JOSHUA 15 - BIVHILI KHETHWA Mafhungo Madifha

Juda

¹ Tsinde ḽa Juda ḽo wana hoyu mukovhe wa shango zwi tshi ya nga miṱa yavho: Shango ḽo swika tshipembe u ya tshipembepembe ha phanga ya Tsini, masakhani a Edomo.

² Masakha ayo a tshipembe o vha a tshi thoma magumoni a tshipembe a Lwanzhe lwa Muṋo,

³ a livha tshipembe u bva Pharani ya Phephenu u swika Tsini. A ḓa nga tshipembe ha Kadeshe Barania, a fhira nga Hetsironi, a vhuya a swika Adara, a livha Karaka,

⁴ a ya Atsimoni, a tsa na kudambo ku re masakhani a Egipita, a ya Lwanzheni lwa Phandamashango. Masakha a guma henefho. Hayo o vha one masakha a Juda sia ḽa tshipembe.

⁵ Masakha a vhubvaḓuvha o vha Lwanzhe lwa Muṋo, u vhuya u swika mulongani hune Jorodani wa ela u tshi dzhena khalwo. Masakha a devhula o thoma henefho,

⁶ a guma Bethe Hogola, a ya devhula ha Bethe Araba. A livha nṱha Tomboni ḽa Bohani (Bohani o vha e ṅwana wa Rubeni),

⁷ a bva Govhani ḽa Khombo u swika Debiri, a konou livha devhula a tshi ya Giligala, ho livhanaho na Phara ya Adumimu sia ḽa tshipembe ḽa govha. Zwino a livha zwisimani zwa Eni Shemeshe, a bva a livha Eni Rogele,

⁸ a livha nṱha a buḓekanya Govha ḽa Hinomu sia ḽa tshipembe ha mivhundu he ha vha ho no fhaṱiwa muḓi wa Jerusalema wa Vhajebusi. Masakha ayo a fhirela muṱumbani wa muvhundu vhukovhela ha Govha ḽa Hinomu, magumoni a devhula ha Govha ḽa Vharefai.

⁹ U bva henefho a livha Zwisimani zwa Nefetua u ya miḓini ya tsini ha thavha ya Efroni. Henefho a livha Baala (ndi Kiriathi Jiarimu),

¹⁰ a mona vhukovhela ha Baala a livha shangoni ḽa mivhundu ḽa Seiri, a livha sia ḽa devhula ha thavha ya Jiarimu (ndi Khesaloni), a tsela fhasi Bethe Shemeshe, a fhira nga Thimina.

¹¹ Masakha zwino a livha muvhundu devhula ha Ekroni, a livha Shikironi, a fhira nga thavhani ya Baala, a livha Jabuniele, a guma Lwanzheni lwa Phandamashango,

¹² lwone lwa ita masakha sia ḽa vhukovhela. Ngomu masakhani eneo ho vha hu tshi dzula vhathu vha miṱa ya Juda.

Khalebe a tshi kunda Hebroni na Debiri

¹³ Tshiṅwe tshipiḓa tsha shango ḽa Juda tsho ṋewa Khalebe ṅwana wa Jefune, wa tsinde ḽa Juda, nga he Muṋe washu a laya Joshua. O ṋewa Hebroni, muḓi wa Araba khotsi a Anaka.

¹⁴ Khalebe o thatha vhaḓuhulu vha Anaka vha ṱuwa afho muḓini – vhone vha mutupo wa Sheshai na Ahimani na Thalamai.

¹⁵ U ṱuwa henefho a yo dia vhathu vha no dzula Debiri. (Muḓi hoyo kale wo vha u tshi pfi Kiriathi Sefere.)

¹⁶ Khalebe a ri, “Munna ane a nga kona u thuba Kiriathi Sefere ndi ḓo mu fha ṅwananyana wanga Akhasa a mu dzea.”

¹⁷ Othoniele, ṅwana wa Kenasi, ane a vha ṅwana wa khotsi a Khalebe, a thuba uyo muḓi, Khalebe a mu ṋea ṅwananyana wawe Akhasa a mu dzea.

¹⁸ Musi wa mbingano Othoniele a ṱuṱuwedza Akhasa uri a humbele khotsi awe tsimu. Akhasa a tsa kha donngi yawe, Khalebe a mu vhudzisa tshine a tshi ṱoḓa.

¹⁹ Ene a fhindula a ri, “Ndi ṱoḓa zwiko zwa maḓi. Shango ḽe vha nṋea ndi fhethu ho omelelaho.” Ndi hone Khalebe a tshi mu fha zwisima zwi re dzithavhani na zwi re govhani.

Miḓi ya Juda

²⁰ Ngeḽi shango ḽe tsinde ḽa Juda ḽa ṋewa ḽa vha ḽavho zwi tshi tevhedza miṱa yavho.

²¹ Miḓi ya tshipembepembe ya tsini na masakha a Edomo ye ya vha yavho, ndi Kabutsiele na Edere na Jaguru

²² na Kina na Dimona na Adada

²³ na Kedeshe na Hatsoro na Ithinani

²⁴ na Zifi na Telemu na Bialothi

²⁵ na Hatsoro na Hadata na Keriotho Esromu (ndi Hatsoro)

²⁶ na Amamu na Shema na Mulada

²⁷ na Hatsara Gada na Heshemoni na Bethe Phelethe

²⁸ na Hatsara Shuala na Bierisheba na Biziothia

²⁹ na Baala na Iimu na Etsemu

³⁰ na Elitholadi na Khisili na Horoma

³¹ na Tsikilaga na Madamana na Sanisana

³² na Lebaotho na Shilihimu na Aini na Rimoni. Yoṱhe yo ṱangana ndi miḓi ya 29, khathihi na ḓorobo dzo i tangaho.

³³ Miḓi i re midavhini i re tsini ha lwanzhe yo vha Eshthaolo na Tsora na Ashina

³⁴ na Zanua na Eni Ganimu na Thaphua na Enamu

³⁵ na Jaramuthu na Adulamu na Sokho na Azeka

³⁶ na Shaaraimi na Adithaimi na Gedera na Gederothaimi. Ndi miḓi ya 14 khathihi na ḓorobo dzo i tangaho.

³⁷ Miṅwe yo vha Tsenani na Hadasha na Migidala Gada

³⁸ na Diliani na Mitsipha na Jokothiele

³⁹ na Lakhishi na Botsikati na Egiloni

⁴⁰ na Khaboni na Lahamamu na Khithilishi

⁴¹ na Gederotho na Bethe Dagoni na Naama na Makeda. Ndi miḓi ya 16 khathihi na ḓorobo dzo i tangaho.

⁴² Ha dovha ha vha na Libina na Ethere na Ashani

⁴³ na Ifitha na Ashina na Netsibi

⁴⁴ na Keila na Akhazibi na Maresha. Ndi miḓi miṱanu na miṋa, khathihi na ḓorobo dzo i tangaho.

⁴⁵ Ho vha na Ekroni na ḓorobo dzawo

⁴⁶ na ḓorobo dzoṱhe u bva Ekroni u ya Lwanzheni lwa Phandamashango.

⁴⁷ Ha vha na Ashidodo na Gaza, na ḓorobo dzayo na miḓana yayo, u swika kudamboni masakhani a Egipita na khunzikhunzini dza Lwanzhe lwa Phandamashango.

⁴⁸ Mivhunduni ho vha hu na Shamiri na Jathiri na Sokho

⁴⁹ na Dana na Kiriathi Sefere (ndi Debiri)

⁵⁰ na Anaba na Eshthemua na Animu

⁵¹ na Gosheni na Holoni na Gilo. Ndi miḓi ya 11, khathihi na ḓorobo dzo i tangaho.

⁵² Ho vha na Arabu na Duma na Eshani

⁵³ na Janimu na Bethe Thaphua na Afeka

⁵⁴ na Humuta na Kiriathi Araba (ndi Hebroni) na Tsioro. Ndi miḓi miṱanu na miṋa, khathihi na ḓorobo dzo i tangaho.

⁵⁵ Ha vha na Maoni na Kharamele na Zifi na Jutha

⁵⁶ na Jesriele na Jokodiamu na Zanua

⁵⁷ na Kaini na Gibia na Thimina. Ndi miḓi ya fumi, khathihi na ḓorobo dzo i tangaho.

⁵⁸ Ha vha na Halahulu na Bethe Tsuru na Gedoro

⁵⁹ na Maarathi na Bethe Anotho na Elithekoni. Ndi miḓi miṱanu na muthihi, khathihi na ḓorobo dzo i tangaho.

⁶⁰ Ha vha na Kiriathi Baali (ndi Kiriathi Jiarimu) na Raba. Ndi miḓi mivhili, khathihi na ḓorobo dzo i tangaho.

⁶¹ Thungo dza phangani ha vha na Bethe Araba na Midini na Sikhakha,

⁶² na Nibishani, Muḓi wa Muṋo na Eni Gedi. Ndi miḓi miṱanu na muthihi, khathihi na ḓorobo dzo i tangaho.

⁶³ Hone vhathu vha Juda vho vha vha sa koni u thatha Vhajebusi vhe vha vha vha tshi dzula Jerusalema. Vhajebusi vha kha ḓi dzula henefho na vhathu vha Juda.