DZIPHISALEMA 4 - BIVHILI KHETHWA Mafhungo Madifha

Thabelo ya nga madekwana Thikho ya fulufhelo

Phisalema ya Dafita ye a sikela malogwane; i pfi i imbiwe hu tshi lidzwa mbila.

¹ Aravha ndi tshi vhidzelela Iwe Mudzimu Mulamuleli wanga! Ndo vha ndo khakhedzwa, Iwe wa nndamukisa; zwino nnyitele tshilidzi u pfe thabelo yanga.

U fhindula vhomutekateki

² Hee inwi vhanna, nṋa ni ḓo litsha lini u shandula vhugala hanga na vhu ita vhuḓabaḓaba? Ni ḓo litsha lini u ḓikumedza mahandana na u tevhela mazwifhi?

³ Ḓivhani uri Muṋe washu o ḓikhethela nṋe mulanda wawe a fulufhedzeaho. Muṋe washu u a pfa ndi tshi mu vhidzelela.

U fhindula vha na mbiti

⁴ Na u sinyuwa háṋu, ni songo tshinya. Na musi ni malaloni, tshi vhe tshilomondundundu.

⁵ Bvisani zwiṱhavhelo zwo teaho, ni ḓitike nga Muṋe washu.

U fhindula vho no ṱovhowaho

⁶ Hu na vhanzhi vhane vha ri, “Ngavhe zwi tshi tou dovha zwa ri nakela nandi!” Vha ri, “Iwe Muṋe washu, dovha u ri penyisele tshedza tsha tshifhaṱuwo tshau, u ri farise.”

⁷ Hone nṋe mbilu yanga wo i ḓadza dakalo ḽine ḽa fhira ḽavho naho vho fura zwiḽiwa na waini.

Tshi no rudza mbilu

⁸ Zwino ndo lala ndo rudza mbilu nda fara khofhe; Iwe Muṋe washu, ndi Iwe u woṱhe une wa nnzudza ho khudaho.