DZIPHISALEMA 93 - BIVHILI KHETHWA Mafhungo Madifha

Khuluṋoni ya Mudzimu i sa tseki

¹ Muṋe washu ú a vhusa, o ambara vhugala, Muṋe washu o fuka maanḓa, o ḓivhofha khundu ngao. Shango ḽo ṱoka midzi, a ḽi sudzuluswi;

² na khuluṋoni yau ndi kale yo ima, Iwe u wa lini na lini.

³ Muṋe washu, milambo yo bvuma, milambo yo takusa maipfi, milambo i bvumisa magabelo.

⁴ Mubvumo wa maḓi mahulu ndi muhulu; magabelo a lwanzhe ndi mahulu vhukuma; hone muhulusa ndi Muṋe washu a re ṱaḓulu.

⁵ Muṋe washu, ndaela dzau a dzi shanduki, vhukhethwa vhu nakisa nnḓu yau lini na lini.