JOBO 25 - BIVHILI KHETHWA Mafhungo Madifha

Khonani ya vhuvhili: “Ndi nnyi a re muvhuya maṱoni a Mudzimu?”

¹ Bilidadi:

² Muvhuso ndi wa Mudzimu, o fanela u ofhiwa; u vhusa nga mulalo ngei ṱaḓulu makoleni.

³ Ndi nnyi ane a nga vhala mara awe? Ndi nnyi ane tshedza tsha Mudzimu tsha si mu vhonetshele?

⁴ Muthu wa ṋama a nga kona hani-ha u vha muvhuya maṱoni a Mudzimu? Muthu o bebwaho nga musadzi a nga vhuya a pfi ha na mulandu naa?

⁵ Hufha na ṅwedzi Mudzimu a tshi vhona u sa penyi, na ṋaledzi dzi songo kuna –

⁶ muthu ene-ha ane a tou nga tshivhungu, ṅwana wa muthu a no tou vha shonzha, zwi nga tou ngani?