DZIPHISALEMA 85 - BIVHILI KHETHWA Mafhungo Madifha

Thabelo ya lushaka ya u humbela mulalo Vhuthu ha Mudzimu ha misi yo fhelaho

Phisalema ya vhana vha Kora ye vha sikela malogwane.

¹ Muṋe washu, wo tonda shango ḽau, wa dovha wa ita uri Jakopo zwi mu anḓe;

² wo hangwela vhathu vhau milandu yavho, wa tiba zwoṱhe zwe vha khakha;

³ wo humisa mbiti dzau wa dzi thudzela thungo.

Ṱhamu ya Mudzimu ya misi ino

⁴ Mudzimu Mutshidzi washu, dovha u ri vuse, u songo tsha ri sinyutshela.

⁵ Ndi hone wo ri sinyutshela tshoṱhe naa? Mirafho i ḓaho i ḓo ḓi vhona mbiti dzau dzi sa dzimi naa?

⁶ A u nga dovhi wa ri ṋea vhutshilo, vhathu vhau vha konou u pembelela naa?

⁷ Muṋe washu, ri sumbedze lufuno lwau lu sa dzinginyei, u ri tshidze.

Mulalo u kha ḓi ḓaho

⁸ Ndi ḓo thetshelesa zwine Mudzimu Muṋe washu a ḓo amba: vhathu vhawe vha fulufhedzeaho u vha fulufhedzisa mulalo, tenda vha si humele kha zwa vhutsilu.

⁹ Ngoho, ha lengi u tshidza vhane vha mu ofha; vhugala hawe vhu ḓo dovha ha dzula shangoni ḽashu.

¹⁰ Ndi hone vhuthu na u fulufhedzea zwi tshi ḓo ṱangana, vhuvhuya na mulalo zwa kuvhatedzana,

¹¹ u fulufhedzea ha simuwa fhasi, vhuvhuya ha sedza fhasi vhu makoleni,

¹² Muṋe washu a ri ṋea zwivhuya, shango ḽashu ḽa bveledza khaṋo,

¹³ vhuvhuya ha mu ranga phanḓa, ha swielela ṋayo dzawe nḓila.