DZIPHISALEMA 54 - BIVHILI KHETHWA Mafhungo Madifha

Mukosi wa mutovholwa Mukosi

Luimbo lwa Dafita lwe a sikela malogwane; lu pfi lu imbiwe hu tshi lidzwa haripa. O lu sika musi Vhazifi vho yo sevha Saulo uri Dafita o dzumbama ha havho.

¹ Mudzimu, ntshidze nga dzina ḽau, ntsengele, hufha u na maanḓa.

² Mudzimu, ipfa thabelo yanga; thetshelesa zwine nda amba.

³ Vhatsinda vho mmvutshela, vhathu vha tshiṱuhu vha ṱoḓa u mmbulaha, vhathu vha sa londi Mudzimu.

Thendo

⁴ Vhonani, Mudzimu ndi Mulamuleli wanga, Muṋe wa zwoṱhe ndi thikho yanga.

⁵ U ḓo lifhedza maswina anga nga vhuvhi havho; u vha lozwe, hufha u tshi fulufhedzea.

⁶ Ndi ḓo u ṋekedza nduvho nga mbilu tshena; Muṋe washu, ndi ḓo renda Dzina ḽau, u na vhuthu.

⁷ Wo ntshidza khomboni dzoṱhe, nda konou kunda maswina anga.