DZIPHISALEMA 82 - BIVHILI KHETHWA Mafhungo Madifha

Mudzimu a tshi sengisa midzimu Khoroni ya Mudzimu

Phisalema ya Asafu.

¹ Mudzimu u langa khoro ya makoleni; u haṱula vhukati ha midzimu a ri,

² “Ni ḓo piringanya khaṱhulo u swika lini? Ni ḓo imelela vhavhi u swika lini?

³ Lamukisani vhaheḓana na tsiwana; vho tambudzwaho na vhashai vha ṋeeni pfanelo dzavho.

⁴ Lamulelani vhaheḓana na vha lilaho; vha vhofhololeni zwanḓani zwa vhavhi.

⁵ “Vhathu a vha ḓivhi tshithu, a vha ṱalukanyi tshithu, vha tshimbila swiswini; miteo yoṱhe ya ḽifhasi i a dzinginyea.

⁶ Ndi zwone, ndo ri ni pfi midzimu, noṱhe ni vhana vha Waṱaḓuluṱaḓulu.

⁷ Hone ni ḓo ḓi lovha unga vhathu vha ṋama, ni ḓo ḓi wa unga vhavhusi vhoṱhe.”

Mukosi wa vhathu vha Mudzimu

⁸ Mudzimu, takuwa u haṱule ḽifhasi, hufha u Muṋe wa tshakha dzoṱhe!