DZIPHISALEMA 61 - BIVHILI KHETHWA Mafhungo Madifha

Vhukhudo ndi Mudzimu

Phisalema ya Dafita ye a sikela malogwane; i pfi i imbiwe hu tshi lidzwa haripa.

¹ Yowee Mudzimu, ipfa tshililo tshanga, thetshelesa thabelo yanga!

² Ndi u ṱavhela mukosi ndi ngeno mugumoni wa ḽifhasi, mbilu yanga yo ṋoka. Nnyendedze ndi gonye tombo ḽi mphiraho.

³ Ndi Iwe vhukhudo hanga, u mutsheṱo wo khwaṱhaho, maswina a nga si dzhene.

⁴ Litsha ndi dzule nḓuni yau lini na lini, ndi khude nga phapha dzau.

⁵ Iwe Mudzimu wo pfa zwe nda u anela; wo nṋea ifa ḽi ṋewaho vhane vha ofha dzina ḽau.

⁶ Nṋe khosi nṋee ndalamo, ngavhe ndi tshi tshila nda vhona mirafho na mirafho;

⁷ ngavhe ndi tshi dzula ndi khosi maṱoni a Mudzimu lini na lini. Nndinde nga vhuthu hau na u fulufhedzea.

⁸ Ndi hone ndi tshi ḓo u renda nga nyimbo lini na lini, maḓuvha oṱhe nda khunyeledza zwe nda u anela.