DZIPHISALEMA 8 - BIVHILI KHETHWA Mafhungo Madifha

Vhuhulu ha Musiki na vhuhulu he a ṋea muthu U renda vhuhulu ha Mudzimu

Phisalema ya Dafita ye a sikela malogwane; i pfi i imbiwe hu tshi lidzwa zwilidzo zwa Gathi.

¹ Muṋe washu Muṋe wa zwoṱhe, dzina ḽau ḽi kanukisa hani ḽifhasini ḽoṱhe, Iwe wo vheaho vhugala hau ngei lutomboni!

² Mishumo yau ya maanḓa ye wa i tea i imbiwa nga vhana na dzitshetshe, uri u shonise vha maṅaṅa, u vale mulomo wa swina ḽau na mulifhedzi.

“Muthu ene u tou vha mini?”

³ Musi ndi tshi lavhelesa ngei lutomboni nda vhona mishumo ya zwanḓa zwau, ṅwedzi na ṋeledzi dze wa vhekanya,

⁴ ndi ri: muthu u tou vha mini u tshi vhuya wa mu humbula? Ṅwana wa muthu u tou vha mini u tshi vhuya wa mu tonda?

⁵ Wo mu hulisa a tou fhirwinyana nga vharuṅwa, wa mu ambadza tshiala tsha vhugala na lupenyo.

⁶ Wo mu vhea uri a vhuse zwe wa vhumba nga zwanḓa zwau, zwithu zwoṱhe wo zwi vhea fhasi ha ṋayo dzawe:

⁷ ho dzula nngu dzoṱhe na kholomo, ndi amba na dzone phukha dza ḓaka,

⁸ zwiṋoni zwi fhufhaho muyani na khovhe dza lwanzheni, na zwoṱhe zwi talaho mativhani a lwanzhe.

U renda vhuhulu ha Mudzimu

⁹ Muṋe washu Muṋe wa zwoṱhe, dzina ḽau ḽi kanukisa hani ḽifhasini ḽoṱhe!