DZIPHISALEMA 46 - BIVHILI KHETHWA Mafhungo Madifha

Mudzimu Mutsireledzi wa Jerusalema

Luimbo lwa vhana vha Kora lwe vha sikela malogwane; lu pfi lu imbiwe nga vhasidzana.

¹ Ri khuda nga Mudzimu, ndi Ene maanḓa ashu, ha kundwi u ri lamulela khomboni.

² Naho ḽifhasi ḽa dzinginyea, a ri ofhi tshithu, naho thavha dza wela tshivhindini tsha lwanzhe,

³ naho maḓi alwo a unga a fhufhuma, naho magabelo a dzinginyisa thavha, a ri ofhi.

⁴ Hu na mulambo wa milonga u takadzaho muḓi wa Mudzimu hu re na nnḓu khethwa ya Waṱaḓuluṱaḓulu.

⁵ Mudzimu u vhukati hawo, u nga si thuthiwe; Mudzimu u ḓo u lamulela mapfuvhi a tshi tswuka.

⁶ Tshakha kha dzi zhambe zwadzo, mivhuso i dzinginyee. Ipfi ḽawe ḽá bvuma ḽifhasi ḽi a ṋoka.

⁷ Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

⁸ Iḓani ni vhone mishumo ya Muṋe washu, edzonu vhona zwimangadzo zwe a ita fhano fhasi.

⁹ U fhedza dzinndwa u swika he shango ḽa guma; u vunḓekanya vhura, a thathekanya mafumo, zwiṱangu zwa maswole a zwi fhisa nga mulilo.

¹⁰ “Dzikani ni ḓivhe uri ndi Nṋe Mudzimu, ndi fhira dzitshakha, ndi fhira na ḽifhasi!”

¹¹ Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.