango uri hu vhe hawe.

⁵⁰ Vho mu ṋea muḓi we a u humbela, nga he Muṋe washu a vha o vha laya. Ndi Thiminathi Sera, mivhunduni ya Efraimi. O vusa uyo muḓi a dzula henefho.

⁵¹ Tshifhe Eliasara na Joshua ṅwana wa Nunu na vharangaphanḓa vha miṱa ya matsinde a Israele vho kovhekanya zwipiḓa hezwo zwa shango nga u ita madeṅwa uri vha vhudzise Muṋe washu vhe Shilo, muṋangoni wa dennde ya u ṱangana na Muṋe washu. Ngauralo vha vha vho fhedza u kovhekana shango.