ESTERE 10 - BIVHILI KHETHWA Mafhungo Madifha

Vhuhulu ha Serekesese na Maradokai

¹ Khosi Serekesese a kombetshedza vhathu vhawe vha dzulaho madzinguni a khunzikhunzini muvhusoni wawe, na vha no dzula tshivhindini tsha shango uri vha mu shumele.

² Zwithu zwoṱhe zwihulwane na zwi mangadzaho zwe a ita, na mafhungo oṱhe a musi a tshi hulisa Maradokai uri a vhe muḓivhalea muhulwane, o ṅwalwa maṅwaloni a mahosi a Pheresia na Media.

³ Maradokai wa Mujuda o vha e kha tshiimo tsha vhuvhili nga vhuhulwane, a tshi tou fhirwa nga khosi Serekesese ene muṋe fhedzi. O vha a tshi huliswa nahone a tshi funwa nga Majuda. O vha a tshi shumela uri vha hawe vha wane zwivhuya na uri vhaḓuhulu vhavho vhoṱhe vha tsireledzee.