DZIPHISALEMA 21 - BIVHILI KHETHWA Mafhungo Madifha

Muṋe washu o ita uri khosi i kunde Khosi na Muṋe washu

Phisalema ya Dafita ye a sikela malogwane.

¹ Khosi i ḓiphiṋa nga maanḓa au, Muṋe washu; i takala hani i tshi fariswa nga Iwe!

² Wo mu ṋea zwine mbilu yawe ya tama, tshe a humbela nga mulomo wawe a wo ngo mu dzima.

³ U mu livhanya na mashudu mahulu, ṱhohoni yawe wo mu ambadza khare ya musukusuku.

⁴ O u humbela vhutshilo wa mu ṋea, wa mu ṋea ndalamo.

⁵ Wo mu hulisa a vha muhulwane vhukuma, wa mu ṋea vhugala na madzanga.

⁶ U mu shudufhadza u ya ho ya, ha takali zwone a tshi vhona Iwe u nae.

⁷ Ndi zwone, khosi i ḓitika nga Muṋe washu; a i nga tseki, yo tikwa nga lufuno lu sa dzinginyei lwa Waṱaḓuluṱaḓulu.

Muṋe washu u balanganya maswina a khosi

⁸ Maswina au oṱhe u ḓo a fara, wa thuba vhoṱhe vha u vhengaho, wa vha thuba nga tshanḓa tshau tsha maanḓa.

⁹ Muṋe washu a tshi bvelela vha ḓo swa u tou nga ṋanḓo i fhisaho, khavhu dza mbiti dzawe dzi ḓo vha fhisa dza vha lozwa.

¹⁰ U ḓo lozwa vhana vhavho fhano fhasi, na vhaḓuhulu vhavho vha si tsha vhidzwa.

¹¹ Naho vha u lukela maano, naho vha u itela vhukwila, zwoṱhe zwi ḓo pfuvha.

¹² Vha ḓo ri u u vhona vha shavha u ḓo vha pfula nga misevhe yau.

¹³ Muṋe washu, sumbedza vhuhulu ha maanḓa au; ri ḓo renda mishumo yau mihulu nga nyimbo.