DZIPHISALEMA 67 - BIVHILI KHETHWA Mafhungo Madifha

Luimbo lwa u livhuha khaṋo khulu

Phisalema, luimbo lwe lwa sikelwa malogwane; lu pfi lu imbiwe hu tshi lidzwa haripa.

¹ Ngavhe Mudzimu a tshi ri itela vhuthu a ri shudufhadza, a ri vhonetshela nga tshifhaṱuwo tshawe,

² uri ḽifhasi ḽoṱhe ḽi vhone zwine a ita, tshakha dzoṱhe dzi ḓivhe maanḓa awe a u tshidza.

³ Mudzimu, vhathu kha vha u rende, tshakha dzoṱhe nga dzi u tende!

⁴ Tshakha nga dzi takale dzi u fhululedze; u haṱula vhathu u sa ṱaluli, wa endedza dzitshakha fhano fhasi.

⁵ Mudzimu, vhathu kha vha u tende, tshakha dzoṱhe nga dzi u tende!

⁶ Shango ḽo bveledza khaṋo, Mudzimu, Ene Mudzimu ashu, o ḓi ri shudufhadza.

⁷ Mudzimu o ri shudufhadza, ḽifhasi ḽoṱhe nga he ḽa guma nga ḽi mu ofhe.