JEREMIA 45 - BIVHILI KHETHWA Mafhungo Madifha

Mudzimu a tshi fulufhedzisa Barukhu

¹ Hezwi ndi zwe muporofita Jeremia a vhudza Barukhu ṅwana wa Neria nga ṅwaha wa vhuṋa wa muvhuso wa Jehoyakimu ṅwana wa Josiasi khosi ya Juda zwiḽa Barukhu a tshi ṅwala kha bugu maipfi e a vha a tshi khou vhudzwa nga Jeremia, a ri,

² “Yahavee Mudzimu wa Israele a tshi vhudza inwi Barukhu u ri,

³ ‘Wo ri: A thi tsha kona! Yahavee o engedza u ṱungufhala kha vhuṱungu vhune nda vhu pfa; ndo fhelela nga tshigomelo, a thi vhuyi nda awela.’ ”

⁴ “Muṋe washu u ri, ‘Mu vhudze u ri: Nṋe muṋe ndi khou thutha zwe nda fhaṱa, nda tupula zwe nda ṱavha, shangoni ḽoṱhe.

⁵ Zwino iwe wo fanela u ḓiṱodela zwithu zwihulwane naa? U songo zwi ṱoḓa. Ndi ḓo ḓisela vhathu vhoṱhe khombo, hone iwe hoṱhe hune wa ya ndi ḓo u litsha wa ponyoka wa tshila. Ho amba Nṋe Yahavee.’ ”