JONASI 2 - BIVHILI KHETHWA Mafhungo Madifha

Thabelo ya Jonasi

¹ Jonasi e ngomu ha khovhe a rabela Muṋe washu Mudzimu wawe. A ri,

² “Muṋe washu, ndo u vhidzelela ndi khomboni, Iwe wa nnyaravha. Ndo u vhidzelela ndi fhasi-fhasi vhudzulavhafu, Iwe wa thetshelesa tshililo tshanga.

³ Wo vha wo mposa fhasi-fhasi, hone tshivhindini tsha lwanzhe, nda tangwa nga maḓi, magabelo au oṱhe a nkumba.

⁴ Nṋe nda ri: Ndo thathelwa kule na iwe, naho zwo ralo ndi ḓo dovha nda sedza thembele yau khethwa.

⁵ Ndo vha ndo tangwa nga maḓi nda nga ndi sa fa, lwanzhe lwa ntiba tshoṱhe, ṱhoho yanga ya tandwa nga lukalwe lwa lwanzhe.

⁶ Ndo vha ndo mbwandamela nda swika miteoni ya dzithavha, nda tsela mashangoni a fhasi ha ḽifhasi, nda hoṋelwa tshoṱhe uri ndi si tsha bva. Hone Iwe Muṋe washu Mudzimu wanga, wo nṋula dindini nda tshila.

⁷ “Musi vhutshilo hanga vhu tshi khou ṱuwa, nda elelwa Iwe Muṋe washu, thabelo yanga ya swika phanḓa hau, ya dzhena thembeleni yau khethwa.

⁸ Vhane vha luvha midzimu i si tshithu, vho shandukela Mudzimu wavho muthihi a fulufhedzeaho.

⁹ Huno nṋe ndi ḓo u ṋekedza nduvho ndi tshi khou u renda nga nyimbo. Ndi ḓo khunyeledza zwe nda u anela. U tshidzwa hu bva ha Muṋe washu!”

¹⁰ Ndi hone Muṋe washu a tshi vhudza khovhe ya ṱanzela Jonasi khunzikhunzini.