DZIPHISALEMA 87 - BIVHILI KHETHWA Mafhungo Madifha

Tsioni mme a dzitshakha Muḓi wa Mudzimu

Phisalema, luimbo lwa vhana vha Kora.

¹ Muṋe washu o tea muteo wa muḓi thavhani khethwa;

² u funa muḓi wa Tsioni, na khoro dzawo dzavhuḓi, u fhira miḓi yoṱhe ya Jakopo.

³ Iwe muḓi wa Mudzimu a u khoḓwi zwone, u pfi u na vhugala.

Mme a dzitshakha

⁴ Mudzimu u ri, “Na Egipita, na Babele, ndi ḓo vha vhala na vhane vha nnḓivha, nda si sie na Filista na Tiro na Kushu, nda ri ‘Hoyu o bebwa-vho Tsioni.’

⁵ Ngangoho hu tshi ambiwa Tsioni hu ḓo pfi, ‘Hoyu na houḽa vho bebwa-vho hone. U ḓo tewa nga Waṱaḓuluṱaḓulu Ene muṋe.’ ”

⁶ Muṋe washu u ḓo ri a tshi ṅwala dzitshakha a ri, “Hoyu o bebwa Tsioni, na hoyu, na hoyu.”

⁷ Vha ḓo imba vha pembela vha ri, “Ndí Tsioni, ndi hone ndi hayani.”